Pathivugal ISSN 1481-2991
பாரிஸ்: 'இளங்கோவன் கதைகள்' நூல்
வெளியீடு!
'தமிழில்
சிறுகதைத்துறை வளர்ச்சிபெறத் தொடங்கிய காலத்தைத், தமிழகத்தில்
'மணிக்கொடிக் காலம்" என்பதுபோல, ஈழத்தில் 'மறுமலர்ச்சிக் காலம்" எனக்
குறிப்பிடுவர். அந்தக் காலத்தில் வைத்திலிங்கம், சம்பந்தர்,
இலங்கையர்கோன், அ. செ. முருகானந்தம் ஆகியோருட்படச் சிலர்
சிறுகதைத்துறையின் முன்னோடிகளாக முகிழ்ந்தனர். அடுத்த தலைமுறையில்
பலர் சிறந்த முற்போக்குக் கதாசிரியர்களாக வந்தனர். சாகித்திய மண்டலப்
பரிசுகளும் உற்சாகமளித்தன. இன்று, புலம்பெயர்ந்தவர் மத்தியில் பலர்
சிறுகதைகள் எழுதிவருகின்றனர். புலம்பெயர்ந்த நாடுகளில் தாம் பெற்ற
அனுபவங்களின் வெளிப்பாடுகளாகச் சிறந்த சிறுகதைகளைச் சிலர் அற்புதமாக
எழுதிவருகின்றனர். அத்தகையவர்களில் குறிப்பிடத்தக்கவராக இளங்கோவன்
இருக்கிறார். சிறுகதைகள், கவிதைகள், வானொலி - தொலைக்காட்சி
நிகழ்ச்சிகள் மற்றும் கலைத்துறை யாவற்றிலும் ஈடுபட்டுப்
பாராட்டுக்கள் பெற்றவராக இளங்கோவன் விளங்குகிறார். பல்துறை
ஆளுமைபெற்ற அவர் பிரான்ஸ் - துலூஸ் மாநகரில் வசிப்பது, இந்நகரில்
வசிக்கும் ஈழத்தமிழர் யாவரும் பெருமைப்படத்தக்கதாகும்." இவ்வாறு
'மறுமலர்ச்சிக் கால" மூத்த எழுத்தாளர் தி. நடனசபாபதி சர்மா, பிரான்ஸ்
- துலூஸ் மாநகரில் கடந்த 3-ம் திகதி (03 - 12 - 2006)
ஞாயிற்றுக்கிழமை பகல் நடைபெற்ற கலை இலக்கிய விழாவுக்குத்
தலைமைவகித்துப் பேசுகையில் குறிப்பிட்டார்.
இவ்விழாவில்
முக்கிய நிகழ்வாக 'பல்கலை வேந்தன்" வி. ரி. இளங்கோவனின் 'இளங்கோவன்
கதைகள்" நூல்வெளியீடு இடம்பெற்றது. 'கலை இலக்கிய விருந்து" என்ற
பெயரில் துலூஸ் மாநகரில் முதன்முறையாக நடைபெற்ற இந்த கலை இலக்கிய
விழாவில் துலூஸ் மாநகரில் வசிக்கும் தமிழர்கள் குடும்பத்தோடு
கலந்துகொண்டு சிறப்பித்தனர். சுற்றுப்புற நகரங்களில் வசிப்போரும்
பெருமளவில் கலந்துகொண்டனர்.
