பதிவுகள்

அனைவருடனும் அறிவினைப் பகிர்ந்து கொள்வோம்

  • Increase font size
  • Default font size
  • Decrease font size

பதிவுகள் இணைய இதழ்

படித்தோம் சொல்கின்றோம்: வாசித்துப் பயன் பெறத்தக்க ஆக்கங்களின் வரவுடன்… ஞானம் 2020 ஏப்ரில் மாத இதழ்

E-mail Print PDF

ஞானம் சஞ்சிகை ஏப்ரில் 2020'ஞானம்' ஆசிரியர்: ஞானசேகரன்இலங்கையில் கொழும்பிலிருந்து நீண்டகாலமாக வெளிவந்துகொண்டிருக்கும் ஞானம் மாத இதழின் இம்மாதத்திற்குரிய ( 2020 ஏப்ரில் ) பிரதி கிடைக்கப் பெற்றோம். உலகெங்கும் அச்சுறுத்திவரும் கண்ணுக்குத் தெரியாத எதிரியை முறியடிக்க ஒவ்வொரு தேசமும் போராடிக்கொண்டிருக்கும் சமகாலத்தில், இந்த எதிரியின் தோற்றம் வளர்ச்சி குறித்த விரிவான பார்வையுடன், இம்மாதம் 01 ஆம் திகதிவரையில் கிடைக்கப்பெற்ற பாதிப்பு தொடர்பான புள்ளிவிபரங்களுடனும், இலங்கை எதிர்நோக்கும் நெருக்கடியை சமாளிப்பதற்கு பொதுமக்கள் எவ்வாறு தங்களது அன்றாட வாழ்க்கை முறைகளை தேசத்தின் நலன் கருதி மாற்றிக்கொள்ள வேண்டுமென்பதை அறிவுறுத்தி, விழிப்புணர்வை ஏற்படுத்தும் வகையிலும்  ஆசிரியர் தி. ஞானசேகரன் விரிவானதோர் ஆசிரியத்தலையங்கம் எழுதியுள்ளார். ஆசிரியர் தி. ஞானசேகரன் தொழில்முறையில் முன்னர் மருத்துவராக இலங்கையின் மலையகப்பிரதேசங்களில் பணியாற்றியவர் என்பதும்  குறிப்பிடத்தகுந்தது. முன்னைய காலங்களில் சில வைரஸ் அச்சுறுத்தலை சந்தித்த  சில உலக நாடுகளில் நேர்ந்த  தாக்கங்கள் குறித்தும், அதிலிருந்து அந்நாட்டு மக்கள் மீண்டெழுவதற்கு தேவைப்பட்ட காலப்பகுதி  பற்றியும்  விரிவாக பதிவுசெய்துள்ளார். சமூகப்பிரக்ஞையுடன் ஒரு கலை, இலக்கிய இதழாசிரியர் இந்த ஆசிரியத் தலையங்கத்தை எழுதியிருப்பது பாராட்டத்தக்க செயலாகும்.

239 ஆவது இதழாக வெளியாகியிருக்கும் ஞானம் இதழ் , வ.ஐ.ச. ஜெயபாலன், மகாதேவ ஐயர் ஜெயராம சர்மா, புலோலியூர் வேல் நந்தன், சமரபாகு சீனா உதயகுமார், சித்தி கருணானந்தராஜா, கெக்கிராவ சுலைகா, ஜின்னா ஷரிப்புத்தீன், செல்லத்தம்பி சிறிக்கந்தராசா, ரஷீத் எம். இம்தியாஸ், ஆகியோரின் கவிதைகளுடனும் – எஸ்.ஐ. நாகூர்கனி, ராஜேஸ்வரி பாலசுப்பிரமணியம், ஞானம் பாலச்சந்திரன் ஆகியோரின் சிறுகதைகளுடனும் – கோத்திரன் – கே. சித்திரவேலாயுதன், க. சண்முகலிங்கம், நாட்டிய கலாநிதி  கார்த்திகா கணேசர், பேராசிரியர் சோ. சந்திரசேகரம் ஆகியோரின் கட்டுரைகளுடனும் – தமிழ்மணி மானா மக்கீன், பேராசிரியர் துரை மனோகரன் ஆகியோரின் தொடர் பத்தி எழுத்துக்களுடனும் பத்திரிகையாளர் கே. பொன்னுத்துரை எழுதும் சமகால கலை இலக்கிய நிகழ்வுகள் தொடர்பான செய்திக்குறிப்புகளுடனும், வாசகர் கருத்துக்களுடனும் வெளியாகியுள்ளது.

