'இணையத்தமிழ் : இணைய இதழ், வலைப்பூ, மின்னூல் மற்றும் சமூக வலைத்தளம் பற்றியதொரு பார்வை'

E-mail Print PDF

- 25.07.2015 அன்று 'டொராண்டோ' தமிழ்ச்சங்கத்தில் நடைபெற்ற 'கணினித்தமிழ் வரலாறும், வளர்ச்சியும்'  என்ற  நிகழ்வில் 'இணையத்தமிழ் : இணைய இதழ், வலைப்பூ, மின்னூல் மற்றும் சமூக வலைத்தளம் பற்றியதொரு பார்வை' என்னும் தலைப்பில் ஆற்றிய உரையிது. சுருக்கமாக மேற்கூறிய விடயங்களை ஆராய்கிறது. நிகழ்வில் நேரம் காரணமாகச்சில விடயங்களை முழுமையாக வாசிக்க முடியவில்லை. வாசித்த கட்டுரையின் முழு வடிவம் இங்கு ஒரு பதிவுக்காக பிரசுரமாகின்றது. - வ.ந.கி -

வாசிப்பும், யோசிப்பும் - வ.ந.கிரிதரன்

கணித்தமிழ், கணினித்தமிழ், இணையத்தமிழ் என்று பல்வேறு சொற்தொடர்களால அழைக்கப்பட்டாலும் இச்சொற்தொடர்களெல்லாம் ஒரு பொருளையே சுட்டுகின்றன. கடந்த இருபது வருடங்களில் இணையத்தமிழ் பல்வேறு துறைகளிலும் காத்திரமாகக்கால்பதித்து ஆரோக்கியமாக வளர்ந்துள்ளது. இணையத்தமிழின் வளர்ச்சி நம்பிக்கையூட்டுவது. மகிழ்ச்சியினைத்தருவது. ஆனால் , இணையத்தின் சகல ஆரோக்கியமான அம்சங்கள் பலவற்றை கலை, இலக்கியத்துறையிலுள்ளவர்கள் அனைவரும் முறையாகப் பாவிக்கின்றார்களா? பாவித்துப் பயனடைகின்றார்களா? என்று பார்த்தால் கிடைக்கின்ற பதில் ஏமாற்றமே. இங்குள்ள எத்தனை பேர் வலைப்பூக்களை வைத்திருக்கின்றீர்கள்? எத்தனைபேர் மின்னூல்களைப் பதிப்பித்திருக்கின்றீர்கள்? எத்தனைபேர் இணைய இதழ்களில் எழுதுகின்றீர்கள்? எத்தனைபேர் இணைய இதழ்களை நடாத்துகின்றீர்கள்? இன்று கூட இணையத்தில் தமிழில் எழுதத்தெரியாதவர்கள் பலர் இருக்கின்றார்கள். பாமினி எழுத்துருவில் எழுதியதை ஒருங்குகுறி எழுத்துக்கு மாற்றத்தெரியாதவர்கள் இருக்கின்றார்கள்? இன்று விண்டோஸ் போன்ற 'ஒபரேட்டிங் சிஸ்டம்' எல்லாம் ஒருங்குறியை மையமாகக்கொண்டே இயங்குகின்றன. இருந்தும் MSWord போன்ற விண்டோஸ் அப்ளிகேசன்களில் தமிழில் எழுத எத்தனை பேருக்குத்தெரியும்? இணையத்தில் பலருக்குத் தமிழ்ப்பாட்டுகளைக் கேட்பதும், முகநூலில் புகைப்படங்களை இடுவதும் போன்ற செயற்பாடுகளுடன் பொழுது முடிந்துவிடுகின்றது. இதற்கு முக்கிய காரணம் இணையத்தொழில்நுட்பம் வழங்கும் பயன்கள் பற்றிய பூரண அறிவில்லாமலிருப்பதும், அவற்றை எவ்விதம் பாவிப்பது என்பதுபற்றிய தெளிவில்லாமலிருப்பதும்தான் என்று கருதுகின்றேன்.

கடந்த பல வருடங்களாக தமிழகம், மலேசியா சிங்கப்பூர் போன்ற நாடுகளில் பல கணினித்தமிழ் பற்றிய ஆய்வரங்குகள் பல நடைபெற்றிருக்கின்றன. கலந்துரையாடல்கள், கருத்தரங்குகள் பல நடைபெற்றிருக்கின்றன. அந்த வகையில் 'டொராண்டோத்தமிழ்ச்சங்கத்தினர்' நடாத்தும் இந்தக்கருத்தரங்கும் முக்கியமானதோர் ஆரம்பம். மாதாமாதம் இதுபோன்று பல்துறைகளில் கருத்தரங்குகள் நடாத்தி வருவதன் மூலம் ஆரோக்கியமான செயற்பாட்டினைச்செய்துவரும் டொராண்டோத்தமிழ்ச்சங்கத்தினருக்கு எனது பாராட்டுகளைத்தெரிவித்துக்கொள்கின்றேன்.

இணையத்தமிழ் பற்றிச் சுருக்கமான அறிமுகத்தைத்தருவதும், அவற்றைப்பாவித்து பயன்களை எவ்விதம் அடைவது என்பது பற்றியும், இணையத்தமிழின் வளர்ச்சிக்காக இணையத்தொழில் நுட்பம பற்றிய அறிவினை மேலும் எவ்விதம் அதிகரிப்பது என்பது பற்றியும் பார்ப்பதே இக்கட்டுரையின் முக்கியமான நோக்கம்.

இணையத்தமிழ் பற்றிய சுருக்கமான அறிமுகம்.

இணையத்தமிழ் பற்றிக்குறிப்பிடும் முனைவர் மு.பழனியப்பன் "ஆயிரத்துத் தொள்ளாயிரத்து எண்பதாம் ஆண்டு முதல் கணினியில் தமிழ் இடம் பெற ஆரம்பித்தது. ஆயிரத்துத் தொள்ளாயிரத்து தொண்ணூற்று ஐந்தாம் ஆண்டு முதல் தமிழ் இணையத்தில் உலாவர ஆரம்பித்தது. இணையத்தில் தமிழ் இடம் பெற்று ஏறக்குறைய பதினைந்து ஆண்டுகள் ஆகிவிட்ட இந்த சூழலில் அதன் வளர்ச்சி குறிக்கத்தக்க இடத்தைப் பெற்றுள்ளது. பத்து ஆண்டுகளுக்கு முன்னர் வரை கணினி அல்லது இணையம் தமிழை வளர்க்க ஒரு துணை கருவியாகப் பயன்பட்டு வந்தது. ஆனால் தற்போது கணினித் தமிழே தனித் துறையாக வளர்ந்து வருகிறது. ஆங்கில வழியாகக் கற்ற கணினித் தொழில் நுட்ப வல்லுநர்கள் மெல்லத் தமிழில் நுழைந்து தொழில் நுட்பங்களைத் தமிழ்ப் படுத்தித் தமிழ இணையத்தை வலுப் பெறச் செய்து வருகின்றனர்" என்பார்.

இணையத்தில் தமிழினால் அதாவது இணையத்தமிழினால் ஏற்படும் முக்கியமான நன்மை பற்றிக்குறிப்பிடும் அவர் "கல்வெட்டுக்களிலும், ஓலையிலும், காகிதத்திலும் உலா வந்த தமிழ தற்போது வலையேறி இணையத்தில் இணைந்துள்ளது. இதன் காரணமாக வெள்ளத்தில் அழியாமல், வெந்தணலில் வேகாமல், கள்வரால் கொள்ளப்படாமல் காக்கின்ற நிலைபெற்ற தன்மைக்குத் தமிழ் வந்துவிட்டது." என்பார்.

இணையத்தின் முக்கியமான அம்சங்களாக தேடுபொறிகள், நூலகங்கள், கலைக்களஞ்சியங்கள், இணைய இதழ்கள், மின்னூல்கள், சமூக ஊடகங்கள் மற்றும் வலைப்பூக்கள் ஆகியவற்றைக்குறிப்பிடலாம். இவை அனைத்தையும் தமிழ் மொழி மூலம வாசிக்கும் வகையில் தொழில் நுட்பம் வளர்ந்துள்ளது. சுருக்கமாகத்தமிழ் எவ்விதம் இத்தொழில்நுட்பங்களில் நுழைந்து சிறந்து விளங்குகின்றதென்பதைப்பார்ப்போம்.

நூலகங்கள் மற்றும் கலைக்களஞ்சியங்கள்!

இணையத்தொழில்நுட்பத்தின் வாயிலாக இணையத்தில் தமிழ் நூலகங்கள் , கலைக்களஞ்சியங்கள் போன்றவை விளங்குகின்றன. தமிழகத்தமிழர்கள், மற்றும் உலகின் பல பாகங்களிலும் வாழும் தமிழர்கள் எனப்பலராலும் இவ்வகையான நூலகங்கள் அமைக்கப்பட்டுள்ளன. இவ்வகையான நூலகங்களுக்கு ஆக்கங்களைத் தட்டச்சு செய்து அவற்றை நூல்களாக்கிப்பதிவேற்றுவதென்பது மிகவும் நேரத்தை எடுத்துக்கொள்ளும் பணி. பல தன்னார்வத்தொண்டர்களின் சேவையினால் இப்பணி சாத்தியமாகியுள்ளது.

இவ்வகையான நூலகங்களினால் என்ன பயன் என்று பார்த்தால் முக்கியமான பயன்களாகப் பின்வருவனற்றைக் கூறலாம்.