இவ்விழாவில் பிரதம விருந்தினராகக் கலந்துகொண்ட 'கல்விச் சேவையாளர்" சி. காராளபிள்ளை பேசுகையில், 'வள்ளுவன் வாக்குக்கொப்ப, இளங்கோவனின் தந்தையார் தமது கடமையை திறம்படச்செய்து தம்மக்கள் எல்லோரையும் கல்வியில் முன்னிருத்தியுள்ளார். அதேபோலப் பிள்ளைகளும் கலை இலக்கியம், சட்டம், மருத்துவம் எனச் சகலதுறைகளிலும் முன்னணி வகிப்பவர்களாகத் தந்தையின் பெயரை நிலைநிறுத்தியுள்ளனர். ஒரே குடும்பத்தில் அத்தனைபேரும் சாதனையாளர்களாகத் திகழ்வது அரிது. தீவகத்திற்குப் பெருமைசேர்க்கின்ற வகையில் முன்மாதிரியாக இளங்கோவன் சகோதரர்கள் திகழ்வது பாராட்டுக்குரியதாகும். கண்டவர் எல்லாம் பேனா பிடிக்கும் இக்காலத்தில், சமூக அக்கறையோடு படைப்புகளைத்தரும் இளங்கோவன் இடதுசாரியாக, மக்கள் போராட்டங்களில் கலந்து தன்னைப் புடம்போட்டுக்கொண்டவர். மிக இளம்வயதிலேயே அரசியல், கலை இலக்கியச் சாதனையாளர்களோடு பழகும் வாய்ப்பு அவரைக் கலை இலக்கியத்துறையில் பக்குவப்படுத்தியிருக்கிறது. அவர் பிரான்ஸ் நாட்டில் வாழ்வது எம்தமிழ்மக்களுக்குப் பெருமைதருவதாகும். அவரை நன்கறிந்தவன் என்றவகையில் இன்று அவரது கலை இலக்கியத்துறை வளர்ச்சியினைப் பாராட்டுவதில் மகிழ்வடைகிறேன்" என்றார்.
சிறப்பு
விருந்தினராகக் கலந்துகொண்ட 'கலைஞர் காவலர்" வண்ணை தெய்வம்
பேசுகையில், 'இளங்கோவன் படைப்புகளில் கவிதைகள் சிறந்தனவா, கதைகள்
சிறந்தனவா என்று கூறமுடியாத வகையில் அவர் எல்லாவற்றிலும் முன்னணிப்
படைப்பாளியாகத் திகழ்கிறார். கவிதைகள், இலக்கியப் பேச்சுக்கள் மூலம்
சபையோரை இலகுவில் கவர்ந்துவிடும் வல்லமை அவருக்குண்டு. இன்று
சிறுகதைகள் மூலம் இன்னொரு பாய்ச்சலை நிகழ்த்தியிருக்கிறார். தனது
சகோதரர்களின் ஆற்றல்களையும் விஞ்சி வளர்ச்சிகண்டு வருவது, அவரை நன்கு
தெரிந்த எமக்குப் பெருமையளிக்கிறது. அவரது முயற்சிகள் யாவற்றுக்கும்
புலம்பெயர்ந்த தமிழ்மக்கள் மத்தியிலிருந்து ஒத்துழைப்புக்
கிடைத்துவருவதைப் பார்க்கும்போது எனக்கு மகிழ்ச்சியாகவிருக்கிறது"
என்றார்.
மூத்த எழுத்தாளர் தி. நடனசபாபதி சர்மா, நூலாசிரியர் வி. ரி. இளங்கோவனுக்குத் துலூஸ் மாநகரத் தமிழ்மக்கள் சார்பில் பொன்னாடை போர்த்திப் பூமாலை போட்டு வாழ்த்துத் தெரிவித்துக் கௌரவித்தார்.
கலைஞர் அ. அமிர்தநாதர் பேசுகையில், 'யாழ்நகரில் எமது பகுதியான நாவாந்துறையில் சில வருடங்களாக வைத்தியப் பணிபுரிந்த இளங்கோவன், பல்துறை ஆளுமை மிக்கவர் என்பதை யான் நன்கறிவேன். ஜக்கிய நாடுகள் தொண்டராகப் பிலிப்பைன்ஸ் நாட்டிலும் மூலிகை மருத்துவப் பணிபுரிந்து பாராட்டுக்கள் பெற்றவர். அவர் முற்போக்குச் சிந்தனையாளர். அவரது படைப்புகள் மக்கள் நலம் சார்ந்து விளங்கும் என்பதில் ஜயமில்லை" என்றார்.
மூத்த எழுத்தாளருக்குக் கௌரவம்!
