- ஆத்திசூடி மக்கள் ஒன்றியம் நடாத்திய தைப்பொங்கல் விழாவில் தோன்றிய பாரதியாரும் ஒரு பைந்தமிழ் நிருபரும்...! கலைவேந்தன் கணபதி ரவீந்திரன் பாரதியார் வேடமிட்டு நடந்த கலைநிகழ்வு அனைவரையும் கவரும் படியாக இருந்தது. பாரதியார் தான் பாடிய பாடல்களை முன்மொழிந்து பாட, அவரைக் கேள்வி கேட்பதுபோல் தீவகம் வே. இராசலிங்கம் சுப்ரமணிய பாரதியாரை வரவேற்றுப் பாடிய பாடல் இதுவாகும். -
பாரதி வருக எங்கள்
பாவலா வருக பாட்டுச்
சாரதி வருக முந்தைச்
சந்ததி வருக தையின்
சூரனே வருக சொல்லின்
செல்வனே வருக வாழும்
வீரனே வருக என்றும்
வீழ்ந்திடாய் வருக வாராய்!
காந்தனே வருக வெற்புக்
கவிஞனே வருக எங்கள்
பூங்கவி வருக் வேகப்
புலவனே வருக தேனார்
மாங்கவி வருக் பெண்ணை
மதிப்பவா வருக எங்கள்
பூம்பனிக் கனடா நாட்டில்
பேரருங் கவியே வருக!
குயிலொடுங் காதல் ஆயர்க்
கோதையுங் காதல் வண்ண
மயிலொடுங் காதல் மண்ணின்
மலையிலுங் காதல் பச்சைப்
பயிரொடுங் காதல் பண்ணார்
பாட்டுடன் காதல் நஞ்சை
வயலொடுங் காதல் வாஞ்சை
வாலிபக் கவிஞா வாராய்!
சாதிகள் இல்லை யார்க்கும்
சரிநிகர் வார்ப்பின் எல்லை!
வீதிகள்; சிறுவர் முல்லை!
விலங்;குகள் அனைத்தும் பிள்ளை!
ஆதியும் தந்தை தாயும்
அன்பிடுங் கவியின் கொள்கை!
நீதியும் மதமும் யாதும்
நிகரெனும் புலவா வாராய்!
பாப்பாப் பாட்டுப் பாடியவா
பாரின் விடியல் பாடியவா
நாப்பொய் யாளர் பாடியவா
நடிப்புச் சுதேசி பாடியவா
தோப்புந் தென்னை பாடியவா
தேருந் தமிழைப் பாடியவா
மாப்பண் குழந்தைத் தாலாட்டை
மகனே நீயேன் பாடவில்லை?
பெண்மையை உயர்த்திப் பாடி
பெண்களை அம்மா என்கப்
பண்புடன் கவிதை தந்து
பக்குவம் சொன்ன வேந்தன்
எந்தையும் தாயும் என்று
எந்தையை முதலிற் சொல்லிப்
பெண்மயம் பின்னே வைத்துப்
புகன்றது ஏனோ? சுப்பா!
வறுமையில் உழன்றாய் செல்லம்
வடித்ததோர் சோறுஞ் சிட்டுக்
குருவிக்குக் கொடுத்தாய் இஸ்லாம்
கூட்டத்தை வீட்டில் வைத்துப்
பெருமைக்கு அன்ன மிட்டாய்!
பேசடா சுப்பா உன்றன்
தருங்கவி ஊற்றோ எந்தத்
தடையிலா வண்ணம் ஏதோ?
காட்டமாய் யானுங் கேட்கக்
கலைவேந்தன் பார திக்காய்
போட்டதோர் சால்வை வேடம்
பொல்லொடும் மேடை வந்தார்!
மீட்டிடத் தையின் பொங்கல்
மேவிடும் ஆத்தி சூடி
நாட்டொடுங் கனடா மன்றில்
நயத்தையே நாமுங் கண்டோம்!
இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
Sidebar
பதிவுகளில் தேடுக!
