ஐந்து நாட்களுடல் உடல் நொந் தழுகி
நெஞ்சு துடிக்க வைத்துச் சென்றாய்.
கொஞ்சமற்ற பிரிவினைகள் மிகு மண்ணிலனைவர்
நெஞ்சங்களுமுனக்காய்த் துடித்தனவே.
சுர்ஜித்! உன் முடிவில் அனைவர்தம்
அர்ப்பணிப்பில் அவரை இணைத்தாய்.
உன் முடிவும் பல பாடங்களை
உலகுக்குத் தந்து முடிந்தது.
உனக்காக உருகிய மானுடரில்
உள்ள நற்பண்புதனை
வெளிப்படுத்தி முடிந்தது.
உன்னையினி உள்ளத்தே நினைக்குந்தோறும்
உன் இருப்பிற்கான இறுதிப் போராட்டமும்,
உனைப்பெற்றவர்,  சுற்றத்தவர் மற்றும்
உலகத்தவர் உகுத்த கண்ணீரும் நினைவுக்கு வரும்.
கூடவே அத்துயரினூடு உனக்காக  
கூடி நின்று உனைக்காப்பதற்காய்
இரவு, பகல் பிரார்த்தித்து
இயங்கிய மனிதத்துவமும்
இனி நினைவுக்கு வரும்.
இவர் இங்கு இதுபோல்
இனியும் மனித்ததுவத்தால்
இணைந்திருத்தலே
இவர் உன் இழப்புக்காய்
இங்கு செய்ய வேண்டியது.
இம்மண்ணினுள் புதைந்த உனக்கு
இம்மண்ணில் செய்ய வேண்டிய பணியிது.
இழப்பினூடும் நீ
இங்கொரு வழி காட்டிச் சென்றாய்..
இனி என்றும் நீ
இருப்பாய்  எம்
இதயங்களில் நிலைத்து.

இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.