சமகால அச்சுறுத்தலினால் சித்திரை வருடப்பிறப்பையும் வெளியே சென்று கொண்டாட முடியாமல் தவித்திருப்பவர்களின் ஆதங்கத்தை  ஆர்வருவார் சித்திரையை வரவேற்க என்ற தலைப்பில் கவிதையாக வடித்துள்ளார் மகாதேவ ஐயர் ஜெயராம சர்மா. வ.ஐ. ச. ஜெயபாலன்,  சென்னையிலிருந்தவாறு, தானது குடும்பம் வாழும் புகலிடத்தையும் நினைத்தவாறு அருமையான கவிதை எழுதியுள்ளார். அதன்வரிகள் வலிக்கின்றன.  சென்னையின் மாடி வீட்டுத்தோட்டத்தில் முல்லை மலர்ந்தாலும், அமேசன் காட்டுத்தீயையும் மிஞ்சி உலகை வேட்டையாடுதே கொரோனா- பெசன்ட் நகர் கடற்கரையில் கைவிடப்பட்ட படகுகளில் அஞ்சாமல் நண்டுகள் தொற்றும் இரவில் குடிசைகளுள் படகெனத் துயிலும் பெண்டிர் மார்பில் வலிய விரல்கள் ஊர்கின்றன சாத்தானே அப்பாலே போ – மனிதர்கள் கைவிடப்படுவதில்லை – ஒருபோதும் வெல்லப்படுவதுமில்லை. தனது புகலிடம் ஒஸ்லோ குறித்தும் சொல்லிச்செல்கின்றார்.

2019 இல் எழுத்தாளர்( அமரர் ) செம்பியன் செல்வன் ஞாபகார்த்த சிறுகதைப்போட்டியில் ஆறுதல் பரிசுபெற்ற எஸ்.ஐ. நாகூர்கனியின் சிறுகதை, மணக்கும் மனிதம் இந்த இதழில் வெளிவந்துள்ளது. கடந்த ஆண்டு கொழும்பில் நடந்த உயிர்த்த ஞாயிறு தினத்தாக்குதலின் பின்னணியில் அருகருகே அந்நியோன்யமாக வாழ்ந்த முஸ்லிம் – கிறிஸ்தவ குடும்பங்களிடையே நீடித்திருந்த வாஞ்சையை சித்திரிக்கிறது. இதனை எழுதியிருப்பவர் சமூக ஒற்றுமையை வலியுறுத்துவதற்கு மனிதநேயமே சிறந்த மார்க்கம் எனச்சொல்கிறார். குறிப்பிடத்தகுந்த சிறுகதை. தவத்திரு விபுலாநந்த அடிகளாரின் பிறந்த தினத்தைமுன்னிட்டு, கோத்திரன் எழுதியிருக்கும் கட்டுரைதான் மகாநதி. பூமிப்பந்தை குளிர்வித்து ஓடிக்கொண்டிருக்கும் மகாநதிகளின் சேவைகளுடன் ஒப்பிட்டு விபுலாநந்தரின் வாழ்வையும் பணிகளையும் புதியகோணத்தில் எழுதியிருக்கிறார். பாடசாலை  - கல்லூரி – பல்கலைக்கழக மாணவர்களுக்கு பரிந்துரைக்கத்தக்க ஆக்கம். ராஜேஸ்வரி பாலசுப்பிரமணியத்தின் அங்கிள் அப்பா எனும் சிறுகதை புகலிடத்தில் எம்மவரின் வாழ்வுக்கோலத்தின் மற்றும் ஒரு பக்கத்தை சித்திரிக்கிறது. அப்பா எவ்வாறு அங்கிளானார்…?  பின்னர் எப்படி அங்கிள் அப்பா என அழைக்கப்பட்டார்…!?   என்பதை மனவலியுடன் பேசும் கதை இது. ஆதித்தன்  என்ற இலங்கைத்தமிழனுக்கும் மேரி என்ற ஆங்கில மாதுவுக்கும் பிறந்த லலிதாவுக்கு – பெற்றோரின் விவாகரத்தால் நேர்ந்துவிடும் அவலத்தைக்கூறுகிறது. தாய் அழுதாள் பாசம் – தகப்பன் அழுதால் மனநோயா…? இது என்ன கொடுமை…?  புகலிடத்தின் விவாகரத்துச் சட்டங்களுக்கு சாட்டையால் அடிக்கும்  கதையாக வார்த்துள்ளார் ராஜேஸ்வரி. பெண்கள்,  கண்ணீர் விட்டும் காரியம் பார்க்கலாம் என்பதையும் ஒரு பெண்ணியவாதி சுட்டிக்காண்பிக்கின்றார். சித்தி கருணானந்தராஜாவும் உலக கவிதைத் தினத்தை முன்னிட்டு எழுதியிருக்கும் கவிதையில் கொரோனாவைத்தான்  எமன் வடிவில் அழைத்துள்ளார்.

