மணமக்கள்!

முன்னாள் அமெரிக்கத் துணை ஜனாதிபதியான அல்கோருக்கு இந்த ஆண்டுக்கான உலக சமாதானத்துக்கான நோபல் பரிசு வழங்கப்படவுள்ளதாக அறிவிக்கப்பட்டுள்ளது. பருவநிலை மற்றும் சுற்றுச் சூழல் மாற்றங்கள், அதன் பாதிப்புகள் பற்றி அல் கோர் ஆற்றி வரும் சேவையினைக் கெளரவிக்கும் முகமாகவே அவருக்கு இந்த விருது வழங்கப்படவுள்ளது. மேற்படி சமாதானத்துக்கான இவ்வாண்டுக்கான நோபல் பரிசு ஐக்கிய நாடுகள் சபையின் பருவ நிலை மாற்றம் சம்பந்தமான அரசுகளுக்கிடையிலான குழுவுக்கும் (Intergovernmental Panel on Climate Change: IPCC) வழங்கப்படவுள்ளதாக அறிவிக்கப்பட்டுள்ளது. மேலும் அல் கோரை இவ்வுலகின் முன்னணிச் சுற்றுச் சூழலியல் அரசியல்வாதியெனவும் நோபல் பரிசுக் குழுவினர் பாராட்டியுள்ளனர்.

மேலும் அல்கோரின் சூழல் பாதுகாப்புக் கொள்கைகளை அடியொட்டிச் சென்ற ஆண்டு வெளியான  விவரணப்படமான 'சங்கடமானதோர் உண்மை' (An Incovenient Truth)  ஆஸ்கார் விருதினைப் பெற்றதும் குறிப்பிடத்தக்கது.