' நான், இதுவரையில் காதல் கதை எழுதியதில்லை . ஏன் , எழுதக் கூடாது ? ... உமா உனக்கு ஏன் இப்படி , பையித்தியக்கார எண்ணங்கள் எல்லாம் வருகின்றன ' . நம்மவர்களிற்கு தமிழீழக்கனவு வரவில்லையா , அப்படி . கூடவே ,சொரூபி சரஸ்வதிப்பூஜையின் போது குச்சுப்பிடி பிடித்தது அவன் நினைவிற்கு வந்தது . நடனம் பழகியவள் , ஆடினாள் . குட்டிப் பெட்டை . நானும் அன்று குருணி தான் . கண் விரிய பார்த்துக் கொண்டிருந்தேன் .சினிமாவிலே அக்கா , அம்மாமார் ஆடுறதைப் பார்த்திருக்கிறேன். ' பத்மினி , தாரகை , இந்த குண்டு அம்மாவால் எப்படி உடம்பை வளைத்து , கிளைத்து உடற்பயிற்சி எடுக்க முடிகிறது ' ஆச்சரியம் என்றாலும் அங்கே அம்மா என்ற எண்ணமே மேலோங்கி இருந்தது . உமாவிற்கு , இடம் பெயர்ந்த பிறகு இப்படி ஊர் நினைப்புகளை அசை போடுவதே பழக்கமாகி போய் விட்டது . இலங்கையோ... நம் தாய்நாடில்லை 'என்று மறக்க வைக்க முயல்கிறார்கள் . முட்டாள்கள் . இறந்த பிறகு 'ஒரு பிடி மண்ணைக் கூட எடுத்துச் செல்ல முடியாது ' என்பது அவர்களுக்குப் புரியவில்லை . மறை இருந்தால் அல்லவா புரிவதற்கு ? . நம் பிராய காலத்தையாவது கலாயிப்போம் என நினைப்பை மாற்றினான்.
குழந்தாய் சொரூபிக்கு என்னை விட நாலு வயசு குறைவாக இருக்கும் . ' நாதம் என்னும் கோவிலே நானும் விளக்கு ஏற்றி வைத்தேன் ' வரிகளுக்கு ...அடேயப்பா எத்தனை உணர்ச்சி அபிநயங்கள் , மிச்சபாட்டைத் தான் அவனுள் மனம் இட்டுக்கட்டி பாடிக் கொண்டு போகிறதே ...! . ஒரு கவிஞரின் வரிகள்...பல்லவி , சரணத்தில் .. நேராக அல்லது தட்டி நெளிக்கப்பட்டோ ...வாழ்கிறது தான் . நீங்களும் கவிதை எழுதுங்கள் . ' புல்லாங்குழலே என் ஜாதி , நானும் நீயும் ஒரு ஜாதி ! ' இப்படி , முணு முணுக்க உங்களுக்கே தெரியாத ஊர்பேர் தெரியாத பலபேர் இருக்கிறார்கள் .
அட ! , இப்ப , அதுவும் உதிர வயசிலே போயும் போயும் ஒரு காதல் கதையை காலம் பிறழ்ந்து எழுத எழுதுகோலும் நடுங்கிறது . ' கண்ணா... ' ஆனையரை அழைக்கவில்லையா , அவரிலே ..'பிரம்மச்சாரித் தன்மைஇருக்கிறது . வேற ஒன்றுமில்லை , எழுத்தர் சாண்டில்யன் கதைகளைப் படித்து ...ஒரு ராஜா பாத்திரம் என்னுள்ளும் வந்து விட்டது .அவர் எழுத்திலே தான் தூக்கலாக ' வாழ்க்கை வட்டம் இருக்கிறது , எழுதுகிறது தப்பில்லை 'என்ற குரலையும் பார்க்கிறோம் . என்னை எவர் எழுதச் சொல்லி கேட்பர் ? .... அண்ணர் , ...நண்பர் , தோழர் , ஒரு எழுத்தர் . இது பிரச்சனையே இல்லை . ' நீ விடுதலைக்கு மட்டும் அடிமை இல்லை , சுதந்திரமானவன் கூட . சங்கிலிகளை பலம் இருக்கிற போது உடை. த்து விடு . எழுது ,எழுது ' என்று பப்பாவிலே ...ஏற்றி விடுறது போல உரு ஏற்றி விடுவார்கள் . எப்ப இது வருகிறது , வரவில்லை இல்லை தவறி விடுகிறது ? ' நான் கோவிலில் ஒன்றும் எழுத்தாளராக அரங்கேற்றமானவனில்லையே . என் பதில்களும் ஆய்வுக்குரியவையுமில்லை . விடுங்கள் .