கடந்த மார்ச் மாதம் கொழும்பில் மறைந்துவிட்ட மூத்த எழுத்தாளர் நீர்வைபொன்னையனை நினைவுகூரும் கண்ணீர் அஞ்சலி பதிவும் இவ்விதழில் இடம்பெற்றுள்ளது. ஞானம் பாலச்சந்திரனின் சிறுகதையான   கொரோனா – உள்ளே – வெளியே – உள்ளே -  சமகாலத்தில் இலங்கைத் தலைநகரில் ஒரு மத்தியதர குடும்பஸ்தன் படும் அவஸ்தையை சித்திரிக்கிறது. கணத்திற்கு கணம் ஆயிரக்கணக்கான விமானங்கள் பறந்துகொண்டிருந்தன. அவை அனைத்தும் சேவையை நிறுத்திக்கொண்டதனால், அதில் சிலவற்றில் பயணிப்பவர்களின் உணவுத் தேவையை கவனித்த ஒரு நிறுவனத்தின் ஊழியன் செல்வநாயகத்திற்கும் வேலை பறிபோகும் அபாயம் சூழ்கிறது. இடைக்கிடை இருமலும் வருகிறது. அவனும் மனைவி செல்வியும் குழந்தைகளும் வீட்டுக்குள் முடங்கியவாறு படும் அவஸ்தையை ஞானம் பாலச்சந்திரன் யதார்த்தமாகச் சித்திரித்துள்ளார். திருக்குறளின் மருத்துவக்குறிப்புகள் பற்றி கெ. சித்திரவேலாயுதன் எழுதியிருக்கும் ஆக்கம் பேசுகிறது. உஷா ஜவகாரின் கவிதையும் இந்தக்கொரோனாவை விட்டுவைக்கவில்லை.

நியுடன் குணசிங்கவின் சார்புமண்டல முதலாளித்துவம் என்ற நூல் பற்றிய, அதிலிருந்து சில அத்தியாயங்களை தமிழில் ஏற்கனவே  மொழிபெயர்த்துள்ள க. சண்முகலிங்கம் தனது வாசிப்பு அனுபவத்தை பகிர்ந்துள்ளார். உலகமயமாதல் பேசுபொருளாகியிருக்கும் வேளையில்,  அந்த நூலின் பயன்பாட்டினை சண்முகலிங்கம்  விளக்கியிருக்கிறார். பரவலான வாசிப்புக்கு செல்லவேண்டிய  கட்டுரை.  “ கற்பக வல்லி நின் பொற்பதங்கள் பிடித்தே…  “ என்ற காலத்தால் அழியாத கானத்தை இயற்றிய தனது குருநாதர் இயல் இசை வாருதி வீரமணி  ஐயர் பற்றிய கட்டுரையை  கலாநிதி கார்த்திகா கணேசர் எழுதியுள்ளார். படித்தவனே பாராளவேண்டும் என்ற தலைப்பில் ஜின்னா ஷரிப்புத்தீன்  மரபுக்கவிதை எழுதியுள்ளார். மக்கள்  இதுவிடயமாக சிந்திக்கவேண்டும் எனவும் சொல்கிறார். எங்கள்  காலத்தில்தான்  படிக்காத மேதை கர்மவீரர் காமராசர் தமிழ்நாட்டில் முதலமைச்சராக பதவியிலிருந்து ஏழை மாணவர்களின் கல்விக்கண்ணைத் திறந்தார்.  படித்த மனிதரான எங்கள் தேசத்து தகநாயக்கா, பிரமராகவிருந்தவர். இறுதிவரையில் எளிமையாக வாழ்ந்தவர். தேர்தல் எனும் தெருக்கூத்து என்ற கவிதையை யேர்மனியிலிருந்து அம்பலவன் புவனேந்திரன் எழுதியுள்ளார். இலங்கையில் தேர்தல் நடக்குமா..? நடக்காதா..? என்ற இழுபறி  தலை சுமையாகியிருக்கும் இக்காலப்பகுதியில் தலைவர்கள் அறிக்கை பட்டிமன்றம் நடத்தும் வேளையில் இக்கவிதையும் வெளிவந்துள்ளது. கலைஞர் மாவை நித்தியானந்தன் முன்னர்  வட இலங்கை கிராமங்கள் தோறும் மேடையேற்றிய  திருவிழா என்ற  அங்கதச்சுவை மிக்க இசைக்கூத்து நிகழ்வை இக்கவிதை நினைவூட்டுகிறது.

