இசை &  குரல்: AI SUNO | ஓவியம்: AI

1. சிந்திப்போம்!

யு டியூப்பில் கேட்டுக் களிக்க

சிந்திப்பது  என்றால் பேரின்பம் எனக்கு.
எந்த நேரமும் சிந்திப்பது என்வழக்கம்.

தனிமையில், இயற்கையை இரசிப்பேன் எப்போதும்.
இனியதோர் இன்பம் அதுபோல் வேறுண்டோ/
மனிதரின் பெரும் சொத்து சிந்திப்பே.
மனத்தில் இன்பம் சேர்ப்பதும் சிந்திப்பே.

சிந்திப்பது  என்றால் பேரின்பம் எனக்கு.
எந்த நேரமும் சிந்திப்பது என்வழக்கம்.

இருப்பு இருக்கும் அண்டம் பற்றி
விருப்புடன் சிந்திப்பேன் சலிப்பு அற்று.
சிந்திப்பது போலோர் இன்பம் உண்டோ!
செகத்தில் சிந்திப்பது தான் பேரின்பம்.

சிந்திப்பது  என்றால் பேரின்பம் எனக்கு.
எந்த நேரமும் சிந்திப்பது என்வழக்கம்.

சிந்திப்போம் இங்குநாம் உள்ள வரையில்.
சிந்திப்பதால் தெளிவு பிறக்கும் மேலும்
சிந்திப்பதால் அறிவு பெருகும் எனவே
சிந்திப்போம் இருக்கும் வரையில் நாமே.

சிந்திப்பது  என்றால் பேரின்பம் எனக்கு.
எந்த நேரமும் சிந்திப்பது என்வழக்கம்.

2. விரிவெளியும், விடைதேடும் நெஞ்சும்!,

யு டியூப்பில் கேட்டுக் களிக்க

விரிந்திருக்கும் பெரு வெளியில் இருக்கின்றோம்
புரிந்திட முயற்சி செய்கின்றோம் தெரிந்திட.

ஒளியாண்டுத் தொலைவுகள் பிரமிக்க வைக்கும்.
துளியென எம்இருப்பு இருப்பதும் எதனால்?
தொலைவுகள் பிரிக்கும் பெரு வெளியில்
அலையும் உயிரினம் இதுவரை அறியோம்.

விரிந்திருக்கும் பெரு வெளியில் இருக்கின்றோம்
புரிந்திட முயற்சி செய்கின்றோம் தெரிந்திட.

நெடுந்தொலைவு வெல்வது சாத்தியமா இல்லையா?
நம்வாழ்வில் வெற்றி  கிட்டுமா அறியோம்.
உயிர்கள் வேறு அற்ற அண்டமா?
உண்மையை அறிதல் இலகு அல்ல.

விரிந்திருக்கும் பெரு வெளியில் இருக்கின்றோம்
புரிந்திட முயற்சி செய்கின்றோம் தெரிந்திட.

விடை காணத் தடை பெருந்தொலைவு.
வேகத்தின் அதிகரிப்பு காலத்தை மீறல்
அடைவதே ஒரேவழி ஆனால் அதனை
அடைவது எப்படி அதுதான் கேள்வி.

விரிந்திருக்கும் பெரு வெளியில் இருக்கின்றோம்
புரிந்திட முயற்சி செய்கின்றோம் தெரிந்திட.


3. அன்பே வாழ்வின் அடிப்படை!

யு டியூப்பில் கேட்டுக் களிக்க

அன்பு என்பது வாழ்க்கையின் அடிப்படை.
அன்புடன் வாழுவோம். இன்பம் அடைவோம்.

உயிர்கள் இருப்பது அன்பின் வலிமையால்.
உணர்ந்து கொண்டால் இன்பமே இருப்பில்.
உணராது போனால் விளைவதே மோதல்.
உலகில் தினமும் பார்க்கின்றோம் இதனைத்தான்.

அன்பு என்பது வாழ்க்கையின் அடிப்படை.
அன்புடன் வாழுவோம். இன்பம் அடைவோம்.

உழைத்து, உண்டு , உறங்கி அன்பில்
திளைத்தால் அதுபோல் இன்பம் உண்டோ/
உணராது இருக்கின்றோம் ஏனோ புரியவில்லை.
உணர்ந்து வாழ்வோம் உலகை வெல்வோம்.

அன்பு என்பது வாழ்க்கையின் அடிப்படை.
அன்புடன் வாழுவோம். இன்பம் அடைவோம்.

கணியன் பூங்குன்றனார் அன்று சொன்னார்
யாதும் ஊரே. யாவரும் கேளிர்.
ஆயிரம் ஆண்டுகள்  கடந்து போயின.
ஆயினும் இன்னும் உணராது வாழ்கின்றோம்.

அன்பு என்பது வாழ்க்கையின் அடிப்படை.
அன்புடன் வாழுவோம். இன்பம் அடைவோம்.

அன்பு கொண்டே அகிலத்தில் வாழுவோம்.
அன்பே வாழ்வின் அச்சாணி உணருவோம்.
அன்புக் குளத்தில் மூழ்கி எழுவோம்.
அன்புக் கடலில் பயணம் செய்வோம்.

அன்பு என்பது வாழ்க்கையின் அடிப்படை.
அன்புடன் வாழுவோம். இன்பம் அடைவோம்.


4. புதிய பாதையில் பயணம் தொடரட்டும்.

யு டியூப்பில் கேட்டுக் களிக்க

புதிய பாதையில் பயணம் தொடரட்டும்.
எதிர்காலம் வளமாக அமையட்டும். நம்புவோம்.

நாடு முன்னேற ஒற்றுமை அவசியம்.
பாடு படுவோம் ஒற்றுமை பேண.
பிரிந்து கிடந்தது இனியும் வேண்டாம்.
புரிந்து கொண்டே பயணத்தைத்  தொடர்வோம்.

புதிய பாதையில் பயணம் தொடரட்டும்.
எதிர்காலம் வளமாக அமையட்டும். நம்புவோம்.

இனவாதம் வேண்டாம் மதவாதம் வேண்டாம்.
இருக்கும் பிரிவுகள் இனியும் வேண்டாம்.
கடந்தவை பாடங்களாக இருக்கட்டும். படிப்போம்.
நடப்பவை நல்லதாகத் தொடரவே நினைப்போம்.

புதிய பாதையில் பயணம் தொடரட்டும்.
எதிர்காலம் வளமாக அமையட்டும். நம்புவோம்.

வறுமையில் மக்கள் வாழும் நிலையினை
அறுத்து எறிவோம். திட்டங்கள் தீட்டுவோம்.
அறிவை  அனைவரும் பெறவே நாம்
அனைவரும் உழைப்போம். உறுதி எடுப்போம்.

புதிய பாதையில் பயணம் தொடரட்டும்.
எதிர்காலம் வளமாக அமையட்டும். நம்புவோம்.

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.