19 வயசில் ஒரு வேலையில் கொழுவி விட வேண்டும் என விரும்பியவன். படிப்பு தேவையில்லாமல் காலத்தை விரயப்படுத்திக் கொண்டுச் செல்கிறது. இருபதுகளில் ...ஜூலைக்கலவரம் நிகழ்ந்தேறி விட்டது . பிறகு ' ஜனாதிபதியும் , படைகளும் ...சேர்ந்தே துவக்குடன் குற்றம் புரிகிற ' நெருப்பு ட்ராகனாக ' வடக்கு , கிழக்கிலும் புகுந்து விடுகின்றன . நம் சிந்தனையும் , உடல் , சனம் ...எல்லாருமே அதற்குப் பின்னாலே ஓடிக் கொண்டே இருந்ததில் ஒரு...காதலுமில்லை , கத்தரிக்காயுமில்லை ' அதுவும் , எங்கேயோ உருண்டோடி கல்லுக்கு கீழே தொலைந்து போய் விட்டது . உண்மையில் பிராய வயதில் அல்லது முன்னர் பெடியளுக்கு ஏற்படுறது காதலுமில்லை . அவர்களுக்குப் பிடித்த . ஒரு தன்மை , ஒரு திறமை , பிடிக்கிற நடிகையின் சாயல் ...ஏதோ ஒன்று பார்க்க , பேச நண்பர்களிடம் ... புலம்ப ஜோடி சேர்த்து விடுகிறார்கள் . . நான் அந்நேரமே விடுதலைக் கருத்துதுக்களில் ஈர்க்கப்பட்டும் விட்டேன். பிறகு , என்னோடு இயக்கத்திற்கு சேர்ந்த ... தோழர் இன்று இல்லை , ஏற்கனவே தெரிந்த நெருங்கிய தோழரில்லை . ரோல் மொடல் இல்லை . அடப் போய்யா , ' பள்ளிகூடத்தில் , ஆசிரியர் இல்லை , புத்தகமில்லை... ' என்றால் படிக்க தோன்றுமா ? வள்ளவரை கொண்டு போய் சிறையில் அடைக்கத் தோன்றாதா ? , அப்படித்தான் போராட்டதிற்குச் சென்றோம் .
புரிந்து கொள்ள முயலுவோம் . இன்று பொலிஸ் அதிகாரம் கிடையாது இல்லை என்று பேத்துகிறார்கள் . பள்ளிக்கூடங்களிலுள்ள பொலிஸ் கடேட் மாணவர்களைக் கொண்டு போய் மாகாணப் பொலிஸாக்க முடியாதா ? ' பிறகு , ஏன் அவ்வமைப்பைகள் பள்ளி வழியே கிடக்கின்றன . மனசு சுத்தமில்லை , அது தான் எல்லாத்திற்கும் காரணம் . அங்கே அவர்கள் ஆடுறது ருத்திர தாண்டவமில்லை ரெளத்திர ஆட்டம். குற்றவாளிகளைக் கொண்டே நாட்டை ஆள விரும்புகிறார்கள் .
' உயிரியல் பிரிவில் சப்பு ,சப்பி பாடங்களை துப்பி தப்பும் , தவறுமாய் நோட்டுகளில் எழுதியவனால் ' ப்பூ ! எழுதவா ...முடியாது ? ' என எழுத்தாட வந்தவன் . உங்களுக்கு சோதனையாய் வந்த புதிய தலைவலி .
இலங்கை அரசாங்கம் இப்படியே தான் நெடுகக் கிடக்கிறது . வெளியில் மட்டும் என்ன வாழுதாம் ? , அங்கேயும் , ஜனநாயகம் கழற்றப் படாமல் அனாதையாக தூக்கில் தொங்கிக் கொண்டு தான் கிடக்கிறது . பொருளாதாரத்தில் கொஞ்சம் எச்சரிக்கையாய் இருக்கின்றன ' என்றதை தவிர வேற எதையும் ....புதிதாய் குறிப்பிட முடியாது . இலங்கையில் பொருளாதார அறிவு இல்லை . தமிழரின் ...வளர்ச்சியை அடித்து , உடைத்து நொருக்கி ...சிதைத்து தன் மேலே மண்ணைப் போட்டுக் கொள்கிறது . அவை காலனியனாக வந்து போட்ட குரங்காட்டத்திலிருந்து ..ஏன் விடுபடுவான் என்று நலிந்த நிலை கயிறிணைப்புடன் தானிருக்கின்றன . இன்னமும் அவர்கள் உரிமையில் முழுமயாக விட்டு விடவில்லை , பாதிக்கப்பட்டவையும் உயிர் பெறவில்லை . காய் நகர்த்தலை தொடர்ந்தும் தன் கையிலே வைத்திருக்கிறது . வியாபாரிக்கு சமாதானம் என்றால் அவுன்ஸ் , றாத்தல் படிகளில் மட்டும் தான் அளக்கத் தெரியும் . நாம் எல்லாம் ஜால்ரா போடுற நாடுகள் தாம் . இஸ்ரேல் நமக்கு நிகழ்ந்ததை மறுபடியும் நிகழ்த்திக் கொண்டிருக்கிறது . இனப்படுக்கொலையை நிகழ்த்தா நாடுகளும் கூட ஒரு சொல் ....பேசுகிறதா ? காணோமே , இல்லையே . பையித்தியக்கார உலகம் . அச்சப்பட்ட வாழ்க்கைக்கு உள்ளம் எதற்கு? வீரம் ....வீரருக்குத் தான் காதல் இருக்கிறதோ ?? .
