பதிவுகள்

அனைவருடனும் அறிவினைப் பகிர்ந்து கொள்வோம்

  • Increase font size
  • Default font size
  • Decrease font size

பதிவுகள் இணைய இதழ்

மா.அரங்கநாதன் இலக்கிய விருது – 2019! 16.4.2019 அன்று சென்னையில் நடந்த விழா குறித்து சில எண்ணப்பதிவுகள்!

E-mail Print PDF

மா.அரங்கநாதன் இலக்கிய விருது – 2019! 16.4.2019 அன்று சென்னையில் நடந்த விழா குறித்து சில எண்ணப்பதிவுகள்!

கண்கொள்ளாக் காட்சியாக இருந்தது _ மேடையெங்கும் படைப்பாளிகளே பிரதானமாக வீற்றிருந்தது!

நிகழ்வு: எழுத்தாளர் மா.அரங்கநாதன் இலக்கிய விருது வழங்கும் நிகழ்வு. இன்று எழுத்தாளர் மா.அரங்கநாதன் மறைந்த நாள். இன்று சென்னை ராணி சீதை ஹாலில் நடைபெற்ற இந்த நிகழ்வில் சிறப்புப் பேச்சாளர்கள் எழுத்தாளர்கள் தமிழவன், அம்ஷன் குமார், கோபாலகிருஷ்ணன், ரவி சுப்பிரமணியன், கவிஞரும் மொழிபெயர்ப்பாளரு மான எஸ்.சண்முகம், விருது பெறும் படைப்பாளிகளான கவிஞர் யூமா வாசுகி, எழுத்தாளரும் – நாடகவியலாளருமான வெளி ரங்கராஜன், என விழா நாயகர்களாக படைப்பாளிகள் மட்டுமே மேடையில் வீற்றிருந்ததும். அமரர் மா.அரங்கநாதன் குறித்துப் பேசியதும், விருதுபெற்றவர்கள் குறித்து உரையாற்றி யதும் இந்த இலக்கியக்கூட்டத்தின் தரத்தை பன்மடங்கு உயர்த்தியது என்றால் மிகையாகாது!

விழா நிகழ்வுகளை, சிறப்பு விருந்தினர்கள், பேச்சாளர்களை எழுத்தாளர் அகரமுதல்வன் நேர்த்தியாக அறிமுகம் செய்தார்.

மேலும், இந்தப் படைப்பாளிகள் அனைவருமே தமிழின் நவீன இலக்கிய வெளியோடும், சிறுபத்திரிகை வெளிக்கும் மிகவும் பரிச்சயமானவர்கள் என்பதும் குறிப்பிடத்தக்கது.

சமீபகாலமாக இத்தகைய இலக்கிய மேடைகள் பலவற்றில் தமிழ் இலக்கியத்தின் போக்குகளை அறவே அறியாத திரைப்படத்துறையினர், அரசியல்வாதிகள், சமூகத்தில் அந்தஸ்து வாய்ந்தவர்கள் என்று வந்து சம்பந்தமேயில்லாமல் எதையாவது பேசுவதும், தங்கள் பேச்சில் தங்களையே முனைப்பாக முன்னிறுத்திக்கொள்வதும், அல்லது தங்கள் தானைத்தலைவர் களிடமிருந்துதான் தமிழே தோன்றியது என்றவிதமாய் எதையாவது சொல்லிவைப்பதும் அடிக்கடி நிகழ்கிறது.

இலக்கியமேடையிலும் தங்கள் பதவி, பணத்தால் தங்களை முன்னிறுத்தி, கௌரவிக்கப்படும் படைப்பாளிகளைப் பின்னுக்குத் தள்ளும் போக்கைப் பார்த்து எத்தனையோ நாட்கள் வருத்தப்பட்டதுண்டு.

