போரில் பிள்ளைகளையும் இழந்து ஊரையும் இழந்த பொன்னகர் மக்களுக்கு நேசக்கரம் நீட்டுங்கள்! - சாந்தி ரமேஷ் -
போரின் எச்சங்களாய் வன்னிநிலப்பகுதிகளில் மிஞ்சியிருப்பது துயரங்களின் குவியல். காலம்காலமாய் வாழ்ந்த மக்களின் நிலங்கள் பறிக்கப்பட்டு மனிதவுயிர்கள் எண்ணுக்கணக்கின்றி அழிக்கப்பட்ட கொடுமையின் முடிவு எங்கள் மக்களை ஏதிலிகளாக்கிவிட்டுள்ளது. தங்கள் நிலங்களில் மீளவும் வாழ வழியற்றுத் தவிக்கும் மனிதர்களும் அவர்களின் அனாதைக் குழந்தைகளும் தங்கள் எதிர்காலம் மீதான நம்பிக்கைகளுடன் தறப்பாள்களின் கீழே மீளவும் வாழ்வை ஆரம்பித்திருக்கிறார்கள்.

எல்லாம் இழந்தபின்னும் நம்பிக்கைகளோடு மீளவும் குடியேறியுள்ள பொன்னகர் கிராமமக்களின் வாழ்வை மேம்படுத்த வேண்டியவர்கள் நீங்களே உறவுகளே!

பல்வேறு கட்டங்களில் நடைபெற்ற போரினால் பாதிக்கப்பட்ட மக்கள் இங்கு குடியமர்த்தப்பட்டார்கள். 50 வீட்டுத் திட்டத்தில் 35 வீடுகள் அமைத்து முடிக்கப்பட்ட சூழலில் யுத்தம் காரணமாக ஏனைய 15 வீடுகள் அமைக்கப்படாமல் இருக்கின்றன. அவர்களில் 15 குடும்பங்கள் தற்பொழுது அந்தக் கிராமத்தில் தரப்பால்களை கட்டிக் கொண்டு குடியேறியிருக்கிறார்கள். அடர்ந்த பற்றைகளுக்குள் வீடிருந்த இடங்களில் எழும்பிய புற்றுக்களுக்கு மத்தியில் அவர்கள் குடியிருக்கிறார்கள். கூரைகளற்ற வீடுகளைச் சேர்ந்த ஏனைய மக்கள் கிளிநொச்சி மத்திய கல்லூரியில் தடுத்து வைக்கப்பட்டிருக்கிறார்கள்.

இந்தப்பொன்னகரத்தில் வாழும் மக்கள் தமக்கான வாழ்வாதார உதவியை தமிழர்களாகிய எம்மிடம் எதிர்பார்த்துக் காத்திருக்கிறார்கள். பசியுடன் வாழும் குழந்தைகளும் பிள்ளைகளை இழந்த உறவுகளை இழந்த மனிதர்களும் நிறைந்த பொன்னகரில் வாழும் 15குடும்பங்களுக்குமான அவசர உதவியை உறவுகளே நேசக்கரம் உங்களிடம் எதிர்பார்த்து நிற்கிறது. தங்களால் இயன்ற உதவிகளை வழங்கி பொன்னகர் மக்களுக்கு ஒளிபெறச்செய்யுங்கள்.

உதவ விரும்புவோர் கீழுள்ள விபரங்கள் ஊடாக தொடர்பு கொள்ளுங்கள்:

Nesakkaram e.V
Hauptstr - 210
55743 Idar-Oberstein
Germany

Shanthy Germany - 0049 6781 70723
Sri France - 0033 611149470

website: http://www.nesakkaram.org
Email – nesakkaram@gmail.com இம்மின்னஞ்சல் முகவரியானது spambots இடமிருந்து பாதுகாக்கப்படுவதால், நீங்கள் இதைப் பார்ப்பதற்கு JavaScript ஐ இயலுமைப்படுத்த வேண்டும்.

"Lassen Sie uns helfen unsere Brüder und Schwestern"
*Let us help our brothers and sisters*
www.nesakkaram.org

rameshsanthi@googlemail.com