மறுமலர்ச்சி
கால மூத்த எழுத்தாளரும், தற்போது பிரான்ஸ் - துலாஸ் மாநகரில்
வசிப்பவருமான தி. நடனசபாபதி சர்மா அவர்களின் இலக்கியப் பணியையும்,
இலக்கிய நேசிப்பையும் பாராட்டி, 'கல்விச் சேவையாளர்" சி. காராளபிள்ளை
அவருக்குப் பொன்னாடை போர்த்திக் கௌரவித்தார். 'இன்று ஜரோப்பாவில்
வாழும் மூத்த எழுத்தாளர் நடனசபாபதி சர்மா. அவர் தலைமையில் இவ்விழா
நடைபெறுவதும், அவரின் வாழ்த்துக்களும், பாராட்டுக்களும் எனக்குக்
கிடைத்திருப்பதையிட்டும் யான் பெருமகிழ்வடைகிறேன்" என வி. ரி.
இளங்கோவன் தமதுரையில் குறிப்பிட்டார்.
சிறுவர் நடன நிகழ்ச்சிகளும், துலாஸ் கலைக்குழு மற்றும் அல்பி நகரக் கலைக்குழுவைச் சேர்ந்தோரின் பல்வேறு நடன நிகழ்ச்சிகளும் விழாவில் இடம்பெற்றன. சங்கீதக் கலைமணி திருமதி தனா சூரியபாலனின் இசைக்கச்சேரியும் இடம்பெற்றது.
சிறந்த மதிய உணவும் வழங்கப்பட்டது. விழாக்குழுவைச் சேர்ந்த கலைஞர்கள் சிவா, ரகு, சந்திரன் ஆகியோருட்படப் பலர் இவ்விழாவினை ஒரு முன்மாதிரியான 'கலை இலக்கிய விருந்தாக" துலூஸ் மாநகரில் முதன்முறையாக நடாத்திடச் சகல ஏற்பாடுபாடுகளையும் முன்னின்று செய்தனர் என்பது குறிப்பிடத்தக்கது.
'தமிழில்
சிறுகதைத்துறை வளர்ச்சிபெறத் தொடங்கிய காலத்தைத், தமிழகத்தில்
'மணிக்கொடிக் காலம்" என்பதுபோல, ஈழத்தில் 'மறுமலர்ச்சிக் காலம்" எனக்
குறிப்பிடுவர். அந்தக் காலத்தில் வைத்திலிங்கம், சம்பந்தர்,
இலங்கையர்கோன், அ. செ. முருகானந்தம் ஆகியோருட்படச் சிலர்
சிறுகதைத்துறையின் முன்னோடிகளாக முகிழ்ந்தனர். அடுத்த தலைமுறையில்
பலர் சிறந்த முற்போக்குக் கதாசிரியர்களாக வந்தனர். சாகித்திய மண்டலப்
பரிசுகளும் உற்சாகமளித்தன. இன்று, புலம்பெயர்ந்தவர் மத்தியில் பலர்
சிறுகதைகள் எழுதிவருகின்றனர். புலம்பெயர்ந்த நாடுகளில் தாம் பெற்ற
அனுபவங்களின் வெளிப்பாடுகளாகச் சிறந்த சிறுகதைகளைச் சிலர் அற்புதமாக
எழுதிவருகின்றனர். அத்தகையவர்களில் குறிப்பிடத்தக்கவராக இளங்கோவன்
இருக்கிறார். சிறுகதைகள், கவிதைகள், வானொலி - தொலைக்காட்சி
நிகழ்ச்சிகள் மற்றும் கலைத்துறை யாவற்றிலும் ஈடுபட்டுப்
