பன்முக இலக்கியப் பங்களிப்பு காரணமாக அறிஞர் அ.ந.கந்தசாமி என்ழைக்கப்பட்டவர் எழுத்தாளர் அ.ந.கந்தசாமி. இதுவரை காலமும் அவரது படைப்புகளைத் தாங்கிய நூல்கள் வெளிவராமலிருந்ததால் அவற்றைத் திறனாய்வு செய்பவர்களுக்குப் போதிய உசாத்துணை நூல்கள் இல்லாத குறையிருந்தது. தற்போது அந்தக் குறை ஓரளவு நீங்குகின்றது.

இதுவரை காலமும் வெளியான நூல்கள் மதமாற்றம் ( நாடகம்) & வெற்றியின் இரகசியங்கள் (உளவியல்). இவற்றை முறையே தேசிய கலையிலக்கியப் பேரவை, பாரி நிலையம் ஆகியன வெளியிட்டிருந்தன.

தற்போது பதிவுகள்.காம் அவரது படைப்புகளைத் தாங்கிய மூன்று மின்னூல்களை அமேசன் - கிண்டில் மின்னூற் பதிப்புகளாக வெளியிட்டுள்ளது. அவற்றைத் தற்போது எண்ணிம நூலகமான 'நூலகம்' தளத்திலும் நீங்கள் வாசிக்கலாம். அவையாவன:

1. நான் ஏன் எழுதுகிறேன்? - சிறுகதை, கட்டுரை,கவிதை & நாடகத் தொகுப்பு. நல்லதோர் அ.ந.க பற்றிய அறிமுகம். -

2. எதிர்காலச்சித்தனின் பாடல் - கவிதைத்தொகுப்பு

3. மனக்கண் - தினகரனில் தொடராக வெளியாகி, வானொலி நாடகமாகவும் ஒலிபரப்பப்பட்ட அவரது புகழ்பெற்ற நாவல். -

ஏற்கனவே அச்சுருவில் வெளியான நூல்கள்;

4. மதமாற்றம் ( நாடகம் )

5. வெற்றியின் இரகசியங்கள் - உளவியல் நூல்

அவரது படைப்புகள் பல இன்னும் பத்திரிகைகள், சஞ்சிகைகளில் சிதறிக்கிடக்கின்றன. அவற்றையும் தேடியெடுக்க வேண்டிய கடமை எமக்குள்ளது.