* சங்க காலத்து இலக்கியங்கள் தொடக்கம், தற்கால இலக்கியப்படைப்புகள் வரையில் நூல்களை அதிக அளவில் இவ்வகையான நூலகங்களில் சேகரித்து வைக்க முடியும். இவ்வளவு நூல்களையும் வீடுகளில் சேர்த்து வைப்பதென்பது மிகுந்த இடத்தை அடைத்துக்கொள்ளுமென்பதால் பலருக்குச் சாத்தியமாகாத விடயமது. மேலும் இந்நூல்கள் அனைத்தையும் வாங்கி வைப்பதென்றால் மிகவும் செலவான விடயமது. ஆனால் இந்நூல்களை ஆயிரக்கணக்கில் மிகவும் இலகுவாக இணையத்தில் சேகரித்து வைக்க முடியும். இதனால் அச்சு நூல்களைப் பாவிக்கும் நிலை குறைவடைகின்றது. இது சூழலுக்குத் தொலை நோக்கில் மிகுந்த பயனுள்ளது.

*  இந்நூலகங்கள் வாயிலாக வருடத்தில் எந்த நாளிலென்றாலும், எந்த நேரத்திலென்றாலும் இங்கு காணப்படும் நூல்கள், சஞ்சிகைகளை வாசிக்க முடியும். பொதுவாக நூலகங்களை ஒரு குறிப்பிட்ட நேரத்தில் மட்டுமே பாவிக்க முடியும்.

* கலை, இலக்கியம் பற்றிய பல்வேறு ஆய்வுகளுக்கு இந்நூலகங்கள் மிகுந்த உதவியாக இருக்கின்றன. உதாரணமாக நூலகம் மற்றும் படிப்பகம் ஆகிய இணைய நூலகங்களில் மல்லிகை, சிரித்திரன், கலைச்செல்வி, மல்லிகை, தாயகம் (கனடா), தேடல் (கனடா), வைகறை (கனடா), சுவடுகள் (நோர்வே), உயிர்நிழல் (பிரான்சு) , ழகரம் (கனடா) போன்ற பல சஞ்சிகைகளைச் சேகரித்து வைத்திருக்கின்றார்கள். ஈழத்தமிழர்களின் (புலம் பெயர்ந்த தமிழர்களையும் உள்ளடக்கி) படைப்புகள் (புனைவுகள், அபுனைவுகள்)  பல இந்நூலகங்களில் சேகரித்து வைக்கப்பட்டுள்ளன.

* மின் நூலகங்களை அமைப்பதற்குச் செலவு அதிகமில்லை. இணையத்தளமொன்றினை உருவாக்கி இயக்குவதற்குரிய சேவையினை  இணைய சேவை வழங்குநர் ஒருவரிடமிருந்து இலவசமாக அல்லது மிகவும் குறைந்த செலவில் பெற்றுக்கொள்ள முடியும். இணையப்பக்கங்களை அமைப்பதற்குரிய தொழில்நுட்ப நிபுணர்களின் உதவியினைப் பெரும்பாலும் தன்னார்வத்தொண்டு அடிப்படையில் பெற்று நூலகங்களை அமைத்துக்கொள்ள முடியும்.

* இவ்விதமான நூலகங்களின் சேவையினை இலட்சக்கணக்கான மக்கள் உலகின் பல பாகங்களிலிருந்தும் பெற்றுக்கொள்ள முடியும்.

இதுபோன்ற பல காரணங்களைக் கூற முடியும். உதாரணத்துக்குச் சில முக்கியமான நூலகத்தளங்களைப் பார்ப்போம்.

* மதுரை தமிழ் இலக்கிய மின் தொகுப்புத் திட்டம் (Project Madurai) | இதற்குரிய இணையத்தள முகவரி: http://www.projectmadurai.org/

இத்திட்டம் பற்றி இத்தளத்தில் குறிப்பிடப்பட்டுள்ள அறிமுகத்தின்படி 1998இல் ஆரம்பிக்கப்பட்ட இத்திட்டம் எந்தவித அரசாங்க மற்றும் தனியார் நிறுவன உதவியின்றி , வியாபார நோக்கற்று , தன்னார்வத்தொண்டர்களின் சேவையினால் உருவாகிப்பராமரிக்கப்பட்டுவரும் திட்டம் என்று கூறப்பட்டுள்ளது.

ஆரம்ப காலத்தில் இணைமதி, மயிலை தமிழ் எழுத்துகள் பாவிக்கப்பட்டு மின்பதிப்புகள் உருவாக்கப்பட்டாலும் 1999ஆம் ஆண்டிலிருந்து தமிழ் தகுதர  அதாவது 'திஸ்கி' (TSCII - Tamil Script Code for Information Interchange) எனப்படும் எழுத்துருகொண்டு உருவாக்கப்பட்ட மின்பதிப்புகளும், 2003ஆம் ஆண்டிலிருந்து ஒருங்குக்குறி (Unicode) எழுத்துருகொண்ட மின்பதிப்புகளும் வெளியிடப்பட்டு வருகின்றன.

இத்திட்டதிலுள்ள மின்பதிப்புகள் இணையப்பக்க வடிவிலும் (HTML Format), PDF வடிவிலும் காணப்படுகின்றன.  இவற்றை நீங்கள் இணையத்திலேயே வாசித்துக்கொள்ளலாம் அல்லது உங்கள் கணினிகளுக்குப் பதிவிறக்கிச் சேமித்துத் தேவையானபோது வாசித்துக்கொள்ளலாம்.

இத்திட்டத்தில் காணப்படும் நூல்களில் சில: திருக்குறள், அவ்வையார் நூல்கள், திருவாசகம் போன்ற சமய நூல்கள், நளவெண்பா, பாரதியார் பாடல்கள், சிலப்பதிகாரம், புறநானூறு, இருபதாம் நூற்றாண்டு ஈழத்தமிழ் இலக்கியம், கல்கியின் பொன்னியின் செல்வன், சிவகாமியின் சபதம், பார்த்திபன் கனவு, ஜெயகாந்தனின் சிறுகதைத்தொகுதிகள் மூன்று, கம்பராமாயணம், நா.பார்த்தசாரதி நாவல்கள் (பாண்டிமாதேவி, சமுதாய வீதி இவ்விதம் 512 நூல்கள் பதிவேற்றம் செய்யப்பட்டிருக்கின்றன.

* சென்னைநூலகம்.காம் | இதற்குரிய இணையத்தள முகவரி: http://www.chennailibrary.com/index.html
2006 செப்டம்பர் 25 ஆரம்பமாகிய இந்நூலகம் தமிழ் நூல்களை முற்றிலும் இலவசமாக வழங்குவதற்காக உருவாக்கப்பட்ட அமைப்பாகும். கோ.சந்திரசேகரனால் நடாத்தப்பட்டுவரும் இந்நூலகத்தின் ஆரம்பக்காலகட்டத்தில் ஆலோசனைகள் கூறி உதவிய தேன்கூடு நிறுவனரான திரு.சாகரன் அவர்களின் பங்களிப்பு முக்கியமானதென்பதைத தளம் பற்றிய அறிமுகத்தில் குறிப்பிடடப்பட்டுள்ளது. 2009ஆம் ஆண்டிலிருந்து இத்தளமானது  "கௌதம் வெப் சர்வீசஸ்" (Gowtham Web Services) நிர்வாகத்தின் கீழ் இயங்கி வருகின்றதென்றும் குறிப்பிடப்பட்டுள்ளது.

இத்தளத்தில் பழந்தமிழ் இலக்கியங்கள் (எட்டுத்தொகை, பத்துப்பாட்டு, பதினெண் கீழ்க்கணக்கு, ஐம்பெருங்காப்பியங்கள், ஐஞ்சிறு காப்பியங்கள், சைவ சித்தாந்த நூல்கள், இலக்கண நூல்கள், கம்பராமாயணம் போன்ற்) தொடக்கம் தற்கால இலக்கியப்படைப்புகள் வரை (ராஜம் கிருஷ்ணன் படைப்புகள், நா.பார்த்தசாரதி, சு.சமுத்திரம், புதுமைப்பித்தன், கல்கி, அறிஞர் அண்ணா, ந.பிச்சமூர்த்தி போன்றோரின் பல படைப்புகள்) இத்தளத்தில் இலவசமாக வாசிக்க முடியும். பதிவிறக்கிக்கொள்ள முடியும். அதே சமயம் இந்நூலகத்தில் உறுப்பினர்களாகச் சேருவதன் மூலம் இந்நூலகத்தின் அனைத்து மின்னூல்களையும் இலவசமாகப்பதிவிறக்கிக்கொள்ள முடியும். அத்துடன் கெளதம் பதிப்பக வெளியீடுகளை 20% தள்ளுபடி விலையில் பெற்றுக்கொள்ளவும் முடியும். உறுப்பினர்களிலும் பல்வேறு வகையான பிரிவுகள், ( அடிப்படை உறுப்பினர் / சிறப்பு உறுப்பினர் / கெளரவ உறுப்பினர் ) உண்டு.

இத்தளத்தில் தேடுதலுக்காக தேடுபொறி வசதியும் அமைக்கப்பட்டுள்ளது.

* முக்கியமான இன்னுமொரு தளம் தமிழ் இணையக்கல்விக்கழகம் ஆகும். முன்னர் தமிழ் இணையப்பல்கலைக்கழகம் என்றழைக்கப்பட்ட தளம்தான் இன்று இவ்விதம் மாறியுள்ளது.

இத்தளத்தின் நூலகத்தில் நூல்கள்,அகராதிகள், கலைச்சொற்கள், சுவடிகள், நிகண்டுகள், சுவடிக்காட்சியகம், பண்பாட்டுக்காட்சியகம் என்ற பிரிவுகளுண்டு. இத்தளத்தில் தேடுபொறி வசதியுமுண்டு.