ஞானம் ஆசிரியர் சிறுகதைகள், நாவல்கள் எழுதியிருப்பவர். அவரது   பார்வையில் எழுதப்பட்ட அரசியல் நாவல் எரிமலை.  2018 ஆம் ஆண்டில் வெளியானது. அதற்கு கொடகே நிறுவனத்தின்  சிறந்த நாவலுக்கான விருதும் கிடைத்துள்ளது. இந்நாவலை வி. தில்லைநாதன் The Volcano என்ற பெயரில் ஆங்கிலத்தில் மொழிபெயர்த்துள்ளார். அதுபற்றிய தமது வாசிப்பு அனுபவத்தை பேராசிரியர் சோ. சந்திரசேகரம் எழுதியுள்ளார். எந்தத் தேசத்து மக்களும் மலிவு விலையில் வாங்கிய பொருட்கள் பலவற்றிலும்   Made in China என்ற அடையாளக்குறி இருக்கும்.  கண்ணுக்குத் தெரியாத வைரஸ்  அதே China விலிருந்து வந்துவிட்டதை கட்டமிது நற்பாடம் கட்டாயம் கற்பதற்கு  என்ற தலைப்பில் கவிதையாக வடித்து எச்சரிக்கமுனைகிறார் கவிஞர் வழக்கறிஞர் செல்லத்தம்பி சிறீக்கந்தராசா. சமகாலத்தில் வாட்ஸ் அப்  இணைப்புகளில்  துள்ளிவிளையாடும் மீம்ஸ்  அமளிகளில் சீனா சிக்குண்டிருப்பது போதாதென்று,  இந்த  சட்டம் தெரிந்த அறிஞரும் கவிதை வடிவில்  மக்களை எச்சரிக்கிறார். சீனாவை குற்றவாளிக்கூண்டில் நிறுத்த முனைபவர்களுக்கு இக்கவிதை மெல்லுவதற்கு அவலாகிவிட்டாலும் ஆச்சரியமில்லை.

பேராசிரியர் துரை மனோகரன் ஞானம் இதழில் தொடர்ந்து எழுதிவரும் பத்தி எழுத்து எழுதத்தூண்டும் எண்ணங்கள். இவ்விதழில் சமகால அச்சுறுத்தலின்போது மானுடம் எவ்வாறு வெல்லவேண்டும் என்பது பற்றியும் நடக்கவிருக்கும் பொதுத்தேர்தல் குறித்து, தேர்தல் கோலங்கள் என்ற தலைப்பிலும் எழுதியுள்ளார். முன்னாள் வடக்கு முதல்வர் நீதியரசர் சி. வி. விக்னேஸ்வரன் அய்யாவின் புதிய கட்சிக்கு பிரகாசமான எதிர்காலம் இருப்பதாகவும் அரூடம்  கூறுகிறார்.  கிழக்கையும் மலையகத்தையும்  தொட்டுச்செல்கிறார். வடக்கில் யாழ், மற்றும் கிளிநொச்சி மாவட்டங்களிலிருந்து நாடாளுமன்றிற்கு தெரிவாகவேண்டிய உறுப்பினர்களின் எண்ணிக்கை ஒன்பதிற்குள்தான் அடக்கம். ஆனால், நடக்கவிருக்கும் தேர்தலில் போட்டியிடுவதற்காக சுமார் 300 பேர் வேட்பு மனுத்தாக்கல் செய்துள்ளனர். இவர்களில் பலரிடம் நிதிவளம் இருப்பதனால்தான்,   தோல்வி நிச்சயம் எனத் தெரிந்தும் கட்டுப்பணம் செலுத்தியுள்ளனர். இதுபற்றியும்  துரைமனோகரனின் ஆருடத்தையும் எதிர்பார்க்கின்றோம்.   அந்த வேட்பாளர்கள் வாக்குக்கேட்கவும் வெளியே செல்ல முடியாமல் வீடுகளில் முடங்கியிருக்கின்றனர். குறைந்த பட்சம் வடக்கின் மக்களுக்கு உலர் உணவுப்பொதிகளை தங்கள் கட்சிகளின் பணத்தில் தேர்தல் செலவுக்கு வைத்திருக்கும் நிதியில் வழங்கி துரைமனோகரன் எதிர்பார்க்கும் மானுடத்தை வெல்ல வைக்கலாம் !