அரசாங்கம் தான் பேசவில்லை . எமக்கு பேச என்ன அருகதை கிடக்கிறதா , வாய்யிலே கட்டப்பொம்மன் வார்த்தைகளே வருகின்றன . ' வயலுக்கு வந்தாயா , நீர் இறைத்தாயா , இல்லை 'களை' பிடிங்கினாயா , மாமனா , மச்சானா ...இப்ப காதலியா ? ...அட , உன் மனமும் குப்பையா ! '. அந்த குப்பைகளை எல்லாம் கூட்டி அரைக்கு அரை சாணம் , நீரும் என விட்டு காற்று புகமுயாத பரலில் , அல்லது சீமேந்து அறையில் அடைத்து இரண்டு கிழமைக்கு மேல்விட்டு றபர் பைப்புகளில்( நுனி) உலோக வாயிலைப் பொறுத்தி வைப்பீர்களானால்....வாயு வருகிறதா .... எரிக்க எரிவதைப் பார்ப்பீர்கள் . பக் ஃபயருக்கு சிறிய ஏற்பாடும் செய்ய வேண்டும் . முதலில் , போட்டபிலாகவே அதிலே சிறிய விளக்கை அமைத்துப் பாருங்கள் . சிமினி போன்ற கண்ணாடியின்மேல் வாயிலில் ஒரு உலோக வளையத்தைச் செறுகுவீறானால் சுடர் நேராக எரிவதைக் காண்பீர்கள் .
இந்த கண்டுப்பிடிப்பைக் கொண்டு ஒரு கிராமத்தையே ஒளி மயமாக்க முடியும் . சாணத்தை தரும் மாடு ஏன் முக்கியம் என்பதை விளங்கிக் கொள்ள முடியும் . முஸ்லிம்கள் கூட தேவையில்லாமல் மாடுகளைக் கொல்வதில்லை . கொல்கிற போதும் மந்திரம் ஓதியே கலால் ...உணவாக எடுக்கிறார்கள் . மயிலவத்த மடு , மாகணி புல்வெளிகளில் சிங்களவர் மாடுகளை அநியாயமாக கொன்றொழித்து வருகிறார்கள் . தமிழனின் நிலங்களைப் பிடிக்கிற கூட்டுச் சதியை ( காலனி விடுவிப்பு) மூளையில்லாமல் அன்றிலிருந்தே நிறை வேற்றிக் கொண்டே வருகிறார்கள் . மாடுகள் எவ்வளவு பெரிய செல்வம் ,பொருளாதாரம் . முஸ்லிம்களிற்கு அதன் மேல் உள்ள மரியாதை கூட இவர்களிற்கு இல்லையே .
மின்சாரத்தை அவசியத்திற்கு மட்டும் பாவித்து ...உந்த எரிபொருட்களிற்கு எதிராக ஒத்துழையாமையில் எம்மாலும் ஈடுபட முடியும் . இனிமேலாவது , வெளிநாடு மாயையும் வேண்டாம் என காந்தியின் வழியில் நடை போடுவோம் . நினைப்பில் உறுதி இருந்தால் எச்செயலுமே சிறக்கும் . ஒருமுறை , பெற்றல் , மண்ணென்னெய் என இருக்கிற இக்கட்டிலிருந்து விடுபட முயற்சித்துப் பாருங்கள் . நாளை ஒருவேளை உங்கள் இருசக்கர வாகனமும் இந்த வாயுவால் ஓடலாமே , யார் கண்டது . ஐரோப்பியப் பிரிவு , போர்களை ஏற்படுத்தி ஏற்படுத்துற விளைவுகளிலிருந்து...இவற்றின் விலைகளை உயர்த்தி ...எழுகிற பாதிப்புகளிலிருந்து எம்மை காத்து கொள்ள மெல்ல , மெல்ல இறங்கலாமே . கோவிட்டுக்குப்(19) பிறகும்... புத்தி வராமல் இவர்கள் கையில் எடுத்த கொல்லும் மெசினை அடித்து நொறுக்கி விட வேண்டும் . ஒன்று ..2 .என போர்களை நிகழ்த்தியும்.... இந்த அலுப்புகள் திருந்தவில்லை .