நூல்களைப்பொறுத்தவரையில் இலக்கணம், சங்க இலக்கியம், காப்பியங்கள், இருபதாம் நூற்றாண்டு கவிதைகள் / உரைநடைகள், நாட்டுப்புற இலக்கியங்கள், சிறுவர் இலக்கியங்கள், சமய இலக்கியங்கள், சிற்றிலக்கியங்கள், மற்றும் அகராதிகள், நிகண்டுகள் போன்ற பிரிவுகளில் நூற்றுக்கணக்கில் நூல்களூள்ளன. இது தவிர பல்வேறு வகையான கற்கை நெறிகளில் கல்வி கற்றும் பட்டங்கள் பெறும் வசதிகளையும் கொண்டது. இத்தளத்தின் இணையத்தள முகவரி:  http://www.tamilvu.org/

இவை தவிர மேலும் முக்கியமான இரு தளங்கள் ஈழத்தமிழர்களால் நடாத்தப்பட்டு வருவது. நூலகம் ( http://www.noolaham.org ) , படிப்பகம் ஆகிய இணைய நூலகங்கள் ஆகும். நூலகம் தளத்தின் இணையத்தள முகவரி: http://www.noolaham.org  இத்தளத்தில் நூல்கள், சஞ்சிகைகள், பத்திரிகைகள், பிரசுரங்கள் ஆகியன எழுத்தாளர்கள், பதிப்பாளர்கள், வெளியிட்ட ஆண்டு ஆகிய பகுப்புகளில் பிரித்து வெளியிட்டுள்ளார்கள். மேலும் தளத்திலுள்ள விடயங்களை மலையக ஆவணகம், முஸ்லீம் ஆவணகம், இதழகம், வாசிகசாலை, சுவடியகம், நிறுவனங்கள், ஆளுமைகள் போன்ற பல உபபிரிவுகளில் இலகுவாகப்பெறும் வசதியினையும் செய்துள்ளார்கள். தளத்தின் செயற்பாடுகளுக்குப் பல்வேறு வழிகளில் உதவிய தன்னார்வத்தொண்டர்கள் பற்றிய விபரங்களையும் தொகுத்து வெளியிட்டுள்ளார்கள். ஈழத்து எழுத்தாளர்களின் படைப்புகள், வெளிவந்த சஞ்சிகைகள் போன்றவற்றை இந்நூலகத்தில் வாசிக்கலாம். எழுத்தாளர்கள் தங்கள் படைப்புகளையும் அனுப்பி வைக்கலாம். தங்கள் தளத்தின் நோக்கம் "நூலகத் திட்டம்: இலங்கைத் தமிழ் எழுத்தாவணங்களை மின்வடிவாக்கிப் பாதுகாத்து அவற்றை எவரும் எப்போதும் இணையத்தில் இலகுவாகப் பெற்றுப் படிப்பதற்கு ஏற்றவண்ணம் வெளியிடும் ஓர் இலாப நோக்கற்ற தன்னார்வக் கூட்டு முயற்சி." என்று குறிப்பிடும் நூலகக்குழுவினரின் சேவை பாராட்டுதற்குரியது.

இது போன்ற இன்னுமொரு நூலகம்தான் 'படிப்பகம்" இணையத்தளமும் ஆகும். இதன் இணையத்தள முகவரி: http://padippakam.com/  இப்படிப்பகத்தில் ஈழத்தமிழர்களின் விடுதலைக்காகப்போராடிய அரசியல் அமைப்புகளின் பிரசுரங்கள், வரலாற்றுப்பதிவுகள், புலம் பெயர் தமிழர்களினால் வெளியிடப்பட்ட சஞ்சிகைகள் பலவற்றின் pdf வடிவப்பிரதிகள், மார்க்சிய நூல்கள், இயக்கங்கள், தமிழ் அரசியல் கட்சிகள் பற்றிய விபரங்கள் என படைப்புகள் பலவற்றை படிக்கலாம்.

இங்கு இன்னுமொருவரின் இணையத்தளத்தினையும் நிச்சயம் பதிவிட வேண்டும். பொள்ளாச்சி நசனின் 'தமிழம்' என்ற தளத்தினைத்தான் கூறுகின்றேன். இணையத்தள முகவரி: http://www.thamizham.net/ 1903 ஆம் ஆண்டிலிருந்து வெளியான சிற்றிதழ்கள் பலவற்றின் பட்டியல்கள், 31,000 வரையில் மின்னூல்கள் (பிடிஃப் கோபபாக) என மேலும் பல அரிய கதவல்களுடன் விளங்கும் தளமிது.

தமிழ் விக்கிபீடியாவும் மறக்கப்பட முடியாத தளங்களிலொன்று. கட்டற்ற கலைக்களஞ்சியமான விக்கிபீடியாவின் தமிழ் வடிவமிது. இதன் இணையத்தள முகவரி:

இவை போன்ற மேலும் பல முக்கியமான இணையத்தளங்கள் இருக்கும்; இருக்கலாம். எல்லாவற்றையும் விரிவாக இங்கு கூற முடியாது. எனக்கு  முக்கியமானவை என்று பட்டவற்றையே இங்கு தந்துள்ளேன்.

இணைய இதழ்கள் மற்றும் வலைப்பூக்கள் பற்றி....

இணைய இதழ்களைப்பற்றிக்குறிப்பிடுகையில் இணையத்தில் மட்டுமே வெளிவரும் இதழ்களூள்ளன; அச்சூடகங்களின் இணையப்பதிப்புகளுமுள்ளன. அவையும் இணையத்தில் வெளிவரும் இதழ்கள்தாம். இருந்தாலும் இணையத்தில் மட்டுமே வெளியாகும் இதழ்களை மட்டுமே இணைய இதழ்கள் என்று அழைக்கும்போக்கு தமிழ் அறிஞர்களிடையே நிலவுகின்றது. சு. துரைக்குமரன் பி.லிட் , எம்.ஏ அவர்களும் 'தமிழ் இணைய இதழ்கள் ஒரு முன்னோட்டம்' என்ற கட்டுரையில் :அச்சு இதழ்களி¢ல் பேர்போன இதழ்களும் தங்கள் இதழ்ப்பகுதிகளை இணையவழியாகத் தந்து வருகின்றன. அவற்றை மீள்பிரசுரம் என்பதாகக் கருத இயலுமே தவிர இணைய இதழ்களாகக் கருதத் தகாது." என்று கூறுவார். இணையத்தில் மட்டுமே வெளிவரும் இதழ்கள்தாம் இணையத்தில் தமிழை முதலில் ஏற்றின. அந்த அடிப்படையிலேயே இணைய இதழ்கள் பற்றி இக்கட்டுரையாளரின் கருத்துமுள்ளது.

இணையத்தொழில்நுட்பம் வெளிவருவதற்கு முன்னர் ஒரு சஞ்சிகையினை வெளிக்கொணர்வது மிகுந்த பொருட் செலவு மிக்கது. அவ்விதம் வெளியாகும் சஞ்சிகைளும் கூட 500 அல்லது 1000 பிரதிகள் வரையில் அல்லது இவற்றிலும் குறைவான எண்ணிக்கையிலேயே அச்சடிக்கப்படுவதும் வழக்கம். இவ்விதம் வெளியாகும் சஞ்சிகைகள் ஒரு குறிப்பிட்ட வட்டத்துக்குள்ளேயே நின்று விடுவது வழக்கம். ஆனால் இணையம் இந்த நிலையினை மாற்றியது. கலை, இலக்கியத்தில் ஆர்வம் மிக்க ஒருவர் , இணையத்தொழில் நுட்பமும் அறிந்திருந்தால் , அத்துடன் நோக்கத்தில் அர்ப்பணிப்பும் இருந்தால் தனித்து ஒருவராலேயே இணைய இதழொன்றினைக் கொண்டுவரமுடியும். அதற்குதாரமாக நான் என்னையே கூறுவேன். 2000ஆம் ஆண்டிலிருந்து 'பதிவுகள்' இணைய இதழ் வெளிவருகின்றது. உலகின் பல பாகங்களிலிருந்தும் பதிவுகள் இணைய இதழுக்குத் தீவிர வாசகர்கள் இருக்கிறார்கள். தமிழகத்தில் அதிகமான வாசகர்களிருக்கிறார்கள். பல படைப்பாளிகளுக்குப் பதிவுகள் களமைத்துக்கொடுக்கிறது. தமிழகப் பல்கலைக்கழகங்களில் பதிவுகள் இணைய இதழுக்கு மிகுந்த மரியாதையும், வரவேற்புமுண்டு. அதனால்தான் பதிவுகள் இணைய இதழுக்குத் தமிழகத்துப் பல்கலைக்கழகங்களிலிருந்து ஆய்வுகள் கட்டுரைகள் அனுப்பப்படுகின்றன. இதனைச் சாதிக்க வைத்தது இணையம்தான். இங்கிருக்கும் நீங்களும் இது போன்ற இணைய இதழ்களை நடத்த முடியும். ஆர்வமிருந்தால், அர்ப்பணிப்புடன் கூடிய உழைப்பிருந்தால் நிச்சயம் மிகவும் இலகுவாக இணைய இதழொன்றினை நடாத்திட முடியும்."

இணைய இதழ்களைப்பற்றி 'இணையத்தமிழின் பரப்பும், பதிவும், பயன்பாடும்' என்னும் கட்டுரையில் முனைவர் பழனியப்பன் பின்வருமாறு குறிப்பிட்டிருப்பார்:

"இணையில்லா இணைய இதழ்கள்: தற்காலத்தில் இணைய இதழ்கள் குறிக்கத்தக்க அளவில் வாசகத் தளத்தைப் பெற்றுவருவது கவனிக்கத்தக்கது. இணையத்தில் மட்டுமே தன் ஆளுமையைச் செலுத்தும் இதழ்களே இணைய இதழ்கள் ஆகும். இவ்வகையில் திண்ணை http://www.thinnai.com,  பதிவுகள்http://www.pathivukal.com, வார்ப்பு http://www.vaarppu.com(கவிதையிதழ்), நிலாச்சாரல்http://www.nillasaral.com, வரலாறு.காம் http://www.varalaaru.com, தமிழ்த்திணை, முத்துக்கமலம் போன்ற பல இதழ்களைக் குறிப்பிடலாம். பல இலட்சங்கள் போட்டு அச்சிதழாகக் கொண்டுவருவதைக் காட்டிலும் இவ்விதழ்கள் வண்ணமயமாக அதிக பணச்செலவின்றி வாசகர்களை எட்டும் நிலையில் சிறந்தனவாகும். மேலும் இவ்விதழ்களில் வந்த ஆக்கங்களை பகுதி பிரித்து வைத்துக் கொள்ள முடியும். மேலும் நாள்படி, ஆசிரியர்படி தேட முடியும் என்பது இன்னுமொரு சிறப்பு. இதனைத் தமிழ் இணைய இதழ்கள் அனைத்தும் கடைபிடித்து வருவது குறிக்கத்தக்கது. உலகத் தமிழர்கள் ஒருங்கு கூடும் இடமாக இந்த இணைய இதழ்கள் விளங்குகின்றன. பிரபலமான எழுத்தாளர்களும் இதில் எழுதி வருவது குறிக்கத்தக்கது."

