கடன் தருவோம்!

நீங்கள் கனடாவில் வசிப்பவரா? உங்களுக்கு 'மோர்ட்கேஜ்' வசதிகள் இலகுவாகச் செய்து தர வேண்டுமா? கவலையை விடுங்கள். யாமிருக்கப் பயமேன்! விபரங்களுக்கு இங்கே அழுத்துங்கள்

மணமக்கள்!

சுவாமி ஞானப்பிரகாசரின் யாழ்ப்பாண வைபவ விமரிசனம்(ஆங்கிலத்தில்)|முதலியார் இராசநாயகத்தின்)|மயில்லவாகனப் புலவரின் யாழ்ப்பாண வைபவமாலை|மட்டக்களப்பு இந்து ஆலயம்|ஸ்ரீனிவாச ஐயங்காரின் தமிழர் சரித்திரம்|தென்னிந்தியாவின் ஆலய நகரங்கள்|

சுவீடனைச் சேர்ந்த இயக்குநர் இங்மர் பெர்க்மன் மறைவு!
நவீன சினிமாவின் தூண்களிலொருவர்!

சுவீடன் நாட்டைச் சேர்ந்த இயக்குர் இங்மர் பெர்க்மன் திங்கள் (ஜூலை 30, 2007) அன்று ஸ்வீடனின் ஃபாரோ நகரிலுள்ள தனது இல்லத்தில் காலமானதாக சி.என்.என் செய்தி ஸ்தாபனம் அவரது மகளான ஈவா பெர்க்மன் சுவீடனைச் சேர்ந்த செய்தி ஸ்தாபனமான 'டிடி'க்கு அளித்த தகவலை ஆதாரமாகக் கொண்டு செய்தி வெளியிட்டுள்ளது. 1955இல் வெளிவந்த 'கோடைக்காலத்து இரவின் புன்முறுவல்' ("Smiles of a Summer Night") என்னும் காதலும் நகைச்சுவையும் கலந்த திரைப்படத்துடன் சர்வதேசக் கவனத்தைப் பெற்ற பெர்கமன் சுமார் ஐம்பதுக்கும் அதிகமான திரைப்படங்களை இயக்கியவர். 89 வயதான இயக்குநர் இங்மர் பெர்க்மன் நவீன சினிமாவின் முக்கியமான மூவர்களிலொருவராவார். ஏனையவர்கள் ஜப்பானிய இயக்குநர் அகிரோ குரோசாவா மற்றும் இத்தாலிய இயக்குநரான ஃபெட்ரிகோ ஃபெலினி (Federico Fellini) ஆகியோராவர். மிகவும் சிந்தனைக்குரிய பிளேக், மனப்பிறழ்வு போன்ற சிக்கலான விடயங்களை மையமாகக் கொண்டு தரமான திரைப்படங்களை இயக்கியவரிவர். சினிமா மட்டுமின்றி நவீன் நாடகத்துறையிலும் காத்திரமான பங்களிப்பு செய்தவர். நாற்பதுகளின் இடைக்காலத்திலிருந்து நாடகத்துறையிலும் இடையறாது பங்களிப்புச் செய்து வந்தவர். இவரது மறைவு குறித்துக் அசோஸியஸ் செய்தித் தாபனத்துக்குக் கருத்து வெளியிட்ட பெர்கமன் அறக்கட்டளைத் தலைவரான அஸ்ட்ரிட் சொடர்பெர்க இவரது மறைவானது சுவீடனுக்கும், அதிகமாக சர்வதேசத்துக்கும் நம்பமுடியாத இழப்பாகுமென்று கூறியிருக்கின்றார். இம்மாதப் பதிவுகள் இதழில் எழுத்தாளர் சுப்ரபாரதிமணியனின் இங்மர் பெர்க்மன் பற்றிய 'நேருக்கு நேர்' கட்டுரை வெளிவந்திருக்கும் இச்சமயத்தில் இவரது மறைவுச் செய்தி எம்மை எட்டியுள்ளது. மேற்படி இங்மர் பெர்க்மன் பற்றிய அறிமுகக் கட்டுரையே அவர் பற்றிய அஞ்சலிக் கட்டுரையாகவும் ஆகிப்போனது காலத்தின் விசித்திரங்களிலொன்று.