தமிழ்நாட்டில் , வீடுகளில் ஒரு படிக்கும் அறை அவசியம் என பூஜை இடம் பெற வேண்டுமென பில்டிங்கோட்டில் விதியைக் கொண்டு வந்தவர் சி. என் . அண்ணாத்துரை என்கிறார்கள் . அங்கே அது எவ்வளவு தூரம் பின்பற்றப்படுகிறது ? என்பது தெரியவில்லை . அதே போல வீடுகளில் புறம்பாக ஒரு வேலைக்கொட்டல் ( கராஜ்) ஒன்றையும் அமைத்துக் கொள்ளல் அவசியமானது என்றே படுகிறது . கனடாவில் ஒரு ஜேர்மன் தந்தையர் தன் மகன் , பொம்பாடியருக்கு ஒரு கொட்டலை அமைத்துக் கொடுத்ததாலே பலரகப்பட்ட பனிவாகனங்கள் , சப்வே தொடரூந்துகள் , விமானங்கள் ...என மனதில் தோன்றுவதையெல்லாம் சிறுபையன் கண்டு பிடித்திருக்கிறான் . வளர்ந்திருக்கிறது . நியூயோர்க்கிக்கான முதல் சப்வே ரெயினையும் இவன் கம்பனியே செய்து கொடுத்திருக்கிறது . சிறு துளி , பெருவெள்ளமாகியிருக்கிறது . நம்மிலும் ஆற்றல் இருக்கிறது . மனித வாழ்வில் எட்டு , எட்டு வளையங்கள் ...எல்லாமே சமத்தன்மை கொண்டவை மட்டுமில்லை , ஆற்றல்களுடன் தொடர்புமுடையவை . ஒன்று சிறப்பாக இருந்து விட்டால் கூட நீங்கள் சாதனையாளர் தான் . மற்றததில் முழுமையடையவில்லை என்று கவலைப்பட தேவையில்லை . அதில் , ஒன்று தான் காதல் ... , வாழ்க்கை.யிலிருந்து . நம்மில் சிலருக்கு காதல் விலகிப் போயிருக்கலாம் , சிலருக்கு வாழ்க்கை .., , வீரதீரம் ..., எழுத்து . படிப்பு , ஆரோக்கியம் . ஏதாவது ஒன்றில் வெல்லுங்கள் போதும் .
கம்யூனிசத்திலும் வலது குறைந்தவனைப் பார்த்து ' நீ சாதனையனில்லை என்று எவர் சொன்னது ! ' என்று மில்லரின் விளையாட்டை வைத்து தான் சொல்லப்படுகிறது. . அதில் திவீரம் அதிகம் . 'அப்படியில்லாமலும் உன்னால் சாதிக்க முடியும் ' என்பதை தாழ்வுச் சிக்கலில் அகப்பட்டவரிடம் வெறுமனே சொன்னால் எடுபடுவதில்லை என்பதாலே' இப்படி கதைகள் எல்லாம் கூறுவதையும் பார்க்கிறோம் . கூற வேண்டியுமிருக்கிறது.
காதலைத் தொலைத்தோம் என்றால் ...சரியான வழிகள் நமக்கமையவில்லை என்று தான் அர்த்தம் . நம் சந்ததியில் ஒன்றாவது , நிறைவாக வாழ , எதையும் தொலைக்காது வாழ ...வழியை அமைத்து கொடுக்க வேண்டிய பொறுப்பு நமக்கு இருக்கிறது . நம் எசமானர்கள் மனிதக்கையை நீட்டினால் மட்டுமே பற்று , இல்லா விட்டால் ..நம்வழி தனிவழியாகவே கிடக்கட்டும் . 'துவக்கும் , வெடியும் எடுத்தவாக்கில் வேண்டாம் . அவை நமக்கும் கொல்லும் மெசின் தான் . நம்மினத்தின் கையாலும் நாமும் விழ வேண்டி நேரிடலாம் ' என்பதால் அதில் நிதானத்தைப் பதிப்பதே நல்லது .
உமா காலையில் எழுந்தும் ஒணான் கணக்கில் கைப்பலத்தில் ஊன்றி புஸ் , புஸ் என தலையை உயர்த்தி , தாழ்த்தி புஸ் அப் செய்றான் . அன்று தோழர்கள் இந்த கை ஊன்றலை மயிலாசனத்தில் செய்வார்கள் . முருகனை நினைத்து விட்டீர்களா? அது யோகாசனப் பயிற்சி . கனடாப் பிரதமர் கூட ஆரம்பத்தில் வென்றவுடன் மேசை மீது ஊன்றி செய்து கலகலப்பை ஏற்படுத்திக் கொண்டிருந்தார் . அவருடைய அப்பா உலகநாடுகளுக்குக்கெல்லாம் சென்ற போது இந்தியாவில் ...அவரைக் கவர்ந்த உடல்ப்பயிற்சி இது . இதை செய்வது ஒன்றும் இலகும் ...இல்லை . ஆனால் முயற்சி திருவினை ஆற்றும் . கையிலே ஊன்றி கால்களை காற்றிலே மிதக்க நிற்றல் . அப்பர் வழியில் கற்றிருக்கிறார் . இவர் மட்டுமே விளையாட்டுப்பிள்ளைப் போல ...செய்து அசத்திக் கொண்டிருந்தது ஊடகங்களைக் கவர்ந்தது . அவை தந்தையின் அன்றையப் படத்தையும் , இவரின் இன்றையப்படத்தையும் பக்கத்தில் , பக்கத்தில் போட்டு பிரசுரித்துக் கொண்டிருந்தன . . எக்காரியத்திலும் வெற்றி அடைகிற போது மயிலாசனம் செய்யிறது வழக்கம் .