முன்பொரு முறை தமிழக – மலேசிய கவிஞர்கள் சந்திப்பு ஒன்றை நான் பொறுப்பேற்று நடத்தினேன். சமகால கவிதைவெளியில் இயங்கிவரும் பல தமிழ்க்கவிஞர்கள் இடம்பெற்ற அந்த நிகழ்வின் துவக்கவிழாவில் கலந்துகொண்ட ஐ.ஏ.எஸ் அதிகாரி ஒருவர், ‘புரியாக்கவிதைதான் எழுதுகிறார்கள் என்று சாட ஆரம்பித்து வைரமுத்துபோல் எழுதவேண்டும் என்று முடித்தார். நான் உள்ளுக்குள் உறுமிக்கொண்டிருப்பதைக் கண்ட விழா ஏற்பாட்டாளர் நிகழ்வில் என்னைப் பேசவிடாமலே நிகழ்ச்சியை முடித்துவிட வேண்டும் என்பதில் கவனமாக இருந்தார். நான் அந்தச் சதியை முறியடித்து வெற்றிகரமாய் மேடையேறி ‘கவிதை புரியவில்லை’ என்று சொல்வதிலுள்ள அபத்தத்தைப் புட்டுப்புட்டுவைத்துவிட்டுத் திரும்பிப்பார்த்தால் பிரதம விருந்தினரான அந்த ஐ.ஏ.ஏஸ்க்காரரைக் காணவில்லை. அவர் தன் பேச்சை முடித்துவிட்டு எப்போதோ வீட்டுக்குப் போயிருந்தார்!

இன்னொரு விழாவில் திரைப்படப் பிரபலம் ஒருவர் தன் உரையில் இரண்டு வரிகளுக்கு ஒருமுறை தன்னைத்தான் ஷொட்டுக்கொடுத்துக்கொண்ட தோடு, சம்பந்தப்பட்ட படைப்பாளியைப் பாராட்டும் உயரிய நோக்கத்துடன் ’மிகச் சிறந்த படைப்பாளி அவர், ஆனால், நேரமின்மையால் அவருடைய படைப்புகளை நான் வாசித்ததில்லை’, ஆகச்சிறந்த எழுத்தாளர் அவர் – இனிவரும் நாட்களில் கண்டிப்பாக அவருடைய ஒரு படைப்பையாவது வாசித்துவிடுவேன் என்று விதவிதமாய் பினாத்திக்கொண்டிருந்ததை தேமேன்னு அமர்ந்துகொண்டு கேட்டுக்கொண்டிருக்க வேண்டியதாயிற்று.

இதற்கெல்லாம் மாமருந்தாய் இன்றைய இலக்கிய நிகழ்வு. எழுத்தாளர் மா.அரங்கநாதனுடைய படைப்புகள் குறித்த எழுத்தாளர் தமிழவன் உரை, விருது பெற்ற வெளி ரங்கராஜனைப் பற்றி எழுத்தாளரும் – ஆவணப்பட இயக்குநருமான அம்ஷன் குமார் பேசியது, கவிஞர் யூமா வாசுகி குறித்து எழுத்தாளர் கோபாலகிருஷ்ணன் பேசியது என எல்லா உரைகளுமே அவர்கள் அடியாழ மனங்களிலிருந்து வெளிப்பட்டவை.

சக படைப்பாளிகள் என்பதோடு நண்பர்களாகவும் வருடக்கணக்காகப் பழகியவர்களா தலால் அம்ஷன்குமார், கோபாலகிருஷ்ணன் ஆகியோரின் உரைகளிலிருந்து முறையே வெளி ரங்கராஜன் குறித்தும், யூமா வாசுகி குறித்தும் பல விஷயங்களைத் தெரிந்துகொள்ள முடிந்தது.

மா.அரங்கநாதன் இலக்கிய விருது – 2019! 16.4.2019 அன்று சென்னையில் நடந்த விழா குறித்து சில எண்ணப்பதிவுகள்!வெளி ரங்கராஜன் கவிதைகள் எழுதியிருக்கிறார் என்று அந்தக் கவிதைகளை வாசித்துக்காட்டிய அம்ஷன்குமார், வெளி ரங்கராஜன் நடத்திய நாடகவெளி என்ற இதழ்கள் நாடகவியலுக்கான அரிய ஆவணங்கள் என்று எடுத்துரைத்தார்.