வலைப்பூக்கள் பற்றிச்சில வார்த்தைகள் .....

இணையத்தளங்களை வடிவமைப்பதற்கு ஒருவருக்கு அவற்றை வடிவமைப்பதற்குரிய தொழில்நுட்ப அறிவு அவசியம்.  HTML , Java script, CSS போன்ற அடிப்படை அறிவு தேவை. தளத்தினை நிறுவிப்பராமரிப்பதற்கு ஒரு 'சேர்வர்' என்னும் கணினி அல்லது அச்சேவையினை வழங்குமொரு நிறுவனத்தின் உதவி தேவை. ஆனால் இவை எதுவுமில்லாமல் ஒருவரால் வாசகர்களுடன் தம் படைப்புகளையும், அவர்களின் பின்னூட்டங்களையும், கால வரிசைப்படி  , பல்வேறு படிம அச்சுகளில் (Templates) இலவசமாக உருவாக்கவும் , அவ்விதம் உருவாக்கிய படைப்புகளை உலகமெங்கும் பரந்து வாழும் ஏனைய வலைப்பதிவாளர்களுடனும், பொதுமக்களுடனும், கலை, இலக்கிய ஆளுமைகளுடனும் பகிர்ந்துகொள்ள முடியும். சில சமயங்களில் இவ்விதமாக உருவாக்கப்படும் இணையத்தளங்களின் மூலம் மேலதிகமாக வருமானமும் பெற்றுக்கொள்ள முடியும். இவ்விதமான தொழில் நுட்பம்தான் வலைப்பதிவுகளாகும். ஆங்லிலத்தில் 'பிளாக்ஸ்' என்பார்கள். Web Blogs என்பதன் சுருங்கிய வடிவம்தான் ''பிளாக்' ஆகும்.

இந்தவிதமான வலைப்பதிவுகள் இணையத்தில் பல்வேறு மொழிகளிலும் மில்லியன் கணக்கிலுள்ளன. இவற்றை உருவாக்குவதற்கு உங்களிடம் சொந்தமாகக்கூடக் கணினி இருக்க வேண்டிய தேவையில்லை. பொதுநூலகங்களில் அல்லது இணையச்சேவை வழங்கும் நிறுவனங்களிலுள்ள கணினிகள் மூலமும் உருவாக்க முடியும்.

வர்த்தகம், இலக்கியம், சினிமா, பெண்ணியம், பங்குச்சந்தை, விளையாட்டு என்று எந்தத்துறையிலும் எண்ணிலடங்கா வலைப்பதிவுகளை இணையப்பரப்பில் காணலாம். கூகுள் போன்ற தேடு பொறியில் தேடுவதன் மூலம் இவற்றைக்கண்டு கொள்ளலாம்.

வலைப்பூக்கள் எண்ணிலடங்காதனவாகவிருப்பதால், இவற்றைத்திரட்டித்தரும் இணையத்தளங்களும், 'தமிழ்மணம்' போன்ற, இருக்கின்றன. இவை திரட்டித்தருவதால் 'திரட்டிகள்' எனவும் அழைக்கப்படுகின்றன. திரட்டி, வலைப்பூக்கள், தமிழ்மணம், தேன்கூடு போன்றவற்றை உதாரணத்துக்குக் கூறலாம்.

இவ்விதமான வலைப்பூக்களை உருவாக்குவதற்குப் பல நிறுவனங்களுள்ளன. இருந்தாலும் முக்கியமான இரு நிறுவனங்களாகப்பின்வரும் நிறுவனங்களைக்கூறலாம்:

1.பிளாக்கர்ஸ்.காம் (http://www.blogger.com)
2.வேர்டுபிரஸ்.காம் (http://www.wordpress.com)

இத்தளங்களில் ஏதாவதொன்றில் அங்கத்தவராக இணைந்து, அத்தளங்கள் வழங்கும் தொழில்நுட்ப உதவிகளைக்கொண்டு நீங்கள் சில நிமிடங்களிலேயே உங்களுக்கான வலைப்பதிவினை உருவாக்கி விடலாம். உங்களுக்கு மட்டுமேயுரிய தனித்துவமான 'டொமைன்' பெயர் வேண்டுமானால் மாதாந்தக் கட்டணத்தில் அவ்விதமான வலைப்பூக்களை அந்நிறுவனங்களினூடு உருவாக்கிக்கொள்ளலாம்.

நடிகர்கள் , எழுத்தாளர்கள் எனச் சமூகத்தின் பல்வேறு ஆளுமைகளில் பலரும் வலைப்பூக்களை வைத்திருக்கின்றார்கள்.

ஆங்கிலத்திலும், தமிழிலும் இது பற்றிய விளக்கங்களுடன் கூடிய நூல்கள் பல உள்ளன. இணையத்திலும் எழுத்து வடிவிலும், யு டியூப் காணிளிகள் வடிவிலும் பல வளங்கள் உள்ளன. இவற்றைப்பயன்படுத்துவதன் மூலம் பயனடையலாம்.

மின்னூல்கள் பற்றி...

மின்னூல்களைப்பொறுத்தவரையில் மின்னூல்களை வாசிப்பதற்குப் பல வகையான கருவிகளுள்ளன. கிண்டில், கோபோ போன்ற பல கருவிகள் சந்தையில் கிடைக்கின்றன. இக்கருவிகளின் மின் மை (E-Ink) திரையில் நூல்களை பக்கங்களைப்புரட்டி, அடிக்கோடிட்டு ஆனந்தமாக வாசிக்கலாம். இவ்வகையான கருவிகளில்  epub, mobi போன்ற கோப்பு வகைகளில் வாசிக்கலாம். அத்துடன் சகலருக்கும் அறிமுகமான pdf  வகைக்கோப்புகளையும் வாசிக்கலாம்.  அமெசன் நிறுவனத்தின் கிண்டில் வகை மின்னூல் வாசிப்புக்கருவிகள் mobi வகையான மின்னூல்களை வாசிப்பதற்கு உகந்தவை. கிண்டில் வாசிப்புக் கருவியால epub வகைக்கோப்புகளை வாசிக்க முடியாது. ஆண்டிராய்ட் கருவிகளில் fbreader மென்பொருள் மூலமும், ஆப்பிள் கருவிகளில் ibook மென்பொருள் மூலமும் மின்னூல்களை வாசிக்க முடியும்.

epub வகை மின்னூல்களை mobi வகை மின்னூல்களாக மாற்றுவதற்குரிய மாற்றிகளுமுள்ளன. calibre என்ற மென்பொருள் இதற்கு உதவுகின்றது.  msword , pdf வகைக்கோப்புகளையும் மேற்படி epub, mobi  வகை மின்னூல்களாக மாற்ற முடியும்.

எழுத்தாளர்கள் தமது படைப்புகளை மின்னூல்களாக்க இணையத்தில் பல தளங்களுள்ளன. Issuu.Com,  Calameo.Com  போன்ற தளங்களில் 'மைக்ரோசாவ்ட் வேர்ட்' அல்லது 'பிடிஃப்' கோப்புகளை மின்னூல்களாக்கும் வசதிகளுள்ளன. இத்தளங்களில் அங்கத்தவர்களாகி இலவசமாக உங்கள் படைப்புகளை மின்னூல்களாக்க முடியும். இந்நிறுவனங்களிடம் பல்வேறு வகையாக திட்டங்களுள்ளன. அடிப்படைத்திட்டம் இலவசமானது. ஏனையவை மாதா மாதம் கட்டணம் கட்ட வேன்டிய திட்டங்கள். அடிப்படைத்திட்டங்களை விட மேலதிகப் பயன்களைக்கொண்டவை. இத்தளங்களுக்குச் சென்று மேலதிக விபரங்களை அறிந்து கொள்ளுங்கள்.

எழுத்தாளர் முல்லை அமுதனின் மாத இதழான காற்றுவெளி சஞ்சிகை Issuu.com மூலமாகவே வெளிவந்து உலகமெங்கும் பரந்திருக்கும் வாசகர் வட்டத்தைச்சென்றடைகின்றது என்பது குறிப்பிடத்தக்கது. இதுதவிர உங்களது அச்சில் வெளிவரும் சஞ்சிகைகளின் இணையப்பதிப்புகளை அல்லது இணையத்தில் மட்டுமே வெளிவரும் இணைய சஞ்சிகைகளை மின்னூல்களாக்கி விற்பனைச் செய்யவும் முடியும். Magzter.Com  என்ற நிறுவனத்தில் பல தமிழ்ச்சஞ்சிகைகளை (கணையாழி உட்பட) இவ்விதம் வாங்க முடியுமென்பது குறிப்பிடத்தக்கது.


தமிழில் மின்னூல்களை வழங்கும் நிறுவனங்கள்.

