மணமக்கள்!

ஸ்கார்பரோ, கனடா: 24 மணிநேர இசை நிகழ்ச்சி! பெப்ருவரி 16 & 17, 2008!
“அன்பின் பணி - Help for Love”! பாரதி கலைக்கோயில் ஆதரவில் Rouge Valley Centenary Hospitalற்கான நிதி சேகரிப்பு!

பாரதி கலைக்கோயில் பெருமிதத்தோடு முன்னெடுக்கும் “அன்பின் பணி”, 24 மணிநேர இசை நிகழ்ச்சி. நாம்வாழும் இந்த நாட்டிற்கும், சமூகத்திற்கும் நன்றி உணர்வோடு நமது குழந்தைகளும், பெற்றோரும், மற்றவர்களும் முன்வந்து ஏற்பாடு செய்திருக்கும் “அன்பின் பணி” என்ற அறப்பணிச் சேவைக்கு உங்கள் அன்புக் கரங்களையும் நாடுகிறோம். பாரதி கலைக்கோயிலின் இசைக்குழு, சிறப்பான இளம் இசைக் கலைஞர்களைக் கொண்டு உருவாக்கப்பட்டதென்பது நீங்கள் அறிந்ததே. இவ்விளம் இசைக் கலைஞர்கள், தொடர்ச்சியான 24 மணிநேர இசை நிகழ்ச்சி ஒன்றினை நடாத்தி சாதனை படைக்கவிருக்கிறார்கள். இதன் மூலம் சேர்க்கப் படுகின்ற நன்கொடை யாவும் Rouge Valley Centenary hospital (Neilson & Ellesmere )இற்கு வழங்கப்படவிருக்கிறது.

இந்த நிகழ்வின் மூலம் மற்றைய சமூகத்தினர், எமது சமூகத்தின் சிறப்பம்சங்களையும், தரத்தினையும் உணர்ந்து கொள்ள ஒரு வாய்ப்பாக அமைகிறது. எம் இளம் சமுதாயத்தின் இந்த ஈடுபாடு எம்மிடையே மட்டுமல்லாமல் உலகெங்கும் வாழும் மக்களாலும், அரசினாலும் பாராட்டப்படவுள்ளது என்பதை எண்ணி நாங்கள் அனைவருமே பெருமிதம் கொள்ள வேண்டும்.

24 மணிநேர இசை நிகழ்ச்சிக்கு அனுமதி இலவசம். பெப்ரவரி 16ம் திகதி மதியம் 12 மணிக்கு ஆரம்பமாகி 17ம் திகதி மதியம் 12 மணிக்கு நிறைவுபெறும். நீங்கள் கொடுக்கும் நன்கொடை $20 க்கு மேற்பட்டதாயின், அதற்குரிய வரிப்பற்றுச்சீட்டினை, தபால் மூலம் Rouge Valley Health System உங்களுக்கு அனுப்பிவைக்கும்.

இடம் - 635 Middlefield Ave. Scarborough (Middlefield & Finch) புதிதாக அமைக்கப் பட்டிருக்கும் ஐயப்பன் கலை மண்டபம்.

தகவல்: கே.எஸ்.பாலச்சந்திரன்
bala29@hotmail.com