எழுத்தாளர் கோபாலகிருஷ்ணன் மாரிமுத்து என்ற இயற்பெயர் கொண்ட கவிஞர் யூமா வாசுகி நடத்திய குதிரைவீரன் பயணம் சிறுபத்திரிகை குறித்துப் பேசினார். யூமா வாசுகி முறையாக ஓவியம் பயின்றவர் என்றும் பெரிய பெரிய கித்தான்களில் வரையவேண்டும், ஓவியக்கண்காட்சி நடத்தவேண்டும் என்ற அவர் ஆசை வாழ்வியல் நெருக்கடிகளால் நிறைவேறாமல் போனபின் எழுத்தில் வாழ்க்கைச் சித்திரங்களை வரையத்தொடங்கினார் என்றும் தன் உரையில் குறிப்பிட்டார்.

நேரமின்மை காரணமாக விருதுபெற்றவர்களின் ஏற்புரையைக் கேட்காமலேயே கிளம்பவேண்டியதாயிற்று. ஆனால், மொத்த நிகழ்வும் படமாக்கப்பட்டுக் கொண்டிருந்ததைக் காணமுடிந்தது.

விழாவின் இந்தத் தரத்திற்கும் விருதுகளுக்கான சரியான தேர்வுக்கும் முக்கியக் காரணம் மா.அரங்கநாதனின் மகன் நீதியரசர் மகாதேவன் என்பது மிகவும் உண்மை. அரசர் என்று பட்டத்தில்தான் உள்ளதே தவிர மிகவும் எளிய மனிதர். அரங்கிலும் அவர் மேடையில் வீற்றிருக்கவில்லை. கீழே பார்வையாளராகவே அமர்ந்திருந்தார். தமிழ், தமிழ் இலக்கிய வெளி இரண்டிலும் தொடர்ந்த பரிச்சயம் கொண்டவர். தன் தந்தையோடு சேர்ந்து முன்றில் என்ற சிற்றிதழை நடத்தியவர். முதன்முதலாக சென்னையில் தமிழ் இலக்கிய மாநாடு நடத்தியவர்.

தன்னுடைய தந்தை எழுத்தாளர் என்பதில் மனநிறைவும் பெருமிதமும் கொண்டவர் எழுத்தாளர் மா.அரங்கநாதனின் மகன். தந்தை என்ன எழுதுகிறார், எத்தகைய இலட்சியங்களைக் கொண்டிருந்தார், அவர் இருந்தபோது அவருடைய எழுத்துகளைப் படித்து அங்கீகரித்தவர்கள் யார், அவருடைய இலக்கிய மேதமையை மதிப்பழிக்க முற்பட்டவர்கள் யார் என்ற விவரங்கள் அவருக்கு நன்றாகவே தெரியும். இஃதொன்றும் தெரியாமல் படைப்பாளியா யிருக்கும் பெற்றோன் இறந்தவுடன் அவருடைய படைப்புகளுக்கு சட்டரீதியான வாரிசாகிவிடும் பிள்ளைகள் பெற்றோன் இருந்தவரை அவருக்கு நட்பினராக இருந்தவர்களை புறக்கணித்து, மதிப்பழித்து, பெற்றோனின் படைப்புகளைக் காசாக்குவதே குறியாக, வாழ்ந்த காலத்தில் அவரைப் புறக்கணித்த, மதிப்பழித்தவர்களிடமே அந்தப் படைப்புகளைப் பிரசுரிக்கக் கொடுப்பது இங்கே வழக்கமாக நிகழும் ஒன்றாக இருக்கிறது. வாரிசுகளின் இந்தச் செயல்களையெல்லாம் பார்த்து மற்றவர்கள் மௌனமாக வருத்தப்படத்தான் இயலும். மா.அரங்கநாதன் விஷயத்தில் அப்படியில்லை என்பது மிகப்பெரிய ஆறுதல்.