மற்றும் ஒரு வழக்கறிஞர் ரஷீத் எம் இம்தியாஸ் எழுதியிருக்கும் உன்னை நோக்கிப்பாயும் தோட்டா  என்ற கவிதையும் யாருக்கு வாக்களிக்கவேண்டும்..?  என்பதைப்பற்றியே பேசுகிறது. தமிழ்மணி மானா மக்கீனின் வழக்கமான  பத்தி எழுத்தும் இவ்விதழை அலங்கரிக்கிறது. ஒரு புதிய தகவலை அவர் தந்துள்ளார். கேரளத்தைச்சேர்ந்த ஷஃபி செருமா விலாயி என்ற கட்டிடத் தொழிலாளி, முன்னர் தேநீர்க்கடையில் சாயா தயாரிக்கும் சிற்றூழியரின் கதையை சுருக்கமாகச்சொல்லி, நாமெல்லோரும் வியந்து பார்க்கவேண்டிய செய்தியையும் வெளியிட்டுள்ளார். அந்த சாமனியன் – கட்டிடத் தொழிலாளியாக வாழ்ந்துகொண்டே தினக்கூழி ஊதியம் பெற்றவர்,  பல தமிழக சிறுகதைகள், நாவல்கள், கவிதைகளை மலையாள மொழிக்கு பெயர்த்து வரவாக்கியுள்ளார். சுஜாதா முதல், எஸ்.ரா., தோப்பில், சா. கந்தசாமி, திலகவதி  உட்பட சல்மா முதல் சுகந்திவரையில் பல கவிஞிகள் உட்பட பலரை கேரள இலக்கிய வாசகர்களுக்கு அறிமுகப்படுத்தியிருக்கிறார்.  தனது வயிற்றுப்பாட்டுக்காக  “சாயாவாலா   “ வாகி, நடைபாதை வியாபாரியாகி, செங்கல் சுமந்து வாழும் அந்த  ஆளுமைமிக்க மொழி பெயர்ப்பாளர் ஷஃபி செருமா விலாயி பற்றி அழகான அறிமுகம் தந்திருக்கும் மானா  மக்கீனுக்கு எமது மனமார்ந்த வாழ்த்துக்கள். இந்தப்பதிவை படித்தபோது, எமக்கு, உக்ரேய்னைச்சேர்ந்த கட்டிடத்தொழிலாளி    ( அமரர் ) விதாலி ஃபுர்ணிக்கா அவர்கள்தான் நினைவுக்கு வருகிறார். இவரும் ஒரு நாட்கூலியாக வாழ்ந்து பின்னாளில் மகாகவி பாரதியின் கவிதைகளினால் கவரப்பட்டு, தமிழகம் சென்று அறிஞர் மு. வரதராசனிடம் தமிழ் கற்று, தமிழகப்பித்தன் என்ற புனைபெயருடன் ஜெயகாந்தனின் எழுத்துக்களை சோவியத் மக்களுக்கு தமது மொழிபெயர்ப்புகளின் ஊடாக அறிமுகப்படுத்தியவர். ஈழத்து எழுத்தாளர்கள் பலரின் நண்பர். பத்திரிகையாளர் பொன்னுத்துரை வழக்கமாக எழுதிவரும் சமகால கலை இலக்கிய நிகழ்வுகள் செய்தித்தொகுப்பும் இவ்விதழில் இடம்பெற்றுள்ளது.