பாராட்டுக்கள் பெற்றவராக இளங்கோவன் விளங்குகிறார். பல்துறை
ஆளுமைபெற்ற அவர் பிரான்ஸ் - துலூஸ் மாநகரில் வசிப்பது, இந்நகரில்
வசிக்கும் ஈழத்தமிழர் யாவரும் பெருமைப்படத்தக்கதாகும்." இவ்வாறு
'மறுமலர்ச்சிக் கால" மூத்த எழுத்தாளர் தி. நடனசபாபதி சர்மா, பிரான்ஸ்
- துலூஸ் மாநகரில் கடந்த 3-ம் திகதி (03 - 12 - 2006)
ஞாயிற்றுக்கிழமை பகல் நடைபெற்ற கலை இலக்கிய விழாவுக்குத்
தலைமைவகித்துப் பேசுகையில் குறிப்பிட்டார்.இவ்விழாவில்
முக்கிய நிகழ்வாக 'பல்கலை வேந்தன்" வி. ரி. இளங்கோவனின் 'இளங்கோவன்
கதைகள்" நூல்வெளியீடு இடம்பெற்றது. 'கலை இலக்கிய விருந்து" என்ற
பெயரில் துலூஸ் மாநகரில் முதன்முறையாக நடைபெற்ற இந்த கலை இலக்கிய
விழாவில் துலூஸ் மாநகரில் வசிக்கும் தமிழர்கள் குடும்பத்தோடு
கலந்துகொண்டு சிறப்பித்தனர். சுற்றுப்புற நகரங்களில் வசிப்போரும்
பெருமளவில் கலந்துகொண்டனர்.இவ்விழாவில் பிரதம விருந்தினராகக் கலந்துகொண்ட 'கல்விச் சேவையாளர்" சி. காராளபிள்ளை பேசுகையில், 'வள்ளுவன் வாக்குக்கொப்ப, இளங்கோவனின் தந்தையார் தமது கடமையை திறம்படச்செய்து தம்மக்கள் எல்லோரையும் கல்வியில் முன்னிருத்தியுள்ளார். அதேபோலப் பிள்ளைகளும் கலை இலக்கியம், சட்டம், மருத்துவம் எனச் சகலதுறைகளிலும் முன்னணி வகிப்பவர்களாகத் தந்தையின் பெயரை நிலைநிறுத்தியுள்ளனர். ஒரே குடும்பத்தில் அத்தனைபேரும் சாதனையாளர்களாகத் திகழ்வது அரிது. தீவகத்திற்குப் பெருமைசேர்க்கின்ற வகையில் முன்மாதிரியாக இளங்கோவன் சகோதரர்கள் திகழ்வது பாராட்டுக்குரியதாகும். கண்டவர் எல்லாம் பேனா பிடிக்கும் இக்காலத்தில், சமூக அக்கறையோடு படைப்புகளைத்தரும் இளங்கோவன் இடதுசாரியாக, மக்கள் போராட்டங்களில் கலந்து தன்னைப் புடம்போட்டுக்கொண்டவர். மிக இளம்வயதிலேயே அரசியல், கலை இலக்கியச் சாதனையாளர்களோடு பழகும் வாய்ப்பு அவரைக் கலை இலக்கியத்துறையில் பக்குவப்படுத்தியிருக்கிறது. அவர் பிரான்ஸ் நாட்டில் வாழ்வது எம்தமிழ்மக்களுக்குப் பெருமைதருவதாகும். அவரை நன்கறிந்தவன் என்றவகையில் இன்று அவரது கலை இலக்கியத்துறை வளர்ச்சியினைப் பாராட்டுவதில் மகிழ்வடைகிறேன்" என்றார்.