நல்ல எழுத்தாளர்களுக்கு பொற்கிழி வழங்கவேண்டும் என்று எழுத்தாளர் மா.அரங்கநாதன் அடிக்கடி சொல்வதுண்டு என்றும் தந்தையின் ஆசையை நிறைவேற்ற திரு. மகாதேவன் கடந்த வருடத்திலிருந்து எழுத்தாளர் மா.அரங்கநாதன் பெயரால் விருது வழங்குவதாகவும், யாரிடமும் நிதியுதவி பெறாமல் இதைச் செய்வதாகவும் கவிஞர் ரவி சுப்பிரமணியன் தன் உரையில் தெரிவித்தார்.

விழாவில் மா.அரங்கநாதன் - நவீன எழுத்துக்கலையின் மேதைமை என்ற நூல் வெளியிடப்பட்டது. எழுத்தாளர் மா.ர்கநாதனுடைய எழுத்து குறித்து அசோகமித்திரன், பிரபஞ்சன், சா.தேவதாஸ், கவிஞர் ஸ்ரீநேசன், அமரந்த்தா, ஜமாலன், முபீன் சாதிகா, கோபிகிருஷ்ணன், ராணி திலக் என தமிழின் முக்கியப் படைப்பாளிகளால் எழுதப்பட்ட 37 கட்டுரைகள் கொண்ட இந்த நூல் நற்றிணைப் பதிப்பகத்தால் பிரசுரிக்கப்பட்டுள்ளது.

எழுத்தாளர் க.நா.சுவுக்கு மகாதேவன் ஒரு பிள்ளை போல என்றால், எழுத்தாளர் மா.அரங்கநாதனுக்கு கவிஞர்கள் ரவி சுப்பிரமணியனும், எஸ்.சண்முகமும் பிள்ளைகள் போல! எழுத்தாளரும் மொழிபெயர்ப்பாளருமான அமரந்த்தாவிடம் மிகுந்த பாசம் கொண்டவர் மா.அரங்கநாதன்.

அவருக்கு வயதாகிவிட்டதே என்று நான் பொறுப்பேற்று நடத்திய தமிழ்நாடு-மலேசிய கவிஞர்கள் சந்திப்புக்கு அவரை அழைக்காதிருந்தபோதும் நிகழ்ச்சிக்கு கவிஞர் எஸ்.சண்முகத்தோடு வந்து ஆர்வமாகக் கவிதை வாசிப்பை ரசித்தார். சமகால எழுத்துகளைத் தொடர்ந்து வாசித்துவந்தவர் அவர்.

மா.அரங்கநாதன் இலக்கிய விருது – 2019! 16.4.2019 அன்று சென்னையில் நடந்த விழா குறித்து சில எண்ணப்பதிவுகள்!

பல வருடங்களுக்கு முன் முன்றில் அலுவலத்திற்குப் போய்வருவதும், சக எழுத்தாளர்கள் பலரை அங்கு பார்ப்பதும் வழக்கம். இன்றும் அரங்கில் எழுத்தாளர்கள் அமரந்த்தா, பரிசல் செந்தில்நாதன், புதுப்புனல் சாந்தி – ரவி, கவிஞர் நிதா எழிலரசி, அவர் கணவர் – Fleeting Infinity தொகுப்பின் அட்டை மற்றும் பக்கங்களை டிசைன் செய்தவர், பொன் தனசேகரன், நிழல் திருநாவுக்கரசு, சந்தியா பதிப்பகம் நடராஜன், மற்றும் மூத்த எழுத்தாளரும் மொழிபெயர்ப்பாளருமான டாக்டர் கே.எஸ்.சுப்பிரமணியன், வெளி ரங்கராஜன், எஸ்.சண்முகம், யூமா வாசுகி இன்னும் பலரைப் பார்க்கக் கிடைத்ததில் மீண்டும் முன்றில் அலுவலக இலக்கிய வெளியில் கால்பதித்ததுபோல் ஒருவித நெகிழ்வு மனதை ஆட்கொண்டது.