அரசியல் அமைப்பிலே அதிகமாகத் திரிந்த இந்தியப் பயிற்சி பெற்ற ... தோழர்கள் வந்த பிறகும் அமைப்புப் பெடியள்களுடனேயே திரிந்தார்கள் . வாசிகசாலை , சனசமூக நிலைய மேசைகளில் ஓடி வந்து கைகளில் ஊன்றி அந்தரத்தில் நிற்பார்கள் .உமா ஐயா அன்று செய்ய கடுமையாக முயற்சிப்பார் ... ஒரு எழவும் நடக்கவில்லை , முடிந்ததில்லை . இப்ப கொஞ்சம் ஈயிறது நடக்கிறது . மற்றது ....கால் இரண்டையும் நேர்கோடாக விரிக்கிற கராட்டிப் பயிற்சி . அதை அவர்களிலே பலரும் கூட செய்ய மாட்டார்கள் . லொக் உடையணும் 'என்பர் . மெல்ல , மெல்ல அணுக வேண்டியது , இல்லா விட்டால் ஏடாகூடமாகி விடும் . ஜிம்னாஸ்டிக்கில் பெண்களால் இலகுவாக செய்யப்படுறது , ஆண்களாலும் செய்யிறதைப் பார்க்கிறோம் . எனவே ஆடவர்களாலும் முடியக்கூடியது தான் .அவர்களுக்கு லொக் உடைந்திருக்கிறதா... தெரியவில்லை . பகிடியாய் சொல்லப்பட்டதாகவே படுகிறது . தெரியாதவர்களிடம் பூச்சாண்டி விடுறதில்லையா ? . இலங்கையரசு ' உனக்கு மாகாணவரசு இல்லை , கிடையாது ' என பூச்சாண்டி விட்டுக் கொண்டிருக்கவில்லையா ! . படைகளுக்கெதிராகப் போராடுறதுக்கு முதலில் கைப்பலம் வேண்டும் ' என்று தோழர் மற்றவர்களும் செய்ய பழக்கிக் கொண்டிருந்தார்கள் .
ஒன்றைக் கவனித்தீர்களா , மாகாணவரசு கிடையாது , பொலிஸ் அதிகாரம் கிடையாது 'என்கிறவர் எல்லாம் பிரிட்டன் , அமெரிக்கா சென்று படித்து ராணியிடம் பட்டமும் பெற்று வந்த ' ராணி வழக்கறிஞர்கள் ' . பொலிஸை , பள்ளி பொலிஸ் கடேடிலிருந்து தெரிந்து இயங்க வைக்க முடியாதா, என்ன ? ' எல்லாம் மறை கழன்றவர்கள் . பழைய எசமானர் சொல்ப்பேச்சு கேட்டு , வேற யார் ராணிக்கூட்டத்திடமிருந்து பெற்ற கட்டளைப்படியே நடக்கிறார்கள் . சுயபுத்தி அறவே கிடையாது . இந்தியாவிற்கு சுதந்திரம் விருப்பமில்லாதே கொடுக்கப்பட்டிருக்கிறது . எனவே , இந்தியாவால் முன்னெடுக்கிற காரியங்களை எல்லாம் நிறைவேற விடாது குழப்பிக் கொண்டே ஐரோப்பிய மட்டம் இருக்கின்றன . கூட்டாளிகளும் சேர்ந்து விட்டார்கள் . இன்று பிரிட்டன் , கனடா ,அவுஸ்ரேலியா ...என பிள்ளைகளையும் பெற்று இரண்டு புதிய குரல்களையும் பெற்று விட்டிருக்கிறதே .
எப்பவிருந்து இந்த காதலுணர்வு வருகிறது ..நாடுகளுக்கிடையிலும் கூட வருகிறது . நாமோ ,சினிமாவில் பார்த்து ஏற்படுற கிளர்ச்சியை அப்படியே கொப்பி அடிக்கிறோம் . நாம் கரைந்து வேறு போகிறோம் . அந்த கரையல் வளர்ந்து கொண்டே போகிறது . ஒரு இறப்பு நேரிடுற போது எப்படியோ ஒரு பிறப்பும் ஏற்பட வேண்டும் . ஆத்மா இடம் மாற வேண்டும் . எனவே , காதல் கதைகள் பிறக்கின்றன . பழையக் கள்ளு , புதுப் பிழாவில் புதியக் கள்ளாக புளிக்கிறது , இனிக்கிறது . ஏற்றுக் கொள்ளக் கூடியது தான் . அப்ப , நானும் ...எழுதலாமல்லவா! . இனி அதற்கு சாதிப் பூச்சு , ..மதப் பூச்சு ...மொழி பூச்சுஎன எல்லாம் பூசலாம் . கலந்து எழுது . காரம் , வாசம் ...குணத்துடன் . சே ! இஸ்ரேலின் குண்டு வெடிப்பில் பாலாஸ்தீனரின் ....பரிதாப மரணங்கள் . (தொலைக்காட்சிக்) காட்சிகள் ....ஈழத்தில் நாமிருந்த நிலைக்குள்ளேயே நினைப்புகளையும் ஒரு புறம் தள்ளி விடுகின்றன . 'யாரைக் குறித்து எழுதுவோம் ? , எம்மையா , இவர்களையா ...? எல்லாரும் மனிதர் இல்லையா ' சிலருக்கு பிறத்தியார் சங்கடங்களைக் கண்டு ரசிப்பதில் ரசனை இருக்கிறது என்றும் சொல்கிறார்கள் . அறம் பிறழ்ந்தவர் எவ்வளவு வீரர் ,தீரர் , விஞ்ஞானி , தலைவராக இருந்தாலும் அவர்கள் மதிக்கப்பட வேண்டியவர்களே இல்லை . பகிஸ்கரிக்கப்பட வேண்டியவர்கள் . பார்வையில் , ஆண், பெண் தெரியவில்லை , துடிக்கிற உயிர்களே தெரிகின்றன . எம்மையும் துடிக்க வைக்கின்றன.
