ஹைக்கூ கவிதைகள்

Wednesday, 23 September 2020 00:40 - கா.ந.கல்யாணசுந்தரம் - கவிதை
Print

ஹைக்கூ கவிதைகள்
தானியம் தூவும்
வேடனின் கைகள்
வலை விரிக்கும்

ஆற்றில் மூழ்கியபடி
அடையாளத்தை இழக்கிறது
உடைந்த பாலம்

பிஞ்சுக் கரங்களின்
தொடுதலின்றி வாடுகின்றன
உடைந்த பொம்மைகள்

ஏணிப்படிகளோடு
உறவாடி மகிழ்கின்றன
உயர்ந்த எண்ணங்கள்

இலையுதிர்த்தபோதும்
அசையாத நம்பிக்கையில்
ஆணி வேர்

இலைகளை உதிர்த்தபடி
குளக்கரை மரம்
நீரில் தத்தளிக்கும் எறும்பு

விழி மூடிய புத்தனின்
தியானத்தில் நடனமிடுகிறது
உதிர்ந்த சருகு

குடிசையின் மேல் ஏறி
காய்த்துவிட்டுத் திரும்புகிறது
சுரைக் கொடி

தெருவில் மழை வெள்ளம்
அணைபோடும் சிறுவர்கள்
ஒதுங்கி நடக்கும் கால்நடைகள்

காற்று எதிர்த்தாலும்
சுழன்றபடி முன்னேறுகிறது
ஓலைக் காற்றாடி

குப்பத்து முனியனும் சுப்பனும்
கோபுர உச்சியில்
மின்விளக்கு ஏற்பாடுகள்

பின்நோக்கி நகரும் மரங்கள்
பத்திரமாய் இருக்கட்டும்
சாலையில் நடக்கிறேன்

This e-mail address is being protected from spambots. You need JavaScript enabled to view it

 

Last Updated on Wednesday, 23 September 2020 00:53