பிரதிலி.காம்
தமிழில் உங்கள் படைப்புகளை உள்வாங்கி மின்னூல்களாக்கி வெளியிடும் தளங்களுமுள்ளன. அண்மையில் ஆரம்பமான 'பிரதிலிபி.காம்' குறிப்பிடத்தக்க தளமாகும் இந்நிறுவனத்தின் இணையத்தள முகவரி வருமாறு: http://www.pratilipi.com.  தற்போது இந்திய மொழிகளான ஹிந்தி, மராத்தி, குஜராத்தி மற்றும் தமிழ் ஆகிய மொழிகளில் வெளியான படைப்புகளை இத்தளத்தில் வாசிக்கலாம். தற்போது சிறுகதைகள், கவிதைகள், புத்தகங்கள், சஞ்சிகைகள் ஆகிய பிரிவுகளில் எழுத்தாளர்கள் பற்றிய அறிமுகக் குறிப்புகளுடன் படைப்புகளை வெளியிட்டு வருகின்றார்கள். எதிர்காலத்தில் மேலும் பல இந்திய மொழிகளில் படைப்புகளை உள்வாங்கப்பட்டும் சாத்தியங்களுள்ளன. இத்தளத்தினை உருவாக்கி நடாத்தும் குழுவில் ரஞ்சித் பிரதாப் சிங் (Ranjeet Pratap Singh - KIIT University, B.Tech, FMS, Delhi MBA), பிரசாந்த குப்தா (Prashant Gupta - BITS Pilani, B.E. and M.E.), ராகுல் ரஞ்சன் (Rahul Ranjan - KIIT University, B.Tech.), சலி மோடி (Shally Modi - SP University, M.Sc., M.B.A), சங்கர நாராயண தேவராஜன் (Sankarnarayana Devarajan - Anna University, B.Tech, FMS, Delhi MBA) ஆகியோருள்ளனர். தமிழ் எழுத்தாளர்கள் தம் படைப்புகள் மேற்படி தளத்தில் மின்னூல்களாக வெளிவரவேண்டுமானால் சங்கர நாராயண தேவராஜனுடன் This e-mail address is being protected from spambots. You need JavaScript enabled to view it என்னும் மின்னஞ்சல் மூலம் தொடர்புகொள்ளுங்கள். பிரதிலிபி தளத்துக்குச் சென்று இத்தளம் வழங்கும் சேவைகள், நிபந்தனைகள் போன்றவற்றை அறிந்துகொள்ளுங்கள்.

FreeTamilebooks.Com
தமிழில் மின்னூல்களை உருவாக்கி வெளியிடும் இன்னுமொரு இணையத்தளம் freetamilebooks.com ஆகும். இத்தளம் மின்னூல்களை அறிவியல், ஆன்மிகம், ஆளூமைகள், கட்டுரைகள், கவிதைகள், சிறுகதைகள், நகைச்சுவை, நுட்பம், புதினங்கள், வரலாறு ஆகிய பிரிவுகளில் வெளியிட்டு வருகின்றது. மேலும் உங்கள் படைப்புகளை மின்னூல்களாக்கி பல்வேறு மின்னூல்களை வாசிக்கும் கருவிகளுக்கும் கணினிகளுக்கும் ஏற்ற வகையில் வெளியிடும் இந்நிறுவனத்தின் இணையத்தளத்தில் மின்னூல்கள் பற்றி, அவற்றின் உருவாக்கம் பற்றி பயனுள்ள தகவல்களுள்ளன.

இந்நிறுவனத்தை நடாத்தும் குழுவில் தகவல் தொழில்நுட்ப வல்லுநர்களான பிரியா (மும்பாய்) , இராஜேஸ்வரி (ஆஸ்திரேலியா), து.நித்யா (சென்னை), சிவமுருகன் பெருமாள் (அமெரிக்கா), கிஷோர் (சிங்கப்பூர்), ஜெயேந்திரன் சுப்பிரமணியம்  (பூனே), ஜெயேந்திரன் சுப்பிரமணியம் (அரபு நாடு) , லெனின் குருசாமி (காரைக்குடி),  மு. சிவலிங்கம் (ஓய்வு பெற்ற பொறியியலாளர், தமிழகம்), மனோஜ் குமார் (கோவை), கலீல் ஜாகீர் (விழுப்புரம்), அன்வர் (சென்னை), அ. இரவிசங்கர் (புதுக்கோட்டை), த.சீனிவாசன் (சென்னை)  மற்றும் ஜெகதீஸ்வரன் (சென்னை) ஆகியோருள்ளனர். மேற்படி தளத்துக்குச் சென்று மேலதிக விபரங்களைப்பெற்றுக்கொள்ளலாம். இணையத்தள முகவரி: http://freetamilebooks.com

தமிழ் எழுத்தாளர்கள் தமிழ் மின்னூல்களை வெளியிடும் நிறுவனங்களுடன் தொடர்புகொண்டு அவற்றின் சேவையினை இலவசமாகப்பெற்றுப் பயனடையுங்கள்.

மின்னூல்களால் ஏற்படும் நன்மைகள் பல. அவற்றில் சில வருமாறு:

உங்கள் படைப்புகள் உலகின் பல்வேறு பாகங்களிலும் வசிக்கும் வாசகர்களைச் சென்றடைகிறது. இலவசமாக மின்னூல்களைத்தயாரிக்க முடிகின்றது. காகிதங்களைப் பாவிக்காததால், தபாற் செலவு இல்லையென்பதால் சூழலுக்கு மிகவும் பயனை மின்னூல்கள் தருகின்றன. இயற்கை அழிவுகள் பலவற்றிலிருந்து உங்கள் படைப்புகள் தப்பி, நீண்ட காலத்துக்கு நிலைபெற்று நிற்க முடிகின்றது. இணையத்தமிழின் வளர்ச்சிக்கு உதவுகின்றன. இது போல் பல காரணங்களை மின்னூல்கள் வழங்குகின்றன.

சமூக ஊடகங்கள் பற்றிச்சில வார்த்தைகள்....

தற்போது மிக அதிகமானவர்களால் பாவிக்கப்படும் சமூக ஊடகம் முகநூலே. சுமார் ஒரு பில்லியன் அங்கத்தவர்களைக்கொண்ட ஊடகமிது. முகநூல் மூலம் அடையும் நன்மைகள் பல. அவற்றில் சில வருமாறு:

உங்களது உறவினர்களுடன், அல்லது உங்களது பால்ய காலத்து நண்பர்களுடன், உங்களுடன் வேலை பார்க்கும் நண்பர்களுடன், பல்வேறு நாடுகளில் வாழும் உங்களுக்குத்தெரிந்த எவருடனும் மிகவும் இலகுவாகத் தகவல்களைப் பரிமாறிக்கொள்ள முடிகின்றது. புகைப்படங்களை, காணொளிகளை, நீங்கள் அறிந்த பல்வேறு விடயங்களை, சமூக, அரசியல் மற்றும் இலக்கியம் பற்றிய உங்கள் கருத்துகளை மிகவும் இலகுவாகப் பொது வெளியிலும், அந்தரங்க வெளியிலும் பரிமாறிக்கொள்வதற்குரிய வசதிகளைக்கொண்ட  ஊடகம் முகநூல்.

மேலும் பொதுவான அச்சு ஊடகங்களில் வெளிவராத விடயங்களை, தகவல்களையெல்லாம் உடனுக்குடன் எழுத்துகளாகவோ, புகைப்படங்களாகவொ அல்லது காணொளிகளாகவோ முகநூல் மூலம் பகிர்ந்துகொள்ளலாம்.

சமூக, அரசியற் களத்தில் முகநூல் மூலம் ஆர்ப்பாட்டங்களை, அரசியல் நிகழ்வுகளை மிகவும் இலகுவாக ஒருங்கிணைந்து நடாத்திட முடிகின்றது. கலை, இலக்கிய விழாக்கள் பற்றிய தகவல்களை விரைவாகப் பலருக்கு அறிவிக்கவும், அவர்களுக்கு அழைப்புகளை அனுப்பவும் வழியினை முகநூல் ஏற்படுத்தித்தந்திருக்கின்றது.

மேலும் நண்பர்களுடன் அரட்டை அடிக்கவும் (குழுவாகவும், தனியாகவும்) முடிகின்றது.

உங்கள் வாழ்நாளில் நேரில் சந்திக்கவே சாத்தியமற்ற சமூக, அரசியல், கலை, இலக்கிய ஆளுமைகளுடன் நட்பினைப்பேணிட, அவர்களூடன் கருத்துகளைப் பரிமாறிட முகநூல் வழியேற்படுத்தித்தந்திருக்கின்றது.

இவைபோல் பல் ஆரோக்கியமான காரணங்களைப் பட்டியலிடலாம். அதே சமயம் எந்தவொரு தொழில் நுட்பமும் ஆரோக்கியமான நன்மைகளுடன், எதிர்மறையான விளைவுகளையும் கூடவே கொண்டு வருவது வழக்கமானதொன்றே. முகநூல் போன்ற சமூக உடகங்களும் அதற்கு விதிவிலக்கானவை அல்ல. இவற்றைப்பாவிக்கும் நாம்தாம் நன்மை, தீமைகளை ஆராய்ந்து, உரிய முறையில் இவ்வூடகங்களைப் பாவிக்க வேண்டும். அணுச்சக்தியினை ஆக்கச்சக்திக்குப் பாவிப்பதைப்போல் இவ்வகையான சமூக ஊடகங்களையும் பாவிக்க வேண்டும்.

முகநூலென்ற சமூக ஊடகத்தினை உலகுக்கு வழங்கிய மார்க் எலியட் சுக்கர்பெர்க் (Mark Elliot Zuckerberg) மானுடர்களின் நன்றிக்குரியவர்.

ஏனைய சமூக ஊடகங்களான 'லிங்க்டின்' (Linkedin) , 'ட்வீட்டர் (twitter)', 'யு டியூப்' (youtube)போன்ற சமூக ஊடகங்களெல்லாம் மானுடருக்குப் பல்வேறு வகைகளில் பயனளிக்கின்றன. குறிப்பாக யு டியூப் மூலம் பாடல்களைக் கேட்க, திரைப்படங்களை, அரிய பழைய காலத்துத்திரைப்படங்களைப் பார்க்க, அரசியல் தலைவர்களின், கலை, இலக்கிய ஆளுமைகளின் உரைகளைக் கேட்க, ஆவணப்படங்களைப் பார்க்க, அறிவியல் நூல்கள் மற்றும் பல்வேறு தொழில் நுட்பங்கள் பற்றிய விடயங்களைக்கற்க என இவை போன்ற பல நன்மைகளைப்பெற முடிகிறது.