எழுத்தர் கோர்க்கி கூறுவது போல சூழல் தான் நாம் படிக்கிற பல்கலைகழகம் . இன்றைய புதுசுகளும் ... இதையும் ஒரு பாடமாக எடுத்து படிக்க வேண்டும் . எப்படி காதலுக்கு இனி விளக்கம் கொடுப்பான் ? . நாட்டில் பசுமை ,செழுமை பெற புதுப்படிப்பாலே முடியும் . ' போராடு , போராடு ...எழுத்தாடு, எழுத்தாடு ! ' . காதல் கதை ஒன்றை எழுதுறது ஒரு கனவு . கோப்பி ஒன்றை தயாரித்து எடுத்துக் கொண்டு எழுத்தாடத் தொடங்கினான் . அவனுக்கு கல்யாணம் ஆனது . ஆனால் படிவு , ரணம் ..கனவுகளை வைத்திருக்கவில்லை .
' சாமியார் ' என சமயத்தில் மனைவிப் பெண் ஏசுவார் . அவன் அவளை விரும்பினான் . ஆனால் , ஏட்டிக்குப் போட்டி போல ...'எது சொன்னாலும் ஒரு கருத்து வாய் வழியே வந்து உதிர்ந்து விழும் . ' தாமரைக்காரருடன் பேசவே முடியாது , எல்லாத்திற்கும் பதில் வைத்திருப்பர் ' என்பர் . அந்த பழக்கத்தை காலமும் மாற்றி விடவில்லை . அப்படி பதில் சொல்வதை விட்டு மெளனமாக இருந்து விடுறது மேல் ' என சிலவேளை படும் . செயல் படுத்தவில்லை . பாவம் . அவள் ' நல்ல வார்த்தை சொல்ல மாட்டானா ' என்று வாயை கிண்டுவாள் . பெண்களுக்கு பேசும் கலை கை வந்தது . ஆனால் , துவாரகாவை வயிற்றில் சுமந்து ...பிறக்கும் தறுவாய்யிலே தான் மனைவி தான் காதலி என முதல் முதலாகபுரிந்தது .
'அவளை நேசிக்கத் தொடங்கியதும் அன்றிலிருந்து தான் .
பொருளாதார சமநிலை எய்வது ஒவ்வொரு ஆடவர்க்கும் எவ்வளவு அவசியமானது என்பது இப்பவெல்லாம் புரிகிறது . இல்லா விட்டால் வாழ்வு முழுதுமே ஒரு கனவு தான் ! , யாரும் சொன்னாலும் புரியாது , புரியவே மாட்டாது . சரிவர சொல்லப்படவில்லை 'என்றே நினைப்பார்கள் . ' காதலை 'தமிழ்பட்டதாரிகளிடமே பேராசியர்களிடமும் விட்டு விடுவோம் .
பழையபடி விடுதலை இலக்கை நோக்கிய கதைகளையே எழுதலாம் . அவை அவசியமானவை தான் . புற வாழ்க்கைக்கான போராட்டத்திலிருந்து விடுபடவே முடியாது . ' காதல் ' ஒரு அகப்போராட்டம் . ஒரு கதையாவது எழுத முடியாதா என்ற நப்பாசையும் கிடந்து துடிக்கிறது தான் . அவன் முயற்சியும் செய்கிறான் . உரிமைகள் ... மகிழ்ச்சிகள் நிலவுற வீடுகளிலே உண்மையான காதலைக் காணலாம் , சந்திக்காமலா போகப் போறான் . அதை ஈழத்தில் போயும் தேடிப் பார்க்க வேண்டும் .
மணி(ரத்தினம்)யின் ' உயிரே' சினிமாவில் , 'உள்ளத்தில் ரணமிருந்தால் , கனவுகள் வருவதில்லை ' என்கிற வரிகளை அடிக்கடி கூறுகிறார் . அந்தப் படம் வர முதலே அவன் இயக்கத்தில் ' இப்பவெல்லாம் கனவுகள் வருவதில்லை 'என்றுகூற ...' ஊர்ப்பெட்டைகள் ஒருத்தி ( கனவில் ) கூட வருகிறாளில்லை' என்று தோழர்களும் கதைத்து சிரித்திருக்கிறார்கள் .
உமாபதி எழுதி முடிக்க வேண்டும் என்கிற மரத(ன்) ஓட்ட வீரன் .. முடிக்காமல் விடுவானா ?