மொத்தத்தில்  ஞானம் ஆசிரியர் தி. ஞானசேகரன் நெருக்கடி மிக்க இக்காலப்பகுதியில் இலக்கிய வாசகர்களின் தேவையை பூர்த்திசெய்யும் வகையில் ஏப்ரில் மாதத்திற்குரிய இதழை வெளியிட்டுள்ளார். தபாலில் வரும் கடிதங்கள், இதழ்கள் , பொதிகளையும்  கிருமி தொற்று நீக்கிகளினால் ( ANTI BACTERIAL WIPES ) துடைத்துவிட்டுப்பார்க்கவேண்டிய  இக்காலத்தில், ஞானம் இதழை வெளிநாட்டு உள்நாட்டு வாசகர்களுக்கு மின்னஞ்சல் ஊடாக  (  PDF  Format )  தொடர்ந்தும் அனுப்பிவரும் ஆசிரியர் மருத்துவர் தி. ஞானசேகரனுக்கும் ஞானத்தின் உள்ளடக்கத்தை நிரப்பியிருக்கும்  எழுத்தாளர்களுக்கும் எமது வாழ்த்துக்கள். நாமும் கணினியை குறிப்பிட்ட தொற்று நீக்கியைக்கொண்டு துடைத்துவிட்டுத்தான் ஏதும் படிக்கவும் பார்க்கவும் வேண்டியிருக்கிறது. கொரொனா,  தனது அச்சுறுத்தலுடன் சுத்தம் சுகம் தரும் என்றும் சொல்லிக்கொண்டிருக்கிறது.

This e-mail address is being protected from spambots. You need JavaScript enabled to view it

Last Updated on Tuesday, 28 April 2020 14:22  


'

பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 கனடிய டொலர்கள் (CAD)  நீங்கள் 'பதிவுகள்' இதழுக்கு  உங்கள் பங்களிப்பாக அனுப்பலாம். நீங்கள் உங்கள் பங்களிப்பினை  அனுப்ப  விரும்பினால் , Pay Pal மூலம் பின்வரும் பதிவுகளுக்கான உங்கள் பங்களிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.


PayPal for Business - Accept credit cards in just minutes!

© காப்புரிமை 2000-2020 'பதிவுகள்.காம்' -  'Pathivukal.COM

பதிவுகள்

முகப்பு
அரசியல்
இலக்கியம்
சிறுகதை
கவிதை
அறிவியல்
உலக இலக்கியம்
சுற்றுச் சூழல்
நிகழ்வுகள்
கலை
நேர்காணல்
இ(அ)க்கரையில்...
நலந்தானா? நலந்தானா?
இணையத்தள அறிமுகம்
மதிப்புரை
பிற இணைய இணைப்புகள்
சினிமா
பதிவுகள் (2000 - 2011)
வெங்கட் சாமிநாதன்
K.S.Sivakumaran Column
அறிஞர் அ.ந.கந்தசாமி
கட்டடக்கலை / நகர அமைப்பு
வாசகர் கடிதங்கள்
பதிவுகளின் தோற்றம்/ நோக்கம்
நலந்தானா? நலந்தானா?
வ.ந.கிரிதரன்
கணித்தமிழ்
பதிவுகளில் அன்று
சமூகம்
கிடைக்கப் பெற்றோம்!
விளையாட்டு
நூல் அறிமுகம்
நாவல்
மின்னூல்கள்
முகநூற் குறிப்புகள்
எழுத்தாளர் முருகபூபதி
சுப்ரபாரதிமணியன்
சு.குணேஸ்வரன்
யமுனா ராஜேந்திரன்
நுணாவிலூர் கா. விசயரத்தினம்
தேவகாந்தன் பக்கம்
முனைவர் ர. தாரணி
பயணங்கள்
'கனடிய' இலக்கியம்
நாகரத்தினம் கிருஷ்ணா
பிச்சினிக்காடு இளங்கோ
கலாநிதி நா.சுப்பிரமணியன்
ஆய்வு
த.சிவபாலு பக்கம்
லதா ராமகிருஷ்ணன்
குரு அரவிந்தன்
சத்யானந்தன்
வரி விளம்பரங்கள்
'பதிவுகள்' விளம்பரம்
மரண அறிவித்தல்கள்
பதிப்பங்கள் அறிமுகம்

பதிவுகளில் தேடுக!

counter for tumblr

Yes We Can

விளம்பரம் செய்யுங்கள்


வீடு வாங்க / விற்க


'பதிவுகள்' இணைய இதழின்
மின்னஞ்சல் முகவரி ngiri2704@rogers.com 

பதிவுகள் (2000 - 2011)