This e-mail address is being protected from spambots. You need JavaScript enabled to view it

Last Updated on Wednesday, 17 April 2019 23:00  


'

பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 கனடிய டொலர்கள் (CAD)  நீங்கள் 'பதிவுகள்' இதழுக்கு  உங்கள் பங்களிப்பாக அனுப்பலாம். நீங்கள் உங்கள் பங்களிப்பினை  அனுப்ப  விரும்பினால் , Pay Pal மூலம் பின்வரும் பதிவுகளுக்கான உங்கள் பங்களிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.


PayPal for Business - Accept credit cards in just minutes!

© காப்புரிமை 2000-2020 'பதிவுகள்.காம்' -  'Pathivukal.COM

பதிவுகள்

முகப்பு
அரசியல்
இலக்கியம்
சிறுகதை
கவிதை
அறிவியல்
உலக இலக்கியம்
சுற்றுச் சூழல்
நிகழ்வுகள்
கலை
நேர்காணல்
இ(அ)க்கரையில்...
நலந்தானா? நலந்தானா?
இணையத்தள அறிமுகம்
மதிப்புரை
பிற இணைய இணைப்புகள்
சினிமா
பதிவுகள் (2000 - 2011)
வெங்கட் சாமிநாதன்
K.S.Sivakumaran Column
அறிஞர் அ.ந.கந்தசாமி
கட்டடக்கலை / நகர அமைப்பு
வாசகர் கடிதங்கள்
பதிவுகளின் தோற்றம்/ நோக்கம்
நலந்தானா? நலந்தானா?
வ.ந.கிரிதரன்
கணித்தமிழ்
பதிவுகளில் அன்று
சமூகம்
கிடைக்கப் பெற்றோம்!
விளையாட்டு
நூல் அறிமுகம்
நாவல்
மின்னூல்கள்
முகநூற் குறிப்புகள்
எழுத்தாளர் முருகபூபதி
சுப்ரபாரதிமணியன்
சு.குணேஸ்வரன்
யமுனா ராஜேந்திரன்
நுணாவிலூர் கா. விசயரத்தினம்
தேவகாந்தன் பக்கம்
முனைவர் ர. தாரணி
பயணங்கள்
'கனடிய' இலக்கியம்
நாகரத்தினம் கிருஷ்ணா
பிச்சினிக்காடு இளங்கோ
கலாநிதி நா.சுப்பிரமணியன்
ஆய்வு
த.சிவபாலு பக்கம்
லதா ராமகிருஷ்ணன்
குரு அரவிந்தன்
சத்யானந்தன்
வரி விளம்பரங்கள்
'பதிவுகள்' விளம்பரம்
மரண அறிவித்தல்கள்
பதிப்பங்கள் அறிமுகம்

பதிவுகளில் தேடுக!

counter for tumblr

Yes We Can

விளம்பரம் செய்யுங்கள்


வீடு வாங்க / விற்க


'பதிவுகள்' இணைய இதழின்
மின்னஞ்சல் முகவரி ngiri2704@rogers.com 

பதிவுகள் (2000 - 2011)

'பதிவுகள்' இணைய இதழ்

பதிவுகளின் அமைப்பு மாறுகிறது..
வாசகர்களே! இம்மாத இதழுடன் (மார்ச் 2011)  பதிவுகள் இணைய இதழின் வடிவமைப்பு மாறுகிறது. இதுவரை பதிவுகளில் வெளியான ஆக்கங்கள் அனைத்தையும் இப்புதிய வடிவமைப்பில் இணைக்க வேண்டுமென்பதுதான் எம் அவா.  காலப்போக்கில் படிப்படியாக அனைத்து ஆக்கங்களும், அம்சங்களும் புதிய வடிவமைப்பில் இணைத்துக்கொள்ளப்படும்.  இதுவரை பதிவுகள் இணையத் தளத்தில் வெளியான ஆக்கங்கள் அனைத்தையும் பழைய வடிவமைப்பில் நீங்கள் வாசிக்க முடியும். அதற்கான இணையத்தள இணைப்பு : இதுவரை 'பதிவுகள்' (மார்ச் 2000 - மார்ச் 2011):
கடந்தவை

அறிஞர் அ.ந.கந்தசாமி படைப்புகள்

வ.ந.கிரிதரனின் 'அமெரிக்கா' மின்னூல் விற்பனையில்..