சிறப்பு
விருந்தினராகக் கலந்துகொண்ட 'கலைஞர் காவலர்" வண்ணை தெய்வம்
பேசுகையில், 'இளங்கோவன் படைப்புகளில் கவிதைகள் சிறந்தனவா, கதைகள்
சிறந்தனவா என்று கூறமுடியாத வகையில் அவர் எல்லாவற்றிலும் முன்னணிப்
படைப்பாளியாகத் திகழ்கிறார். கவிதைகள், இலக்கியப் பேச்சுக்கள் மூலம்
சபையோரை இலகுவில் கவர்ந்துவிடும் வல்லமை அவருக்குண்டு. இன்று
சிறுகதைகள் மூலம் இன்னொரு பாய்ச்சலை நிகழ்த்தியிருக்கிறார். தனது
சகோதரர்களின் ஆற்றல்களையும் விஞ்சி வளர்ச்சிகண்டு வருவது, அவரை நன்கு
தெரிந்த எமக்குப் பெருமையளிக்கிறது. அவரது முயற்சிகள் யாவற்றுக்கும்
புலம்பெயர்ந்த தமிழ்மக்கள் மத்தியிலிருந்து ஒத்துழைப்புக்
கிடைத்துவருவதைப் பார்க்கும்போது எனக்கு மகிழ்ச்சியாகவிருக்கிறது"
என்றார்.மூத்த எழுத்தாளர் தி. நடனசபாபதி சர்மா, நூலாசிரியர் வி. ரி. இளங்கோவனுக்குத் துலூஸ் மாநகரத் தமிழ்மக்கள் சார்பில் பொன்னாடை போர்த்திப் பூமாலை போட்டு வாழ்த்துத் தெரிவித்துக் கௌரவித்தார்.
கலைஞர் அ. அமிர்தநாதர் பேசுகையில், 'யாழ்நகரில் எமது பகுதியான நாவாந்துறையில் சில வருடங்களாக வைத்தியப் பணிபுரிந்த இளங்கோவன், பல்துறை ஆளுமை மிக்கவர் என்பதை யான் நன்கறிவேன். ஜக்கிய நாடுகள் தொண்டராகப் பிலிப்பைன்ஸ் நாட்டிலும் மூலிகை மருத்துவப் பணிபுரிந்து பாராட்டுக்கள் பெற்றவர். அவர் முற்போக்குச் சிந்தனையாளர். அவரது படைப்புகள் மக்கள் நலம் சார்ந்து விளங்கும் என்பதில் ஜயமில்லை" என்றார்.
மூத்த எழுத்தாளருக்குக் கௌரவம்!
மறுமலர்ச்சி
கால மூத்த எழுத்தாளரும், தற்போது பிரான்ஸ் - துலாஸ் மாநகரில்
வசிப்பவருமான தி. நடனசபாபதி சர்மா அவர்களின் இலக்கியப் பணியையும்,
இலக்கிய நேசிப்பையும் பாராட்டி, 'கல்விச் சேவையாளர்" சி. காராளபிள்ளை
அவருக்குப் பொன்னாடை போர்த்திக் கௌரவித்தார். 'இன்று ஜரோப்பாவில்
வாழும் மூத்த எழுத்தாளர் நடனசபாபதி சர்மா. அவர் தலைமையில் இவ்விழா
நடைபெறுவதும், அவரின் வாழ்த்துக்களும், பாராட்டுக்களும் எனக்குக்
கிடைத்திருப்பதையிட்டும் யான் பெருமகிழ்வடைகிறேன்" என வி. ரி.
இளங்கோவன் தமதுரையில் குறிப்பிட்டார்.சிறுவர் நடன நிகழ்ச்சிகளும், துலாஸ் கலைக்குழு மற்றும் அல்பி நகரக் கலைக்குழுவைச் சேர்ந்தோரின் பல்வேறு நடன நிகழ்ச்சிகளும் விழாவில் இடம்பெற்றன. சங்கீதக் கலைமணி திருமதி தனா சூரியபாலனின் இசைக்கச்சேரியும் இடம்பெற்றது.
சிறந்த மதிய உணவும் வழங்கப்பட்டது. விழாக்குழுவைச் சேர்ந்த கலைஞர்கள் சிவா, ரகு, சந்திரன் ஆகியோருட்படப் பலர் இவ்விழாவினை ஒரு முன்மாதிரியான 'கலை இலக்கிய விருந்தாக" துலூஸ் மாநகரில் முதன்முறையாக நடாத்திடச் சகல ஏற்பாடுபாடுகளையும் முன்னின்று செய்தனர் என்பது குறிப்பிடத்தக்கது.
மேலும் சில விழாக்
காட்சிகள்....
vtelangovan@yahoo.fr