'பதிவுகள்' இணைய இதழ்

பதிவுகளின் அமைப்பு மாறுகிறது..
வாசகர்களே! இம்மாத இதழுடன் (மார்ச் 2011)  பதிவுகள் இணைய இதழின் வடிவமைப்பு மாறுகிறது. இதுவரை பதிவுகளில் வெளியான ஆக்கங்கள் அனைத்தையும் இப்புதிய வடிவமைப்பில் இணைக்க வேண்டுமென்பதுதான் எம் அவா.  காலப்போக்கில் படிப்படியாக அனைத்து ஆக்கங்களும், அம்சங்களும் புதிய வடிவமைப்பில் இணைத்துக்கொள்ளப்படும்.  இதுவரை பதிவுகள் இணையத் தளத்தில் வெளியான ஆக்கங்கள் அனைத்தையும் பழைய வடிவமைப்பில் நீங்கள் வாசிக்க முடியும். அதற்கான இணையத்தள இணைப்பு : இதுவரை 'பதிவுகள்' (மார்ச் 2000 - மார்ச் 2011):
கடந்தவை

அறிஞர் அ.ந.கந்தசாமி படைப்புகள்

வ.ந.கிரிதரனின் 'அமெரிக்கா' மின்னூல் விற்பனையில்..

வ.ந.கிரிதரனின் 'அமெரிக்கா' (குறூநாவலும் சிறுகதைகளும்) ஸ்நேகா (தமிழகம்) / மங்கை (கனடா) பதிப்பகங்கள் இணைந்து டிசம்பர் 1996இல் தமிழகத்தில் வெளியிட்ட தொகுப்பு நூல். 'அமெரிக்கா' ஈழத்து அகதியொருவனின் அமெரிக்கத் தடுப்பு முகாம் வாழ்வினை விபரிக்கும் குறுநாவல்.உண்மைச் சம்பவங்களின் அடிப்படையில் புனையப்பட்ட குறுநாவல். இத்தொகுப்பிலுள்ள சிறுகதையான 'ஒரு மா(நா)ட்டுப் பிரச்சினை' தமிழகத்தில் வெளியான 'பனியும் , பனையும்' தொகுப்பிலும் இடம்பெற்றுள்ளது. மேற்படி குறுநாவலினிதும் சிறுகதைகளினதும் ஆங்கில மொழிபெயர்ப்பு (லதா ராமகிருஷ்ணனால் மொழிபெயர்க்கப்பட்டவை) இன்னும் நூலாக வெளிவரவில்லை. 'அமெரிக்கா' நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.  வாங்க விரும்பினால் இங்கு அழுத்தவும்.

வ.ந.கிரிதரனின் 'மண்ணின் குரல்' மின்னூல் விற்பனையில்...

வ.ந.கிரிதரனின் 'மண்ணின் குரல்' மின்னூல் விற்பனையில். வ.ந.கிரிதரனின் 'மண்ணின் குரல்' நூலானது 'வன்னி மண்', 'அருச்சுனனின் தேடலும், அகலிகையின் காதலும்', 'கணங்களும், குணங்களும்' மற்றும் 'மண்ணின் குரல்' ஆகிய நான்கு நாவல்களின் தொகுப்பு. தமிழகத்தில் குமரன் பப்ளிஷர்ஸினரால் 1998இல் இதன் முதற்பதிப்பு வெளியிடப்பட்டது. 'மண்ணின் குரல்' ஏற்கனவே மங்கை பதிப்பகத்தினால் (கனடா) நாவல், கட்டுரைகள், கவிதைகளடங்கிய சிறு தொகுப்பாக வெளியிடப்பட்டது. நூலின் முதற்பதிப்பினை $ 4 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்


பதிவுகள் (Pathivukal- Online Tamil Magazine)



'பதிவுகள்' -  பன்னாட்டு இணைய இதழ்! |  ISSN  1481 - 2991
ஆசிரியர்:  வ.ந.கிரிதரன்
Editor-in - Chief:  V.N.Giritharan

'பதிவுகள்' -  பன்னாட்டு இணைய இதழ்! |  ISSN  1481 - 2991

"அனைவருடனும் அறிவினைப் பகிர்ந்து கொள்வோம்"

"Sharing Knowledge With Every One"

ஆசிரியர்:  வ.ந.கிரிதரன்
மின்னஞ்சல் முகவரி: ngiri2704@rogers.com
'பதிவுகள்'இணைய இதழில் விளம்பரம்: விபரங்கள்

'பதிவுகள்' ஆலோசகர் குழு:
பேராசிரியர்  நா.சுப்பிரமணியன் (கனடா)
பேராசிரியர்  துரை மணிகண்டன் (தமிழ்நாடு)
பேராசிரியர்   மகாதேவா (ஐக்கிய இராச்சியம்)
எழுத்தாளர்  லெ.முருகபூபதி (ஆஸ்திரேலியா)

