கடன் தருவோம்!

நீங்கள் கனடாவில் வசிப்பவரா? உங்களுக்கு 'மோர்ட்கேஜ்' வசதிகள் இலகுவாகச் செய்து தர வேண்டுமா? கவலையை விடுங்கள். யாமிருக்கப் பயமேன்! விபரங்களுக்கு இங்கே அழுத்துங்கள்

மணமக்கள்!

சுவாமி ஞானப்பிரகாசரின் யாழ்ப்பாண வைபவ விமரிசனம்(ஆங்கிலத்தில்)|முதலியார் இராசநாயகத்தின்)|மயில்லவாகனப் புலவரின் யாழ்ப்பாண வைபவமாலை|மட்டக்களப்பு இந்து ஆலயம்|ஸ்ரீனிவாச ஐயங்காரின் தமிழர் சரித்திரம்|தென்னிந்தியாவின் ஆலய நகரங்கள்|

1) அம்மாவும் மகனும்
என் மகனே
பத்து வயதிலேயே உனதன்பாலென்னை
கண் கலங்கவைத்தாயேடா!

நேற்றிரவு காய்ச்சலுடன் நான்
போர்வை போத்தி தந்தென்
நெற்றியில் முத்தமிட்டு என்னருகே நீ!

இன்று காலை வேலைக்கு போகும்வேளை
செருப்பின் நாடாவை முறுக்க முடியா
என் உடல்வலியதை
எப்படித்தானுணர்ந்தாயோ என் மகனே நீ
ஓடிவந்தென் கால்களில் செருப்பு மாட்டி விட்டாயே!

ஐயோ
உந்தன் பிஞ்சு விரல்களுக்கு வலித்துருக்குமே !

நான் கண்ட சொந்த பந்தங்களின் மொத்த அன்பும்
எப்படியடா செல்லமே உன் நெஞ்சில்!

பத்து வயதிலேயே நீயெந்தன் பத்து மாத
சுமையையும் மறக்க வைத்தாயே!

என் உயிரே கண்மணியே என் நிஜமே
என்னை எனக்கு காண்பித்த அதிசயமே என் மகனே

உனை நினைத்தாலே மகிழ்ந்து மகிழ்ந்து
புன்னகைக்கிறதே எந்தன் ஆனந்த கண்ணீர் !!

2) உனை மறவாத...
உனை மறவாத ஒவ்வொரு நொடியிலும் நான்
எனை மறந்தே ஒவ்வொரு நொடியிலும் நீ
நம்மிருவரின் வித்தியாச சுகம் கண்டு
ஒவ்வொரு நொடியிலும் தவிக்கிறதே காதல்!

3) திரை
திரைப்படம் திரையரங்கம் இவையெல்லாம்
மனதையேனோ கவரவில்லை
ஆனால்
"திரை" நல்லதோர் ஆசிரியர்
மழைவெள்ளம் கண்டு நனையவில்லை
தீமழை கண்டு எரிந்துவிடவுமில்லை !

4) மகிழ்ச்சி
வாழ்வது ஒரு கலை
நல்லாசிரியரை தேடுகிறது வாழ்க்கை
அமைதியற்ற செயலும்
செயலற்ற அமைதியும் தவறே
செயல்கள் யாவையிலும்
அமைதியும் சந்தோஷமும்
நிறைந்திருக்கும் மனமதில்
பொங்கிமகிழும் மகிழ்ச்சி !

கல்லரை செல்லும்வரை - மனித
சிந்தனையின் உயிரோட்டம் நிச்சயம்
அறிவென்ற நதிக்கரைகளை மட்டும்
திடப்படுத்தினால்
வாழ்விலென்றும் அமைதி நிச்சயம் -அந்த
அமைதியில் மகிழ்ந்து மலரும் மகிழ்ச்சி !

சென்றுசேரும் இடத்தை விட
பயணமே மகிழ்ச்சி!

பரிசை வாங்கும் நொடிகளை விட
உழைத்து மகிழ்ந்த மணித்துளிகளில் தான்
ஒளிந்திருக்கிறது மகிழ்ச்சி!

5) விமர்சனம்
நெஞ்சார்ந்த அன்பால் மனம் திறந்து பேசினான்
அவன் மனதை குத்தியது விமர்சனம்

முட்டாளை அறிவாளியாக்க நெஞ்சுவலிக்க பேசினான்
அவன் மனதை கிழித்தது விமர்சனம்

உறவுகள் மேம்பட தவறுகளை மன்னித்தான்
அவன் மனதை நொறுக்கியது விமர்சனம்

கதறிய தன் மனதின் அறிவுரை கேட்டான்
அவன் அமைதியில் வாழத்துவங்கினான்
அளவோடு பேசுமோர் அதிசய ஊமையானான்!

nsureshchennai@gmail.com