வ.ந.கிரிதரனின் 'அமெரிக்கா' (குறூநாவலும் சிறுகதைகளும்) ஸ்நேகா (தமிழகம்) / மங்கை (கனடா) பதிப்பகங்கள் இணைந்து டிசம்பர் 1996இல் தமிழகத்தில் வெளியிட்ட தொகுப்பு நூல். 'அமெரிக்கா' ஈழத்து அகதியொருவனின் அமெரிக்கத் தடுப்பு முகாம் வாழ்வினை விபரிக்கும் குறுநாவல்.உண்மைச் சம்பவங்களின் அடிப்படையில் புனையப்பட்ட குறுநாவல். இத்தொகுப்பிலுள்ள சிறுகதையான 'ஒரு மா(நா)ட்டுப் பிரச்சினை' தமிழகத்தில் வெளியான 'பனியும் , பனையும்' தொகுப்பிலும் இடம்பெற்றுள்ளது. மேற்படி குறுநாவலினிதும் சிறுகதைகளினதும் ஆங்கில மொழிபெயர்ப்பு (லதா ராமகிருஷ்ணனால் மொழிபெயர்க்கப்பட்டவை) இன்னும் நூலாக வெளிவரவில்லை. 'அமெரிக்கா' நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.  வாங்க விரும்பினால் இங்கு அழுத்தவும்.

வ.ந.கிரிதரனின் 'மண்ணின் குரல்' மின்னூல் விற்பனையில்...

வ.ந.கிரிதரனின் 'மண்ணின் குரல்' மின்னூல் விற்பனையில். வ.ந.கிரிதரனின் 'மண்ணின் குரல்' நூலானது 'வன்னி மண்', 'அருச்சுனனின் தேடலும், அகலிகையின் காதலும்', 'கணங்களும், குணங்களும்' மற்றும் 'மண்ணின் குரல்' ஆகிய நான்கு நாவல்களின் தொகுப்பு. தமிழகத்தில் குமரன் பப்ளிஷர்ஸினரால் 1998இல் இதன் முதற்பதிப்பு வெளியிடப்பட்டது. 'மண்ணின் குரல்' ஏற்கனவே மங்கை பதிப்பகத்தினால் (கனடா) நாவல், கட்டுரைகள், கவிதைகளடங்கிய சிறு தொகுப்பாக வெளியிடப்பட்டது. நூலின் முதற்பதிப்பினை $ 4 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்


பதிவுகள் (Pathivukal- Online Tamil Magazine)



'பதிவுகள்' -  பன்னாட்டு இணைய இதழ்! |  ISSN  1481 - 2991
ஆசிரியர்:  வ.ந.கிரிதரன்
Editor-in - Chief:  V.N.Giritharan

'பதிவுகள்' -  பன்னாட்டு இணைய இதழ்! |  ISSN  1481 - 2991

"அனைவருடனும் அறிவினைப் பகிர்ந்து கொள்வோம்"

"Sharing Knowledge With Every One"

ஆசிரியர்:  வ.ந.கிரிதரன்
மின்னஞ்சல் முகவரி: ngiri2704@rogers.com
'பதிவுகள்'இணைய இதழில் விளம்பரம்: விபரங்கள்

'பதிவுகள்' ஆலோசகர் குழு:
பேராசிரியர்  நா.சுப்பிரமணியன் (கனடா)
பேராசிரியர்  துரை மணிகண்டன் (தமிழ்நாடு)
பேராசிரியர்   மகாதேவா (ஐக்கிய இராச்சியம்)
எழுத்தாளர்  லெ.முருகபூபதி (ஆஸ்திரேலியா)

அடையாளச் சின்ன  வடிவமைப்பு:
தமயந்தி கிரிதரன்

'Pathivukal'  Advisory Board:
Professor N.Subramaniyan (Canada)
Professor  Durai Manikandan (TamilNadu)
Professor  Kopan Mahadeva (United Kingdom)
Writer L. Murugapoopathy  (Australia)