அடையாளச் சின்ன  வடிவமைப்பு:
தமயந்தி கிரிதரன்

'Pathivukal'  Advisory Board:
Professor N.Subramaniyan (Canada)
Professor  Durai Manikandan (TamilNadu)
Professor  Kopan Mahadeva (United Kingdom)
Writer L. Murugapoopathy  (Australia)

Logo Design: Thamayanthi Girittharan

Yes We Can


Dr. Lalithambigai (Lali) Thambiaiyah

Dr. Lalithambigai (Lali) Thambiaiyah passed away on April 16, 2020 at Kaiser Hospital in Walnut Creek, California, USA. She was 61 years old. She is preceded in death by her father Mr. Kandiah Elankanayagam Kathirgamalingam, Retired Crown Advocate (1977), mother Manonmany (2014), sister Vijeyalakshmi (2018), father-in-law Velupillai Suppiah Thambiaiyah (1991), and mother-in-law Saraswathy (1987). Read More

வ.ந.கிரிதரனின் 'குடிவரவாளன்' நாவலினை மின்னூலாக வாங்க
வ.ந.கிரிதரனின் 'குடிவரவாளன்'
எழுத்தாளர் வ.ந.கிரிதரனின் 'குடிவரவாளன்' நாவலினை மின்னூலாக பிடிஃப் வடிவத்தில் வாங்க விரும்புபவர்கள் கீழுள்ள இணைய இணைப்பில் வாங்கிக்கொள்ளலாம். விலை $4 (கனடியன்): https://www.fatfreecartpro.com/i/yz46?single

வ.ந.கிரிதரனின் 'அமெரிக்கா' நாவலின் திருத்திய இரண்டாம் பதிப்பினை மின்னூலாக  வாங்க...

'அமெரிக்கா' மின்னூலினை, பிடிஃப் கோப்பாக  $3 (கனடியன்) செலுத்தி வாங்குவதற்கான இணைய இணைப்பு: https://www.fatfreecartpro.com/i/yzc9?single

எழுத்தாளர் வ.ந.கிரிதரன்

' வ.ந.கிரிதரன் பக்கம்'என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

No Fear Shakespeare

No Fear Shakespeare
சேக்ஸ்பியரின் படைப்புகளை வாசித்து விளங்குவதற்குப் பலர் சிரமப்படுவார்கள். அதற்குக் காரணங்களிலொன்று அவரது காலத்தில் பாவிக்கப்பட்ட ஆங்கில மொழிக்கும் இன்று பாவிக்கப்படும் ஆங்கில மொழிக்கும் இடையிலுள்ள வித்தியாசம். அவரது படைப்புகளை இன்று பாவிக்கப்படும் ஆங்கில மொழியில் விளங்கிக் கொள்வதற்கு ஸ்பார்க் நிறுவனம் வெளியிட்டுள்ள No Fear Shakespeare வரிசை நூல்கள் உதவுகின்றன.  அவற்றை வாசிக்க விரும்பும் எவரும் ஸ்பார்க் நிறுவனத்தின் இணையத்தளத்தில் அவற்றை வாசிக்கலாம். அதற்கான இணைய இணைப்பு:

நூலகம்

வ.ந.கிரிதரன் பக்கம்!

'வ.ந.கிரிதரன் பக்கம்' என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

THANK YOU!

ஜெயபாரதனின் அறிவியற் தளம்

எனது குறிக்கோள் தமிழில் புதிதாக விஞ்ஞானப் படைப்புகள், நாடகக் காவியங்கள் பெருக வேண்டும் என்பதே. “மகத்தான பணிகளைப் புரிய நீ பிறந்திருக்கிறாய்” என்று விவேகானந்தர் கூறிய பொன்மொழியே என் ஆக்கப் பணிகளுக்கு ஆணிவேராக நின்று ஒரு மந்திர உரையாக நெஞ்சில் அலைகளைப் பரப்பி வருகிறது... உள்ளே

Wikileaks

மதுரைத் திட்டம்

மதுரைத்திட்டம்

Shami Accounting Services

charles_nirmalarajan5.jpg - 19.08 Kb

We provide complete accounting, federal and provincial tax services to individuals or businesses. Our objective is to continue to provide our clients with the highest level of service at the lowest possible fee tailor to your specific needs. Visit our site.

படிப்பகம்

உலக வானொலி