உயிரியல் பாடத்தில் படித்தது அவனுக்கு நினைவிற்கு வந்தது .டி.என் .ஏ...அது , இது ...என்றாலும் ஒரு மனிதப் பிறப்பு ஆணும் , பெண்ணும் கொண்ட கலவை தான். அதைப் பற்றிய விளக்கங்களை குறிப்பாக கோயில்களில் தான் காணக்கூடியதாக இருக்கிறது . அருத்தநாரீஸ்வரரின் சிலை இல்லாத கோவிலே இல்லை . அரை சிவன் , அரை பார்வதியுடன் உள்ள சுதைச்சிலை , புடைப்புச் சித்திரமாகக் காணப்படுகிறது . அது , இருவரையும் ' நீ ...ஆண் , பெண் என்று கூறுகிறது' . யோகக்கலை பொதுவில் வைக்கப்பட்டு ஒரே மாதிரியே கற்பிக்கப்படுகிறது . புராதன மனிதன் . தாயை நினைத்து ....வடிவமைத்ததே கோவில் . கடவுளின் சிலையை , கர்ப்பக்கிரகம் என்கிற இருள் சூழ்ந்த கருவறையிலே வைத்து . எல்லா (சக்தி ..) பிறப்புகளின் இடமும் அது தான் என்றும் கூறுகிறது .
ஒரே ஒரு ...கதை எழுதினால் போதும் . ' ஏன் சிறு பிராய நினைப்புகள் நிறைவேறுவதில்லை ? ?இது ஒரு பெரிய .., சிறிய கேள்வியா ? , உமாவிற்கு பெரிதாயே தெரிகிறது . 'உலகமும் கூட சாதி , சமூகமாக பிரிபட்டு தான் கிடக்கிறதப்பா பிள்ளாய் ! '. நம்பிரிவிலும் குறைகள் இருக்குதப்பா ..என்றதை ஏற்றுக் கொண்டே ஆக வேண்டும் . ஆனால் , நம் முன்னோர் நிறைவுப் பொருளாரத்திலும் வாழ்ந்திருக்கிறார்கள் என்பதை மறந்து விடாதே . அதற்கு இலங்கையில் நிறைய குளங்களை வெட்டி இருக்கிறார்கள் . இருக்கிறவற்றை மண் மூடி வர , சிலவற்றை மற்றயவரை அபகரிக்க விட குறைக்கிறது நடைபெறுகிறது . சொந்த மரபுகளை பாசி பிடிக்க விட்டு காலனி மரபுகளைப் பின் பற்றி நம்மிருவினமும் வாழ்ந்து கெட்டு குட்டிச்சுவராகி கழுதையாய் தேய்கிறதாயும் கிடக்கிறது . ஒட்டாகாந்தங்களாக நாம் . ஒருத்தரை ஒருத்தர் இழுத்துக் கொண்டே இருக்கிறோம்? . நாம் என்றுமே ஒன்றுக்குப் பின்னாலே ஓடிக் கொண்டிருக்கிறவையள் . நின்று நிதானிக்கிறதில்லை . சிந்திக்க நேரமில்லை .உண்மையான ' ஜனநாயகம் ' நிலவ வேண்டும் . தனிநாட்டை 'நினைத்துப் பார் . குட்டிப் பிரதேசத்திற்கு ஒரு பிறிம்பான படை ...அதுவும் முப்படையடா , நிறைய கொலைக்கருவிகள் தேவை . கருவிகளுக்கு ...யாரையாவது கொன்று கொண்டே இருக்க வேண்டும் . அவற்றின் விலையை சிந்தி . பெரிய நாடுகளே படைக்கான அதிக செலவில் அகப்பட்டிருப்பதனாலே வறியவையாக இருக்கின்றன . நாடு உரு பெற முதலே வங்குரோத்தில் கிடக்கும் . எப்படி ...என்றாலும் சிக்கனமும் , சுதந்திரமும் கூடிய வாழ்க்கையே எமக்கு வேண்டும் . கணக்கு ரொம்ப சிக்கலாகவே இருக்கிறது . ஒருபுறம் இஸ்ரேல் போல மிகக் கொடியவர் . குற்றம் பல செய்வதற்கும் தயங்காதவர்கள் . இந்தியாவிற்கு எதிராகவும் ..பிடி . வேண்டி இருக்கிறது . அதற்கு எம்மையும் தம்பக்கம் இழுத்து ....ராஜீவ்வையும் கொல்ல வைத்து கூழை காய்ச்சி வைத்திருக்கிறார்கள் . சீக்கும் அப்படிப்பட்ட ஒரு கூழ் தான் .