இளங்கலைஞர்கள் தம் படைப்புகளைக் காணொளிகள் மூலம் வெளியிட்டு சர்வதேசரீதியாகத் தம்மை இனங்காட்டிட முடிகின்றது. ஆவணப்படங்களை, குறுந்திரைப்படங்களை வெளியிட முடிகிறது. என்னைப்பொறுத்தவரையில் முகநூலுக்கு அடுத்து நான் அதிகம் பாவிக்கும் சமூக ஊடகம் யு டியூப் தளமே ஆகும்.
 
This e-mail address is being protected from spambots. You need JavaScript enabled to view it

Last Updated on Wednesday, 29 July 2015 00:54  

பதிவுகள்

முகப்பு
அரசியல்
இலக்கியம்
சிறுகதை
கவிதை
அறிவியல்
உலக இலக்கியம்
சுற்றுச் சூழல்
நிகழ்வுகள்
கலை
நேர்காணல்
இ(அ)க்கரையில்...
நலந்தானா? நலந்தானா?
இணையத்தள அறிமுகம்
மதிப்புரை
பிற இணைய இணைப்புகள்
சினிமா
பதிவுகள் (2000 - 2011)
வெங்கட் சாமிநாதன்
K.S.Sivakumaran Column
அறிஞர் அ.ந.கந்தசாமி
கட்டடக்கலை / நகர அமைப்பு
வாசகர் கடிதங்கள்
பதிவுகளின் தோற்றம்/ நோக்கம்
நலந்தானா? நலந்தானா?
வ.ந.கிரிதரன்
கணித்தமிழ்
பதிவுகளில் அன்று
சமூகம்
கிடைக்கப் பெற்றோம்!
விளையாட்டு
நூல் அறிமுகம்
நாவல்
முகநூற் குறிப்புகள்
எழுத்தாளர் முருகபூபதி
சுப்ரபாரதிமணியன்
சு.குணேஸ்வரன்
யமுனா ராஜேந்திரன்
நுணாவிலூர் கா. விசயரத்தினம்
தேவகாந்தன் பக்கம்
முனைவர் ர. தாரணி
பயணங்கள்
'கனடிய' இலக்கியம்
நாகரத்தினம் கிருஷ்ணா
பிச்சினிக்காடு இளங்கோ
கலாநிதி நா.சுப்பிரமணியன்
ஆய்வு
த.சிவபாலு பக்கம்
லதா ராமகிருஷ்ணன்
குரு அரவிந்தன்
சத்யானந்தன்
வரி விளம்பரங்கள்
'பதிவுகள்' விளம்பரம்
மரண அறிவித்தல்கள்

பதிவுகளில் தேடுக!

counter for tumblr

அண்மையில் வெளியானவை

வ.ந.கிரிதரன் பக்கம்!

'வ.ந.கிரிதரன் பக்கம்' என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

'பதிவுகள் இதழுக்கான
சந்தா அன்பளிப்பு! 

'பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 கனடிய டொலர்கள் (CAD)  நீங்கள் 'பதிவுகள்' இதழுக்கு ஆண்டுச்சந்தாவுக்கான அன்பளிப்பாக அனுப்பலாம். நீங்கள் அன்பளிப்பு கொடுக்க விரும்பினால் , Pay Pal மூலம் பின்வரும் பதிவுகளுக்கான சந்தா அன்பளிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.

'பதிவுகள்' இணைய இதழ்
விளம்பரங்கள்

'பதிவுகள்' இணைய இதழ் உலகின் பல பாகங்களிலும் தமிழ் மக்களால் படிக்கப்படும் இணைய இதழ்.  'பதிவுகள்' இணைய இதழில் விளம்பரங்கள் மற்றும் பல்வகையான அறிவித்தல்களையும் (மரண அறிவித்தல்களுட்பட)  பிரசுரிக்க முடிவு செய்துள்ளோம். ''பதிவுகள்' இணைய இதழில் உங்கள் விளம்பரங்களைப் பிரசுரிப்பதன் மூலம் உங்கள் வியாபாரத்தை உலகளாவியரீதியில் பெற முடியும். 'பதிவுகள்' இணைய இதழில் வியாபாரம் , பிறந்தநாள் வாழ்த்துகள் மற்றும் மரண அறிவித்தல்களைப் பிரசுரிக்க விரும்பினால் அவை ஒரு வருட காலம் வரையில் 'பதிவுகள்' இணைய இதழில் பிரசுரமாகும். அதற்கான கட்டணம் $100 (CAD) கனடிய டொலர்களாகும். அதனைப் Pay Pal மூலம் 'பதிவுகள்' விளம்பரம்' என்னும் இவ்விணைப்பினை அழுத்துவதன் மூலம் நீங்கள் செலுத்தலாம். செலுத்தியதும் உங்கள் விளம்பரங்களை, அறிவித்தல்களை (உரிய புகைப்படங்கள் போன்றவற்றுடன்) ngiri2704@rogers.com என்னும் மின்னஞ்சல் முகவரிக்கு அனுப்பி வைக்கவும். அவை 'பதிவுகள்' இணைய இதழில் பிரசுரமாகும்.

'பதிவுகள்' இணைய இதழில்
வரி விளம்பரங்கள்.

'பதிவுகள்' இணைய இதழ் உலகின் பல பாகங்களிலும் தமிழ் மக்களால் படிக்கப்படும் இணைய இதழ்.  'பதிவுகள்' இணைய இதழில் வரி விளம்பரங்களைப்  பிரசுரிக்க முடிவு செய்துள்ளோம். அதற்கான கட்டணம் $25 (CAD) கனடிய டொலர்கள் மட்டுமே. வாடகை விளம்பரங்கள், வீடு விற்பனை விளம்பரங்கள், சுய வியாபார விளம்பரங்கள் என அனைத்து வகையான விளம்பரங்களும் 'பதிவுகள்' இணைய இதழில் பிரசுரிக்கப்படும். விளம்பரங்களை அனுப்ப விரும்புவோர் Pay Pal மூலம் 'பதிவுகள் வரி விளம்பரம்' என்னும் இவ்விணைப்பினை அனுப்பி, விளம்பரக்கட்டணத்தைச் செலுத்தியதும் , விளம்பரங்களை ngiri2704@rogers.com என்னும் மின்னஞ்சல் முகவரிக்கு அனுப்பி வைக்கவும். அவை 'பதிவுகள்' இணைய இதழில் பிரசுரமாகும்.

பதிவுகள் விளம்பரம்

பதிவுகள் வரி விளம்பரம்

மரண அறிவித்தல்கள்

வ.ந.கிரிதரனின் 'குடிவரவாளன்'!

நீண்ட நாள்களாக வெளிவருவதாகவிருந்த எனது 'குடிவரவாளன்' நாவல் டிசம்பர் 2015 முதல் வாரத்தில், தமிழகத்தில் 'ஓவியா' பதிப்பகம் மூலமாக வெளிவந்துள்ளது. இந்நாவல் நான் ஏற்கனவே எழுதி தமிழகத்தில் வெளியான 'அமெரிக்கா' சிறுநாவலின் தொடர்ச்சி. 'பதிவுகள்', 'திண்ணை' ஆகிய இணைய இதழ்களில் ஆரம்பத்தில் 'அமெரிக்கா 2' என்னும் பெயரில் வெளியாகிப்பின்னர் 'குடிவரவாளன்' என்னும் பெயர் மாற்றம் பெற்ற படைப்பு.
இலங்கைத்தமிழ் அகதி ஒருவரின் நியூயார்க் தடுப்பு முகாம் வாழ்வினை 'அமெரிக்கா' விபரித்தால், இந்நாவல் நியூயோர்க் மாநகரில் சட்டவிரோதக் குடிகளிலொருவனாக சுமார் ஒரு வருட காலம் அலைந்து திரிந்த இலங்கைத்தமிழ் அகதியொருவனின் அனுபவங்களை விபரிக்கும்.

'ஓவியா' பதிப்பக விபரங்கள்:
Oviya Pathippagam

17-16-5A, K.K.Nagar,
Batlagundua - 642 202
Tamil Nadu, India

Phone: 04543 - 26 26 86
Cell: 766 755 711 4, 96 2 96 52 6 52
email: oviyapathippagam@gmail.com | vathilaipraba@gmail.com

பதிவுகள் இதுவரையில் (2000 - 2011)

பதிவுகளின் அமைப்பு மாறுகிறது..
வாசகர்களே! இம்மாத இதழுடன் (மார்ச் 2011)  பதிவுகள் இணைய இதழின் வடிவமைப்பு மாறுகிறது. இதுவரை பதிவுகளில் வெளியான ஆக்கங்கள் அனைத்தையும் இப்புதிய வடிவமைப்பில் இணைக்க வேண்டுமென்பதுதான் எம் அவா.  காலப்போக்கில் படிப்படியாக அனைத்து ஆக்கங்களும், அம்சங்களும் புதிய வடிவமைப்பில் இணைத்துக்கொள்ளப்படும்.  இதுவரை பதிவுகள் இணையத் தளத்தில் வெளியான ஆக்கங்கள் அனைத்தையும் பழைய வடிவமைப்பில் நீங்கள் வாசிக்க முடியும். அதற்கான இணையத்தள இணைப்பு கீழே:

இதுவரை 'பதிவுகள்' (மார்ச் 2000 - மார்ச் 2011): கடந்தவை

 

 

அறிஞர் அ.ந.கந்தசாமி படைப்புகள்

வ.ந.கிரிதரனின் 'அமெரிக்கா' மின்னூல் விற்பனையில்..

