மணமக்கள்!

தமிழ்ச்சங்கம் (கொழும்பு): “புலம் பெயர் இலக்கியம் வாழ்புலத்தேடல்”

பிரதி வெள்ளி தோறும் கொழும்புத் தமிழ்ச் சங்க மண்டபத்திலே இடம் பெறும் படித்ததும் பிடித்ததும் நிகழ்விலே 26.9.09 அன்று “புலம் பெயர் இலக்கியம் வாழ்புலத்தேடல்” எனும் தலைப்பிலே கவிஞர் திரு மட்டுவில் ஞானக்குமாரன் உரை நிகழ்தினார். கொழும்புத் தமிழ்ச்சங்க சங்கரப்பிள்ளை நினைவு மண்டபத்தில் இடம்பெற்ற இன் நிகழ்விலே பேராசிரியர் சபா ஜெயராசா முன்னாள் பாராளூமன்ற உறுப்பினர் மா.கா ஈழவேந்தன உட்பட பெருமளவிலான இலக்கிய வாதிகளும் பொதுமக்களும் கலந்து கொண்டனர். வாழ்துரை வழங்கியிருந்தனர்.
.
தமிழ்த் தாய் வாழ்த்துப்பாடலை திருமதி இரஐனி சங்கரலிங்கம் வழங்கியிருந்தார். தொடர்ந்து அறிமுக உரையை திருமதி வசந்தி தயாபரன் ஆற்ற 'புலம்பெயர் இலக்கியம் வாழ்புலத்தேடல்' எனும் தலைப்பினில் கவிஞர் மட்டுவில் சோ ஞானக்குமாரன் பிரதான உரையை ஆற்றினார்.புலம்பெயர் இலக்கியம் அதன் போக்குகள் அவற்றை பாதிப்புக்குள்ளாகாதவாறு பதிவுக்குள்ளாக்குவதன் அவசியம் அங்குள்ள வேற்று மொழியின் தாக்கம் பண்பாட்டு சிதைவுகள் என்ற பல தலைப்புகளில் அவர் ஆற்றிய சிறப்பான உரையானது சபையோரை வெகுவாகக் கவர்ந்திருந்தது. தொடர்ந்து கருத்துக் கூறிய முன்நாள் நாடாள மன்ற உறுப்பினர் மா.கா.ஈழவேந்தன் “தமிழினத்தின் புலம் நோக்கிய நகர்வானது முதலாம் இரண்டாம் தலைமுறைகளை அதிகம் பாதிக்காது விடினும் 3ம் தலை முறைகள் பாதிப்புக்குள்ளாவதை எப்படி தடுப்பது என்ற கேள்வியை முன்வைத்தார். அதற்குரிய ஒரே தீர்வு தமிழர்களுக்கு ஒரு தேசம் உருவாக வேண்டும் என்றார்.

இறுதியாக இதைப்பற்றிய சபையோரின் கருத்துக்கள் பரிமாறப்பட்டதுடன். தமிழ்த்தாய் வாழ்த்துடன் நிகழ்வு இனிதே நிறைவுபெற்றது.

நிகழ்வுக் காட்சிகள் சில..

படம் 1 தமிழ்த் தாய் வாழ்த்துப்பாடலை திருமதி இரஐனி சங்கரலிங்கம்.
படம் 2 வரவேற்புரை நிகழ்த்துகிறார் திருமதி வசந்தி தயாபரன்.
படம் 3 கவிஞர் ஞானக்குமாரன் உரையாற்றுகிறார்.
படம் 4. நிகழ்விலே கலந்து கொண்டோரில் ஒரு பகுதியினர்

maduvilan@hotmail.com