அறப்பிறழ்கை ஒவ்வொன்றுமே தாமரையாய் ...அமைதியாய் மலர்வதில்லை .வன்முறை ,வன்முறையாய் வெடிக்கவே செய்கிறது . ஆயுதம் , பிரச்சனையை தீர்க்க முடியாதது. எதுவுமே கூட ஆடவ லட்சணமுமில்லை . சராசரி பொருளாதாரத்தைக் கட்டிக் கொள்கிறதே , ஏற்படுத்திக் கொள்றதே எல்லாருக்கும் முதன்மையான லட்சணம் . அதற்கு சமூகச் சிந்தனை , தோழமையுடன் ஊன்றல் தேவை .நீ அரசியலையும் படித்தே ஆக வேண்டும் . பள்ளி நோட்டை விட எதையுமே பார்க்காத கழுதை நீ . அன்றும் இன்றும் நீ ஒரே மாதிரி . , உனக்கு என்ன நடக்கிறது என்று என்றுமே புரியவில்லை , புரியவுமில்லை . சுய வேலை வாய்ப்பு ஒன்றை ஏற்படுத்திக் கொள்ளுறலும் மிக முக்கியமானது . அதை மாத்திரம் ஞாபகத்தில் வைத்திரு . கண் இருந்தும் குருடாக்கிக் கொள்ளாதே . மற்ற சமானியவேலையும் தேடிக் கொள் . முழு அல்லது பகுதியாயிருந்தாலும் சரி ...வென்றால் சரி , இல்லா விட்டால் பரவாயில்லை . ' இலங்கையில் இனக்கலவரம் களையாயே கிடக்கிறது . போரிற்குப் பிறகும் உயிர்த்த ஞாயிறுத் தாக்குதலை இராணுவ வெடிமருந்துகளைக் கொண்டு நடத்தப் பட்டிருக்கின்றன . எத்தனை வெளிப்படையாய் இருக்கிறது . எனவே போராடடா , அதற்கு எழுத்தாடடா !'யாரும் உன்னை ஏறெடுத்துப் பார்க்கவில்லையா, கவலையை விடு .உமா பென்சிலை எடுத்து உருட்டி , உருட்டி மேலே பார்த்து சிந்தித்தான் . அவன் ஒரு கதையை எழுதி முடிப்பான் எனத் தோன்றுகிறது , எந்தக்கதை என்று நினைக்கிறீர்கள் ? .
'நம் காந்தி அன்னிய ஆடைகளை எரித்தாரே , உப்பை நம் வியர்வையில் காய்ச்சி ' எம் நிலத்திற்கு அமைச்சு , கிமைச்மை எமக்கமைக்கத் தெரியும் , நீ வெளியேறும் நேரம் வந்து விட்டது. வெளியேறு ' என்றாரே .வெறும் கல்லை எடுத்து எறிந்து எதிர்ப்பைக் காட்டிய பாலாஸ்தீன சிறுவர்கள் 'எதைக் கண்டு அஞ்சுகிறாய்' என்று கேட்கிறார்கள் . ஒரு வீரனைக் கண்டால் உலகம் கொல்லாது விடாது . ஒரேயாடியாய் அஞ்சுகிறது. அது தான் இஸ்ரேல் நிறைய குழந்தைகளைக் கொன்றிருக்கிறது . இவர்களைக் கொல்லும் இஸ்ரேல் எங்ககையோ அறிவியலில் பறக்கிறதாம் .
இன்று ஜனநாயகம் அத்தனைத் தகுதிகளையும் இழந்து விட்டிருக்கிறது .பழைய கால அரச அறமே பரவாயில்லை என்கிற நிலைக்கு கீழிறங்கி , கீழிறங்க வைக்கப்பட்டு கொண்டு போகிறது . நாளையைப் பற்றி எனக்கு கனவு இல்லை . அது இன்றிருப்பதை விட மிகவும் கேடுகெட்டதாக, கொடூரமும் டன் கணக்கில் கூடியதாகவே இருக்கப் போகிறது .
உன்னோடு சமர் செய்ய , மோத நேரமில்லை . அதற்கு இலங்கையை காவல் காப்பது என்று சொல்லி...கொலைகளை நிறைவேற்றுற படைகள் இருக்கின்றன .அந்த கூலிப்படைகளைப் பிடி அவற்றைக் கொண்டு போய் உலகம் முழுதும் மோது , சாய் அல்லது அழிந்து போ . குரூரச் சிரிப்பு உலக அரங்கம் அது . மக்களால் தெரிவாகி இருக்கிற ஜனாதிபதி , அங்கேயோ , இராணுவ ஜனாதிபதிக்கு முன்னால் கூனிக் குறுகி குச்சுப்பிடி பிடிக்கிறவராய் இருக்கிறார் . நீ அந்த ஆட்டத்தையும் பார்த்து ரசி , ஆளை விடு . ஆமாம் ! , நாடுகளில் எல்லாம் இருவல்லவர்கள் இருக்கிறார்கள் தான் . வெளியில் வாங்கிக் கட்டிக் கொள்கிறவர் ஒருவர் . வடக்கில் , ஜனாதிபதி காணியை விடுவிக்க ' கட்டளை ' இடுகிறார் . அந்த கட்டளை நைந்து நைந்து விடுவிக்க பத்து வருஷம் ஆகிறது . பல கோரிக்கைகள் கவனிக்கப்படாதும் கை விடவும் படுகிறது .
இந்த கண்றாவியான சூழலிலே தமிழ் , சிங்களப் பெண்ணின் பாதுகாவல் அல்லவா கேள்விக் குறியாகி விட்டிருக்கிறது . முதலில் அவர்கள் அல்லவா காப்பாற்றப்பட வேண்டும் . எந்தக் கதையும் எழுத தமிழ்நாட்டில் ஆயிரம் பேர் இருக்கிறார்கள் . ஆளை விடு அப்பனே .
நவ பார்வதி பதி ,பதியே , அரகர மகாதேவா !
இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.