வ.ந.கிரிதரனின் 'அமெரிக்கா' (குறூநாவலும் சிறுகதைகளும்) ஸ்நேகா (தமிழகம்) / மங்கை (கனடா) பதிப்பகங்கள் இணைந்து டிசம்பர் 1996இல் தமிழகத்தில் வெளியிட்ட தொகுப்பு நூல். 'அமெரிக்கா' ஈழத்து அகதியொருவனின் அமெரிக்கத் தடுப்பு முகாம் வாழ்வினை விபரிக்கும் குறுநாவல்.உண்மைச் சம்பவங்களின் அடிப்படையில் புனையப்பட்ட குறுநாவல். இத்தொகுப்பிலுள்ள சிறுகதையான 'ஒரு மா(நா)ட்டுப் பிரச்சினை' தமிழகத்தில் வெளியான 'பனியும் , பனையும்' தொகுப்பிலும் இடம்பெற்றுள்ளது. மேற்படி குறுநாவலினிதும் சிறுகதைகளினதும் ஆங்கில மொழிபெயர்ப்பு (லதா ராமகிருஷ்ணனால் மொழிபெயர்க்கப்பட்டவை) இன்னும் நூலாக வெளிவரவில்லை. 'அமெரிக்கா' நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.  வாங்க விரும்பினால் இங்கு அழுத்தவும்.

வ.ந.கிரிதரனின் 'மண்ணின் குரல்' மின்னூல் விற்பனையில்...

வ.ந.கிரிதரனின் 'மண்ணின் குரல்' மின்னூல் விற்பனையில். வ.ந.கிரிதரனின் 'மண்ணின் குரல்' நூலானது 'வன்னி மண்', 'அருச்சுனனின் தேடலும், அகலிகையின் காதலும்', 'கணங்களும், குணங்களும்' மற்றும் 'மண்ணின் குரல்' ஆகிய நான்கு நாவல்களின் தொகுப்பு. தமிழகத்தில் குமரன் பப்ளிஷர்ஸினரால் 1998இல் இதன் முதற்பதிப்பு வெளியிடப்பட்டது. 'மண்ணின் குரல்' ஏற்கனவே மங்கை பதிப்பகத்தினால் (கனடா) நாவல், கட்டுரைகள், கவிதைகளடங்கிய சிறு தொகுப்பாக வெளியிடப்பட்டது. நூலின் முதற்பதிப்பினை $ 4 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம்.  நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்

அம்புலிமாமா (சிறுவர் மாத இதழ்)

அம்புலிமாமா

Welcome to The Literature Network!

We offer searchable online literature for the student, educator, or enthusiast. To find the work you're looking for start by looking through the author index. We currently have over 3000 full books and over 4000 short stories and poems by over 250 authors. Our quotations database has over 8500 quotes. Read More

நிற்பதுவே! நடப்பதுவே!

நிற்பதுவே, நடப்பதுவே, பறப்பதுவே, நீங்களெல்லாம்
சொற்பனந் தானோ?- பல தோற்ற மயக்கங்களோ?
கற்பதுவே, கேட்பதுவே, கருதுவதே, நீங்களெல்லாம்
அற்பமாயைகளோ?-... மேலும் கேட்க

ஜெயபாரதனின் அறிவியற் தளம்

எனது குறிக்கோள் தமிழில் புதிதாக விஞ்ஞானப் படைப்புகள், நாடகக் காவியங்கள் பெருக வேண்டும் என்பதே. “மகத்தான பணிகளைப் புரிய நீ பிறந்திருக்கிறாய்” என்று விவேகானந்தர் கூறிய பொன்மொழியே என் ஆக்கப் பணிகளுக்கு ஆணிவேராக நின்று ஒரு மந்திர உரையாக நெஞ்சில் அலைகளைப் பரப்பி வருகிறது... உள்ளே

Karl Marx, 1818-1883

The philosopher, social scientist, historian and revolutionary, Karl Marx, is without a doubt the most influential socialist thinker to emerge in the 19th century. Although he was largely ignored by scholars in his own lifetime, his social, economic and political ideas gained rapid acceptance in the socialist movement after his death in 1883. Until quite recently almost half the population of the world lived under regimes that claim to be Marxist

The philosopher, social scientist, historian and revolutionary, Karl Marx, is without a doubt the most influential socialist thinker to emerge in the 19th century. Although he was largely ignored by scholars in his own lifetime, his social, economic and political ideas gained rapid acceptance in the socialist movement after his death in 1883. Until quite recently almost half the population of the world lived under regimes that claim to be Marxist....Read More

Einstein Archives Online

The Einstein Archives Online Website provides the first online access to Albert Einstein’s scientific and non-scientific manuscripts held by the Albert Einstein Archives at the Hebrew University of Jerusalem and to an extensive Archival Database, constituting the material record of one of the most influential intellects in the modern era...Read More

Wikileaks


பதிவுகள் (Pathivukal- Online Tamil Magazine)

' வ.ந.கிரிதரன் பக்கம்'என்னும் இவ்வலைப்பதிவில் அவரது படைப்புகளை நீங்கள் வாசிக்கலாம். https://vngiritharan230.blogspot.ca/

'பதிவுகள்' -  பன்னாட்டு இணைய இதழ்! |  ISSN  1481 - 2991
ஆசிரியர்:  வ.ந.கிரிதரன்
Editor-in - Chief:  V.N.Giritharan

"அனைவருடனும் அறிவினைப் பகிர்ந்து கொள்வோம்"

"Sharing Knowledge With Every One"
'பதிவுகள்' பன்னாட்டு இணைய இதழை http://www.pathivukal.com, http://www.pathivugal.com , http://www.geotamil.com ஆகிய இணைய முகவரிகளில் வாசிக்கலாம். உங்கள் ஆக்கபூர்வமான கருத்துகளையும், ஆக்கங்களையும் ngiri2704@rogers.com என்னும் மின்னஞ்சலுக்கு அனுப்பி வையுங்கள்.  'அனைவருடனும் அறிவினைப் பகிர்ந்து கொள்வோம்' என்னும் தாரக மந்திரத்துடன் , எழுத்தாளர் வ.ந.கிரிதரனை ஆசிரியராகக்கொண்டு வெளிவரும் 'பதிவுகள்' இணைய இதழ் 2000ஆம் ஆண்டிலிருந்து வெளிவருமொரு இணைய இதழ் என்பது குறிப்பிடத் தக்கது.
*இந்தியப் பல்கலைக்கழக மானியக் குழுவின் ஏற்றுக்கொள்ளப்பட்ட  ஆய்விதழ்கள் பட்டியலில் “பதிவுகள்” பன்னாட்டு இணைய இதழும் கலைகள் மற்றும் மானுடவியல் பிரிவில் தமிழ் மொழிக்கான ஆய்விதழ்களில் ஒன்றாக  இடம் பெற்றுள்ளது. -  Pathivukal is one of the University Grants Commission (India) approved list of journals.

'பதிவுகள்' ஆலோசகர் குழு:
பேராசிரியர்  நா.சுப்பிரமணியன் (கனடா)
பேராசிரியர்  துரை மணிகண்டன் (தமிழ்நாடு)
பேராசிரியர்   மகாதேவா (ஐக்கிய இராச்சியம்)
எழுத்தாளர்  லெ.முருகபூபதி (ஆஸ்திரேலியா)
எழுத்தாளர்: கா.விசயரத்தினம் (ஐக்கிய இராச்சியம்)

'Pathivukal'  Advisory Board:
Professor N.Subramaniyan (Canada)
Professor  Durai Manikandan (TamilNadu)
Professor  Kopan Mahadeva (United Kingdom)
Writer L. Murugapoopathy  (Australia)
Writer K. Wijeyaratnam (United Kingdom)

'பதிவுகள் இதழுக்கான சந்தா அன்பளிப்பு! 

'பதிவுகள்' இணைய இதழ் ஆரம்பித்ததிலிருந்து இன்று வரை இலவசமாக வெளிவந்துகொண்டிருக்கின்றது. தொடர்ந்தும் இலவசமாகவே  வெளிவரும்.  அதே சமயம்  'பதிவுகள்' போன்ற இணையத்தளமொன்றினை நடாத்துவது என்பது மிகுந்த உழைப்பினை வேண்டி நிற்குமொன்று. எனவே 'பதிவுகள்' இணைய இதழின் பங்களிப்புக்கும், வளர்ச்சிக்கும் உதவ விரும்பினால் , உங்கள் பங்களிப்பு வரவேற்கப்படும். குறைந்தது $5 (CAD) கனடிய  டொலர்களை   நீங்கள் 'பதிவுகள்' இதழுக்கு ஆண்டுச்சந்தாவுக்கான அன்பளிப்பாக அனுப்பலாம். நீங்கள் அன்பளிப்பு கொடுக்க விரும்பினால் , Pay Pal மூலம் பின்வரும் பதிவுகளுக்கான சந்தா அன்பளிப்பு இணைய இணைப்பினை அழுத்துவதன் மூலம் கொடுக்கலாம். உங்கள் ஆதரவுக்கு நன்றி.

'பதிவுகள்' இணைய இதழ் விளம்பரங்கள் ,
மரண அறிவித்தல்கள், பிறந்தநாள் &
திருமண வாழ்த்துகள்.