Logo Design: Thamayanthi Girittharan

Yes We Can


Dr. Lalithambigai (Lali) Thambiaiyah

Dr. Lalithambigai (Lali) Thambiaiyah passed away on April 16, 2020 at Kaiser Hospital in Walnut Creek, California, USA. She was 61 years old. She is preceded in death by her father Mr. Kandiah Elankanayagam Kathirgamalingam, Retired Crown Advocate (1977), mother Manonmany (2014), sister Vijeyalakshmi (2018), father-in-law Velupillai Suppiah Thambiaiyah (1991), and mother-in-law Saraswathy (1987). Read More

வ.ந.கிரிதரனின் 'குடிவரவாளன்' நாவலினை மின்னூலாக வாங்க
வ.ந.கிரிதரனின் 'குடிவரவாளன்'
எழுத்தாளர் வ.ந.கிரிதரனின் 'குடிவரவாளன்' நாவலினை மின்னூலாக பிடிஃப் வடிவத்தில் வாங்க விரும்புபவர்கள் கீழுள்ள இணைய இணைப்பில் வாங்கிக்கொள்ளலாம். விலை $4 (கனடியன்): https://www.fatfreecartpro.com/i/yz46?single

வ.ந.கிரிதரனின் 'அமெரிக்கா' நாவலின் திருத்திய இரண்டாம் பதிப்பினை மின்னூலாக  வாங்க...

'அமெரிக்கா' மின்னூலினை, பிடிஃப் கோப்பாக  $3 (கனடியன்) செலுத்தி வாங்குவதற்கான இணைய இணைப்பு: https://www.fatfreecartpro.com/i/yzc9?single

எழுத்தாளர் வ.ந.கிரிதரன்

' வ.ந.கிரிதரன் பக்கம்'என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

No Fear Shakespeare

No Fear Shakespeare
சேக்ஸ்பியரின் படைப்புகளை வாசித்து விளங்குவதற்குப் பலர் சிரமப்படுவார்கள். அதற்குக் காரணங்களிலொன்று அவரது காலத்தில் பாவிக்கப்பட்ட ஆங்கில மொழிக்கும் இன்று பாவிக்கப்படும் ஆங்கில மொழிக்கும் இடையிலுள்ள வித்தியாசம். அவரது படைப்புகளை இன்று பாவிக்கப்படும் ஆங்கில மொழியில் விளங்கிக் கொள்வதற்கு ஸ்பார்க் நிறுவனம் வெளியிட்டுள்ள No Fear Shakespeare வரிசை நூல்கள் உதவுகின்றன.  அவற்றை வாசிக்க விரும்பும் எவரும் ஸ்பார்க் நிறுவனத்தின் இணையத்தளத்தில் அவற்றை வாசிக்கலாம். அதற்கான இணைய இணைப்பு:

நூலகம்

வ.ந.கிரிதரன் பக்கம்!

'வ.ந.கிரிதரன் பக்கம்' என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

THANK YOU!

ஜெயபாரதனின் அறிவியற் தளம்

எனது குறிக்கோள் தமிழில் புதிதாக விஞ்ஞானப் படைப்புகள், நாடகக் காவியங்கள் பெருக வேண்டும் என்பதே. “மகத்தான பணிகளைப் புரிய நீ பிறந்திருக்கிறாய்” என்று விவேகானந்தர் கூறிய பொன்மொழியே என் ஆக்கப் பணிகளுக்கு ஆணிவேராக நின்று ஒரு மந்திர உரையாக நெஞ்சில் அலைகளைப் பரப்பி வருகிறது... உள்ளே

Wikileaks

மதுரைத் திட்டம்

மதுரைத்திட்டம்

Shami Accounting Services

charles_nirmalarajan5.jpg - 19.08 Kb

We provide complete accounting, federal and provincial tax services to individuals or businesses. Our objective is to continue to provide our clients with the highest level of service at the lowest possible fee tailor to your specific needs. Visit our site.

படிப்பகம்

உலக வானொலி