எளிமையின் உருவமாக
ஒழுக்கத்தின் உச்சியாக
மக்கள் மனங்களில் வேரூன்றியவர் 

புன்னகை மறையாத போராட்ட மேகம்,
இன்று மௌனமாக விண்மீன்களோடு கலந்துவிட்டாரோ?

செங்கொடியை சுமந்த தியாகத் தீபம்,
பதவிகள் தேடி வந்த போதும்
பழைய வாடகை வீடையே சொர்க்கமாகக் கொண்டவர்;

பொதுவாழ்வின் தூய்மைக்கு அளவுகோல் வைத்த
அந்த தவமிகு வாழ்க்கை
இன்று அமைதியில் உறங்குகிறதோ?

மண்ணுக்காகவும் மக்களுக்காகவும்
முன்னணியில் நின்ற நீதிச் சிங்கம்;
ஆற்று மணல் கொள்ளையை தடுத்த வீர மனம்,
இயற்கையின் காவலன், ஏழைகளின் இதயம்;
வயது தள்ளினாலும் நடை தளராதவர் 
நீதிக்காக நடந்த அந்த அடிகள்
இன்று ஓய்வெடுக்கிறதோ?

காலம் தரித்த மாமனிதர்,
கோடி ரூபாய் முன் வைத்தாலும் குனியாத நிமிர்வு;
கொள்கைக்காகவே வாழ்ந்த
ஒரு தூய பயணம்;
அய்யா, நீங்கள் மறைந்தாலும்
உங்கள் அடிச்சுவடுகள்
பொதுவாழ்வின் பாடப்புத்தகங்களாக நிற்கும்.
வீழ்வது நாமாக இருந்தாலும்,
வாழ்வது உங்கள் கொள்கைகளாக இருக்கட்டும்;
மக்களுக்காகத் துடித்த அந்த இதயம்
இன்று ஓய்ந்தாலும்,
எளிமையும் நேர்மையும் உங்கள் நினைவாக
என்றும் நம்மை வழிநடத்தட்டும்.