'பதிவுகள்' இணைய இதழ் உலகின் பல பாகங்களிலும் தமிழ் மக்களால் படிக்கப்படும் இணைய இதழ்.  'பதிவுகள்' இணைய இதழில் விளம்பரங்கள் மற்றும் பல்வகையான அறிவித்தல்களையும் (பிறந்தநாள் வாழ்த்துகள், திருமண வாழ்த்துகள் மற்றும் மரண அறிவித்தல்களுட்பட)  பிரசுரிக்க முடிவு செய்துள்ளோம்.  'பதிவுகள்' இணைய இதழில் உங்கள் விளம்பரங்களைப் பிரசுரிப்பதன் மூலம் உங்கள் வியாபாரத்தை உலகளாவியரீதியில் பெற முடியும். 'பதிவுகள்' இணைய இதழில் வியாபாரம் , பிறந்தநாள் வாழ்த்துகள் மற்றும் மரண அறிவித்தல்களைப் பிரசுரிக்க விரும்பினால் அவை ஒரு வருட காலம் வரையில் 'பதிவுகள்' இணைய இதழில் பிரசுரமாகும். அதற்கான கட்டணம் $100 (CAD) கனடிய டொலர்களாகும். அதனைப்  Pay Pal மூலம்  'பதிவுகள்' விளம்பரம்' என்னும் இவ்விணைப்பினை அழுத்துவதன் மூலம் நீங்கள் செலுத்தலாம். செலுத்தியதும் உங்கள் விளம்பரங்களை, அறிவித்தல்களை (உரிய புகைப்படங்கள் போன்றவற்றுடன்) ngiri2704@rogers.com என்னும் மின்னஞ்சல் முகவரிக்கு அனுப்பி வைக்கவும். அவை 'பதிவுகள்' இணைய இதழில் பிரசுரமாகும்.

'பதிவுகள்' இணைய இதழில் வரி விளம்பரங்கள்.

'பதிவுகள்' இணைய இதழ் உலகின் பல பாகங்களிலும் தமிழ் மக்களால் படிக்கப்படும் இணைய இதழ்.  'பதிவுகள்' இணைய இதழில் வரி விளம்பரங்களைப்  பிரசுரிக்க முடிவு செய்துள்ளோம்.  அதற்கான கட்டணம் $25  (CAD) கனடிய டொலர்கள் மட்டுமே. வாடகை விளம்பரங்கள், வீடு விற்பனை விளம்பரங்கள், சுய வியாபார விளம்பரங்கள் என அனைத்து வகையான விளம்பரங்களும் 'பதிவுகள்' இணைய இதழில் பிரசுரிக்கப்படும். விளம்பரங்களை அனுப்ப விரும்புவோர்  Pay Pal மூலம்  'பதிவுகள் வரி விளம்பரம்' என்னும் இவ்விணைப்பினை அனுப்பி, விளம்பரக்கட்டணத்தைச் செலுத்தியதும் , விளம்பரங்களை ngiri2704@rogers.com என்னும் மின்னஞ்சல் முகவரிக்கு அனுப்பி வைக்கவும். அவை 'பதிவுகள்' இணைய இதழில் பிரசுரமாகும்.

பதிவுகள் விளம்பரம்

வரி விளம்பரம்

Canada

The Government of Canada's primary internet site for the international audience. Whether you are travelling or immigrating to Canada, preparing to do business in Canada. more..

Canadian Aboriginals

ஆய்வுக்கட்டுரைகளை அனுப்புவோர்...

'பதிவுகள்' இணைய இதழுக்குப் பல பட்டப்படிப்பு மாணவர்கள் மற்றும் பட்டதாரிகள் ஆய்வுக்கட்டுரைகளை அனுப்பி வருகின்றார்கள். அவர்கள்தம் ஆய்வுக்கட்டுரைகளை 'ஆய்வு' என்னும் பகுதியில் பிரசுரித்து  வருகின்றோம். ஆய்வுக்கட்டுரைகளை அனுப்புவோர் தம் ஆய்வுக்கட்டுரைகளில் அக்கட்டுரைகளுக்கு ஆதாரங்களாக உசாத்துணை நூல்கள் போன்ற விபரங்களைக்குறிப்பிட வேண்டும். இவ்விதமான சான்றுகளற்ற ஆய்வுக்கட்டுரைகள் 'பதிவுகளி'ல் 'ஆய்வு' என்னும் பகுதியில் பிரசுரிக்கப்படமாட்டாது என்பதை அறியத்தருகின்றோம். மேலும் pdf கோப்புகளாக அனுப்பப்படும் கட்டுரைகளையும் பதிவுகள் பிரசுரத்துக்கு ஏற்காது என்பதையும் அறியத்தருகின்றோம். பதிவுகளுக்கு ஆக்கங்களை அனுப்புவோர் ஒருங்குறி எழுத்துருவில் படைப்புகளை அனுப்ப வேண்டும். ஆக்கங்களை அனுப்ப வேண்டிய மின்னஞ்சல் முகவரி: ngiri2704@rogers.com - பதிவுகள் -

வரி விளம்பரங்கள்

வரி விளம்பரம்

 

'பதிவுகளு'க்குப் படைப்புகளை அல்லது கடிதங்களை அனுப்புவர்கள்  ngiri2704@rogers.com என்னும் மின்னஞ்சல் முகவரிக்கு அனுப்பி வைக்கவும்.

Yes We Can

மின்னூல்: நல்லூர் இராஜதானி நகர அமைப்பு விற்பனைக்கு ..

 

மங்கை பதிப்பகம் (கனடா) மற்றும் சிநேகா பதிப்பகம் (தமிழகம்) இணைந்து வெளியிட்ட நல்லூர் இராஜதானி நகர அமைப்பு (முதற் பதிப்பு: டிசம்பர் 1996) தற்போது மின்னூலாக .pdf கோப்பாக விற்பனைக்கு இங்கு கிடைக்கிறது. ஈழத்துத் தமிழ் மன்னர்களின் புகழ்பெற்ற இராஜதானிகளில் ஒன்றாக விளங்கிய நகர் நல்லூர். ஈழத்துத் தமிழ் மன்னர்கள் பற்றிய வரலாற்று நூல்கள் பல கிடைக்கின்றன. ஆனால், தமிழ் அரசர்களின் இராஜதானிகளாக விளங்கிய நகரங்களின் நகர அமைப்பு பற்றி நூல்களெதுவும் இதுவரையில் வெளி வரவில்லை. அந்த வகையில் இந்நூல் ஒரு முதல் நூல். கிடைக்கப் பெற்ற வரலாற்றுத் தகவல்கள், கள ஆய்வுத் தகவல்கள் மற்றும் திராவிடக் கட்டடக்கலை / நகர அமைப்புத் தகவல்கள், ஆய்வுகளின் அடிப்படையில் நல்லூர் இராஜதானியின் நகர அமைப்பு பற்றி ஆராயும் ஆய்வு நூல். எழுத்தாளர் செ. யோகநாதன் முன்னுரையில் குறிப்பிட்டதுபோல் பின்னாளில் இத்துறையில் ஆராய விளையும் எவருக்குமொரு முதனூலாக விளங்கும் நூலிது. இந்நூலின் திருத்திய இரண்டாவது பதிப்பு இன்னும் நூலாக வெளிவரவில்லை. ஆனால், இணைய இதழ்களான பதிவுகள், திண்ணை ஆகியவற்றில் தொடராக வெளிவந்துள்ளது. விரைவில் அதன் மின்னூல் பதிப்பினையும் இங்கு வாங்கலாம். நல்லார் இராஜதானி நகர அமைப்பு நூலின் முதற்பதிப்பினை $ 3 கனேடிய டாலர்களுக்கு PayPal தளத்தினூடு, அல்லது PayPal வழங்கும் கடனட்டை பாவிக்கும் வசதிகளினூடு வாங்கமுடியும். பணத்தைக் கொடுத்ததும் மின்னூல் கோப்பினை நீங்கள் பதிவிறக்கிக் கொள்ளலாம். நீங்கள் பணத்தைச் செலுத்தியதும் Order Completed பக்கம் Download இணைப்புடன் (link) திரையில் தெரியும்.  அந்த இணைப்பினை அழுத்தி நூலின் .pdf பிரதியினைப் பதிவிறக்கிக்கொள்ளலாம்.   வாங்க விரும்பினால் இங்கு அழுத்தவும்.

கூகுளில் தேடுங்கள்

Custom Search

உங்களது சகல தகவல் தொழில்நுட்ப ( IT) சேவைகளும் நியாயமான விலையில்

Satyamev Jayate

Join Aamir Khan and STAR India on Satyamev Jayate – an emotional, challenging quest for hope – Sundays, at 11 AM

Center For Asia Studies

Fyodor Dostoevsky

Fyodor Dostoevsky (1821-1881) was a Russian novelist, journalist, short-story writer whose psychological penetration into the human soul had a profound influence on the 20th century novel. Read More

Brian Greene

Brian Greene (born February 9, 1963) is an American theoretical physicist
Brian Greene (born February 9, 1963) is an American theoretical physicist and string theorist. He has been a professor at Columbia University since 1996. Greene has worked on mirror symmetry, relating two different Calabi-Yau manifolds (concretely, relating the conifold to one of its orbifolds). He also described the flop transition, a mild form of topology change, showing that topology in string theory can change at the conifold point... Read More

Shami Accounting Services

charles_nirmalarajan5.jpg - 19.08 Kb

We provide complete accounting, federal and provincial tax services to individuals or businesses. Our objective is to continue to provide our clients with the highest level of service at the lowest possible fee tailor to your specific needs. Visit our site.

We develop CMS (Content Management Systems) websites for small businesses.

What is a CMS (Content Management Systems) web site? It is a type of web site which allows you to control and manage the content of your site without programming or HTML knowledge. Using CMS you can easily add or delete the content (images & text) in your website on the fly. We develop a higly professional CMS web site at a reasonable price. With your basic computer skills, you will be able to manage the content of your web site easily. Editing can be done with any normal web browser from anywhere in the world.  For your CMS website needs, Contact Nav Giri , an independent Web Infrastructure Consultant, at ngiri2704@rogers.com


வெற்றியின் இரகசியங்கள்

"எதுவும் சாத்தியம், எதுவும் என்னால் முடியும்! இப்படி எண்ணுபனுக்கே இவ்வுலகம். இப்படி எண்ணுபவனுக்கே வாழ்க்கையில் வெற்றி! இப்படி எண்ணுபனுக்கே இவ்வுலக இன்பங்கள்! இப்படி எண்ணுபவனே சமுதாயத்துக்கும் தனக்கும் பயனுள்ள வாழ்க்கையை நடத்த முடியும்!" - அறிஞர் அ.ந.கந்தசாமி -