பதிவுகள் -Off Canavas
கட்டுரைகள்
அண்மையில் வெளியானவை
- இலக்கியவெளி நடத்தும் இணையவழிக் கலந்துரையாடல் - அரங்கு 37 : “நூல்களைப் பேசுவோம்”
- ரொறன்ரோ தமிழ்ச் சங்கம் நடத்தும் இணையவழிக் கலந்துரையாடல் - “வைணவத் தமிழிலக்கியம்”
- கனடாவில் செல்வி அதிசாவின் சலங்கைப்பூசை - குரு அரவிந்தன் -
- ரொறன்ரோவில் நூல்களின் சங்கமம் - குரு அரவிந்தன் -
- தொடர் நாவல்: பேய்த்தேர்ப் பாகன் (5) - வ.ந.கிரிதரன்-
- நியூசிலாந்து ஊடகத்திற்கு எழுத்தாளர் முருகபூபதி வழங்கிய நேர்காணல். நேர்கண்டவர்: நியூசிலாந்திலிருந்து எழுத்தாளர் சிற்சபேசன்
- பேர்த் மாநகரில் நூல் வெளியீடு! - ஐங்கரன் விக்னேஸ்வரா -
- நூல் மதிப்பீடு: முருகபூபதியின் 'இலங்கையில் பாரதி' - நடேசன் -
- நூல் அறிமுகம்: அருந்ததி ராயின் ‘பெருமகிழ்வின் பேரவை’ நாவல் குறித்து… - தேவகாந்தன் -
- தொடர் நாவல்: பேய்த்தேர்ப் பாகன் (4) - வ.ந.கிரிதரன்-
- எழுத்தாளர்களின் ஓவியங்கள் கண்காட்சி - சுப்ரபாரதிமணியன் -
- கனடாவில் சூரியனைத் தேடிய பயணம் - குரு அரவிந்தன் -
விளம்பரம் செய்யுங்கள்
வ.ந.கிரிதரனின் 'அமெரிக்கா' கிண்டில் பதிப்பு!
வ.ந.கிரிதரனின் 'அமெரிக்கா' (திருத்திய பதிப்பு) கிண்டில் மின்னூலாக:
நண்பர்களே! 'அமெரிக்கா' நாவலின் திருத்திய பதிப்பு தற்போது கிண்டில் பதிப்பாக மின்னூல் வடிவில் வெளியாகியுள்ளது. இலங்கைத் தமிழ் அகதியொருவனின் அமெரிக்கத் தடுப்பு முகாம் வாழ்வை விபரிக்கும் நாவல். தாயகம் '(கனடா) பத்திரிகையில் தொடராக வெளியான சிறு நாவல். அமெரிக்கத் தடுப்பு முகாம் வாழ்வை விபரிக்கும் ஒரேயொரு தமிழ் நாவலிது. அவ்வகையில் முக்கியத்துவம் மிக்கது.எனது (வ.ந.கிரிதரனின்) 'மண்ணின் குரல்', 'வன்னி மண்' , 'கணங்களும் குணங்களும்' ஆகியவையும், சிறுகதைகள் மற்றும் கட்டுரைகளும் கிண்டில் பதிப்பாக மின்னூல் வடிவில் வெளிவரவுள்ளன என்பதையும் மகிழ்ச்சியுடன் அறியத்தருகின்றேன்.
மின்னூலினை வாங்க: https://www.amazon.ca/dp/B08T7TLDRW
நான் எழுதிய சிறுகதைகளில், புகலிட அனுபங்களை மையமாக வைத்து எழுதப்பட்ட 23 சிறுகதைகளை இங்கு தொகுத்துத்தந்துள்ளேன். இச்சிறுகதைகள் குடிவரவாளர்களின் பல்வகை புகலிட அனுபவங்களை விபரிக்கின்றனந் -வ.ந.கிரிதரன் -
மின்னூலை வாங்க: https://www.amazon.ca/dp/B08T93DTW8
இந்நாவல் கனடாவிலிருந்து வெளிவந்த 'தாயகம்' பத்திரிகையில் தொண்ணூறுகளின் ஆரம்பத்தில் 'அருச்சுனனின் தேடலும் அகலிகையின் காதலும்' என்னும் பெயரில் தொடராக வெளிவந்த நாவல். பின்னர் குமரன் பப்ளிஷர்ஸ் வெளியீடாக வந்த 'மண்ணின் குரல்' தொகுப்பிலும் வெளிவந்திருந்தது. இப்பொழுது ஒரு பதிவுக்காக, ஒரு சில திருத்தங்களுடன் வெளியாகின்றது. இலங்கைத் தமிழர்களின் போராட்டத்தவறுகளை, இயக்கங்களுக்கிடையில் நிலவிய அக, புற முரண்பாடுகளை கேள்விக்குள்ளாக்குகின்றது.
மின்னூலை வாங்க: https://www.amazon.ca/dp/B08T7XXM4R